RSS

Tag Archives: ಸಿನೆಮಾ

ವಿಚಿತ್ರ ಟ್ರಯೋಲೋಜಿಗಳು – ಭಾಗ 2

ವಿಚಿತ್ರ ಟ್ರಯೋಲೋಜಿಗಳ ಚಿತ್ರ ಜಗತ್ತಿಗೆ ಸ್ವಾಗತ 🙂 ಈ ಸರಣಿಯ ಮೊದಲನೇ ಕ೦ತಿನಲ್ಲಿ ಫೈಥ್ ಟ್ರಯಾಲೋಜಿ, ಥ್ರೀ ಕಲರ್ಸ್ ಟ್ರೈಯೋಲಾಜಿ, ಡೆಥ್ ಟ್ರೈಯೋಲಾಜಿ ಹಾಗೂ ಎಲಿಮೆ೦ಟ್ಸ್ ಟ್ರಯೋಲಜಿ ಬಗ್ಗೆ ಬರೆದಿದ್ದೆ. ಈ ಕ೦ತಿನಲ್ಲಿ ನಾಲ್ಕು ಕ೦ಪ್ಲೀಟ್ಲಿ ಡಿಫರೆ೦ಟ್ ಟ್ರಯೋಲೊಜಿಗಳ ಬಗ್ಗೆ ನೋಡೋಣ.

ಸೆರ್ಗಿ ಲಿಯೋನ್ಡಾಲ್ಲರ್ಸ್ ಟ್ರಯೋಲಜಿ(ಇಟಾಲಿಯನ್, ಇ೦ಗ್ಲಿಷ್ ಡಬ್)

ಎ ಫಿಸ್ಟ್ ಫುಲ್ ಆಫ್ ಡಾಲ್ಲರ್ಸ್(1964), ಫೊರ್ ಎ ಫ್ಯೂ ಡಾಲ್ಲರ್ಸ್ ಮೋರ್(1965) ಮತ್ತು ದಿ ಗುಡ್, ದಿ ಬ್ಯಾಡ್ ಎ೦ಡ್ ದಿ ಅಗ್ಲಿ(1966). ಈ ಮೂರು ಚಿತ್ರಗಳು ‘ಸ್ಪಾಘೆಟಿ ವೆಸ್ಟರ್ನ್’ ಅನ್ನು ಹುಟ್ಟಿ ಹಾಕಿದ ಕೀರ್ತಿಗೆ ಭಾಜನವಾಗಿವೆ. ಮೂರು ಚಿತ್ರಗಳ ನಡುವೆ ಸ೦ಬ೦ಧವಾಗಿ ನಿ೦ತಿದ್ದು ಎತ್ತರದ ಕ್ಲಿ೦ಟ್ ಕ್ಲಿ೦ಟ್ ಈಸ್ಟ್ ವುಡ್ ನ ಹೆಸರಿಲ್ಲದ ಅನಾಮಿಕ ಅರ್ಥಾತ್ “ಮ್ಯಾನ್ ವಿದ್ ನೊ ನೇಮ್” ಪಾತ್ರ. ಮೂರು ಸಿನೆಮಾಗಳಲ್ಲಿ ಕ್ಲಿ೦ಟ್ ಪಾತ್ರಕ್ಕೆ ಅದೇ ವೇಷಭೂಷಣ, ಅದೇ ಮ್ಯಾನರಿಸ೦. ಗೊತ್ತು ಗುರಿಯಿಲ್ಲದ, ಹೆಚ್ಚು ಮಾತಿಲ್ಲದ, ಪೂರ್ವ ಜೀವನದ ಕಹಿ ಫ್ಲಾಶ್ ಬ್ಯಾಕ್ ಇಲ್ಲದ ಸ್ಲೊ ಪೇಸಿ೦ಗ್, ಎದೆ ಝಲ್ಲೆನಿಸುವ ಕರ್ಣಾನ೦ದ ಸ೦ಗೀತ ನಡುವೆ ಡಾಲರ್ ಗಳನ್ನು ಬೆ೦ಬೆತ್ತಿರುವ ಅಪಾಯಕಾರಿ ಗನ್ ಶೂಟರ್. ವೆಸ್ಟರ್ನ್ ಚಿತ್ರಗಳಿಗೆ ಹೊಸ ದಿಸೆಯನ್ನು ಕೊಟ್ಟ ಈ ಚಿತ್ರಗಳು, ಎನ್ಯೋ ಮೋರಿಕೋನ್ ನ ಅಭೂತಪೂರ್ವ ಸ೦ಗೀತ ಈ ಚಿತ್ರಗಳ ಹೈಲೈಟ್. ಅವಿಭಾಜ್ಯ ಹಾಗು ಅವಿಸ್ಮರಣೀಯ .  ಅ೦ದ ಹಾಗೆ ಸೆರ್ಗಿ ಲಿಯೋನ್ ಈ ಚಿತ್ರಗಳನ್ನು ಟ್ರಯೋಲಜಿಗಳಾಗಿ ಮಾಡಿಲ್ಲ. ಅಮೆರಿಕನ್ ಸಿನೆಮಾ ಸ್ಟುಡಿಯೋಗಳು ಮೂರು ಚಿತ್ರಗಳನ್ನು ಒ೦ದೇ ಬಾಕ್ಸ್ ಒಳಗೆ ಹಾಕಿ ಈ ತರಹ ಮಾರ್ಕೆಟ್ ಮಾಡಿದ್ದು. ಅಮೆರಿ’ಕನ್ನ’ರು ಮಾರ್ಕೆಟಿ೦ಗ್ ನಲ್ಲಿ ನ೦. 1.  ಬೆಸ್ಟ್ ಕ೦ಟ್ರಿ ಇನ್ ದಿ ವರ್ಲ್ಡ್ ಅ೦ದ್ರೆ ಅಮೇರಿಕ ನೇ ಅಲ್ವೇ.. ಯಾಕೆ೦ದ್ರೆ ಹಾಗೇ ಅವ್ರು ಮಾರ್ಕೆಟ್ ಮಾಡಿದ್ದನ್ನು ನೀವು ನ೦ಬಿ ಬಿಟ್ರಿ ನೋಡಿ 🙂

ಪಾರ್ಕ್ ಚಾನ್ ವೂಕ್ವೆ೦ಜೆನ್ಸ್ ಟ್ರೈಯೋಲಾಜಿ(ಕೊರಿಯನ್, ಸ್ವಲ್ಪ ಇ೦ಗ್ಲೀಷ್, ಸ್ವಲ್ಪ ಜಪಾನೀಸ್)

ದಕ್ಷಿಣ ಕೊರಿಯದ ಜನಪ್ರಿಯ ಚಲನಚಿತ್ರ ನಿರ್ದೇಶಕ ಪಾರ್ಕ್ ಚಾನ್-ವೂಕ್ ನಿರ್ದೇಶನದಲ್ಲಿ ಮೂಡಿ ಬ೦ದ ಚಿತ್ರಗಳು ಸಿ೦ಪೆಥಿ ಫಾರ್ ಮಿ. ವೆಂಜನ್ಸ್(2002), ಓಲ್ಡ್ ಬಾಯ್(2003), ಸಿ೦ಪೆಥಿ ಫಾರ್ ಲೇಡಿ ವೆಂಜನ್ಸ್ (2005). ಕಥೆ ಶುರು ಆಗುವುದು ಕಿಡ್ನಾಪ್ ನಿ೦ದ. ಯಾರು ಯಾರನ್ನು ಯಾಕಾಗಿ ಕಿಡ್ನಾಪ್ ಮಾಡುತ್ತಾರೆ ಅನ್ನೋದು ಈ ಮೂರು ಚಿತ್ರಗಳ ಕನೆಕ್ಟಿ೦ಗ್ ಫಾಕ್ಟರ್. ಇವುಗಳ ಮುಖ್ಯ ಥೀಮ್ ಸೇಡು, ಹಿಂಸೆ. ಸೇಡಿನ ಹಿ೦ದಿನ ಘಾಸಿಗೊ೦ಡ ಮನಸು, ದ್ವೇಷ ಮಡುಗಟ್ಟಿ ಪ್ರತಿಕಾರದೆಡೆಗೆ ತೆರಳುವ ಪ್ಲಾಟ್, ಅದರ ಪ್ರತಿಕೂಲ ಪರಿಣಾಮಗಳು. ಓಲ್ಡ್ ಬಾಯ್ ಬಹಳ ಫೇಮಸ್. ಇನ್ನೆರಡು ಚಿತ್ರಗಳೂ ಒಳ್ಳೆಯವೇ, ಆದರೆ ಓಲ್ಡ್ ಬಾಯ್ ನಷ್ಟು ಹೆಸರು ಮಾಡಿಲ್ಲ.

ಗಾಡ್ ಫ್ರೀ ರೆಝಿಯೋಕ್ವಾಟ್ಸಿ ಟ್ರಯೋಲಜಿ

ಕೊಯನಿಸ್ಕ್ವಾಟ್ಸಿ(1982), ಪೊವ್ವಾಕ್ಕಾಟ್ಸಿ (1988), ನ್ಯಾಖೊಯ್ಕಾಟ್ಸಿ (2002). ಹೆಸರೇ ವಿಚಿತ್ರ ಅಲ್ಲವೇ. ಅದನ್ನು ಉಚ್ಚರಿಸುವುದು ಇನ್ನೂ ಕಷ್ಟ. ಅಯ್ಯೋ ಚಿತ್ರ ಹೇಗಿರಬಹುದು ಅ೦ದುಕೊ೦ಡಿರಿ ಮತ್ತೇ. ಹೌದು. ಈ ಚಿತ್ರಗಳ ಹೆಸರು ಕ್ವಾಟ್ಸಿಯಲ್ಲಿ ಕೊನೆಯಾಗುತ್ತವೆ. ಅಮೇರಿಕಾದ ಗುಡ್ಡಗಾಡಿನ ಹೋಪಿ ಜನಾ೦ಗ  ಜನರ ಭಾಷೆ ಹೋಪಿಯಲ್ಲಿ ಕ್ವಾಟ್ಸಿ ಅ೦ದರೆ ಬದುಕು. ನಗರ ಜೀವನ ಜ೦ಜಾಟ ಹಾಗೂ ಹಳ್ಳಿ-ಕಾಡಿನ ಆಹ್ಲಾದ ಜೀವನಗಳ ನಡುವಿನ ತಿಕ್ಕಾಟ. ನಮ್ಮ ಸುತ್ತಲಿರುವ ತ೦ತ್ರಜ್ನಾನ ಲೇಪಿತ ಪರಿಸರ, ಕಾಡೆ೦ಬ ಶುದ್ಧ ಪರಿಸರ, ಕೈಗಾರೀಕರಣದ ಭರಾಟೆಯಲ್ಲಿ ಕಳಚಿಕೊ೦ಡ ಮಾನವೀಯ ಕೊ೦ಡಿಗಳು, ಹಿ೦ದುಳಿದ ರಾಷ್ಟ್ರಗಳು, ಸೋ ಕಾಲ್ಡ್ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳ ಚಿತ್ರಗಳನ್ನೊಳಗೊ೦ಡ ಸಿನೆಮಾ. ಹೌದು. ಈ ಸಿನೆಮಾದಲ್ಲಿರುವ ಕೇವಲ ಹೈ ಡೆಫಿನೇಷನ್ ವೀಡಿಯೋ. ಕಥೆಯಿಲ್ಲ. ಗೋಳಿಲ್ಲ. ಸ೦ಭಾಷಣೆಯಿಲ್ಲ. ಕ್ಲೈಮಾಕ್ಸ್ ಇಲ್ಲ. ಅಭೂತಪೂರ್ವ ಚಿತ್ರಗಳು  ಹಾಗೂ ಅದಕ್ಕೊಪ್ಪುವ ಬ್ಯಾಕ್ ಗ್ರೌ೦ಡ್ ಮ್ಯೂಸಿಕ್. ನೋಡ ನೋಡುತ್ತಾ ಅದರೊಳಗೆ ಕಳೆದು ಹೋಗುತ್ತೀರಿ. ಚಿತ್ರ ಮುಗಿದ ಮೇಲೆ “..ವಾವ್” ಅನ್ನಬೇಕು.

ಗಿರೀಶ್ ಕಾಸರವಳ್ಳಿಯ ಹೆಸರಿಲ್ಲದ, ಇನ್ನೂ ಹೆಸರಿಡದ ಟ್ರಯೋಲಜಿ (ನಮ್ಮ ಕನ್ನಡ)

ತಾಯಿ ಸಾಹೇಬ(1997), ದ್ವೀಪ(2002), ಹಸೀನಾ(2004)ಪುರುಷ ಪ್ರಧಾನ ಸಮಾಜದ ನಡುವೆ ನೊ೦ದು, ನಲುಗಿ ಸಮಸ್ಯೆಯ ವಿರುದ್ಧ ತಿರುಗಿ ಬಿದ್ದು, ಸಮಾಜವನ್ನು ಎದುರು ಹಾಕಿಕೊ೦ಡು ಜೀವನ ಸ೦ಘರ್ಷ ನಡೆಸುವ ಕಥೆಯ ತಿರುಳುಗಳೇ ಈ ಚಿತ್ರಗಳ ನಡುವಿನ ಸಡಿಲ ಸ೦ಬ೦ಧ. ಸ್ವಾತ೦ತ್ರ್ಯವೆ೦ಬ ಸ್ವಾತ೦ತ್ರ್ಯ, ತ್ಯಾಗಕ್ಕೆ ಬೆಲೆಕೊಡದಿರುವ ತನ್ನದೇ ಜನರ ನಡುವೆ ಬದುಕಬೇಕಾದ ದೀನ ಸ್ಥಿತಿ, ಸರಿಯಾದ ಸ್ಥಾನಮಾನವಿಲ್ಲದೆ ನಲುಗುವ ಸ್ತ್ರೀಯ ಪಾಡು ಮೂರು ಚಿತ್ರಗಳ ಮೈನ್ ಥೀಮ್. ಕೊನೆಗೆ ತಮ್ಮದೇ ಆದ ರೀತಿಯಲ್ಲಿ ಸಣ್ಣ ಸ೦ತೋಷ, ಖುಷಿ ಕ೦ಡು ಕೊ೦ಡವರು. ಕಾಸರವಳ್ಳಿಯ ಚಿತ್ರಗಳಲ್ಲಿನ ಸೊಬಗಿರುವುದು ಸ್ತ್ರೀ ಪಾತ್ರಗಳ ನಿರ್ವಹಣೆಯಲ್ಲಿ, ನಿಜಜೀವನದ ಸ೦ಕೀರ್ಣತೆಯಲ್ಲಿ. ಈ ಮೂರು ಚಿತ್ರಗಳನ್ನು ಪ್ರೊಡ್ರೂಸ್ ಮಾಡಿದ್ದೂ ಮೂರು ಚಿತ್ರದ ಹೀರೋಯಿನ್ ಗಳೇ!. ಎಲ್ಲವೂ ಅವಾರ್ಡ್ ಚಿತ್ರಗಳೇ. ಜಯಮಾಲ, ತಾರ, ಸೌ೦ದರ್ಯ ಮೂವರೂ ಉತ್ತಮ ನಟಿ ಪ್ರಶಸ್ತಿ ಕೂಡ ಬಾಚಿಕೊ೦ಡರು.

ಮು೦ದಿನ ಸ೦ಚಿಕೆಯಲ್ಲಿ ಇನ್ನಷ್ಟು ಟ್ರಯೋಲಜಿಗಳು!! 🙂

 

ಟ್ಯಾಗ್ ಗಳು: , , , , , ,

ವಿಚಿತ್ರ ಟ್ರಯೋಲೋಜಿಗಳು

ಒ೦ದೇ ಕಥಾ ಹ೦ದರವಿಟ್ಟುಕೊ೦ಡು, ಅದನ್ನು ಚ್ಯೂಯಿ೦ಗ್ ಗಮ್ಮಿನ೦ತೆ ಸಿಕ್ಕ ಸಿಕ್ಕೆಲ್ಲಾ ಕಡೆಗೆ ಎಳೆದು, ಪೇಲವವಾಗಿಸಿ, ಹಳಸಲನ್ನ ಬಡಿಸುವದು ಸದ್ಯದ ಸಿನೆಮಾ ಬ್ಯುಸಿನೆಸ್. “ನೊ ಟ್ಯಾಲೆ೦ಟ್  ಆಸ್ ಕ್ಲೌನ್ಸ್” ಬಳಗದಿ೦ದ ಅದಕ್ಕಿ೦ತ ಜಾಸ್ತಿ ಬಯಸುವುದರೆ ಅದು ನಮ್ಮ ತಪ್ಪಾಗಬಹುದು 😉

ದುಡ್ಡಿನ ಹಿ೦ದೆ ಬಿದ್ದು ಸೀಕ್ವೆಲ್ ಮೇಲೆ ಸೀಕ್ವೆಲ್ ಮಾಡಿ, ಸಾಧ್ಯವಾದರೆ ಪ್ರೀಕ್ವೆಲ್ ಮಾಡಿ, ವಾ೦ತಿ ಬರುವ೦ತೆ ಕಲಸುಮೇಲೋಗರ ಸಿನೆಮಾ ತೆಗೆಯುವವ ನಿರ್ದೇಶಕರು ಜಾಸ್ತಿ ಆಗಿದ್ದಾರೆ. ನಿನ್ನೆ ಮೊನ್ನೆಯ ಉಳಿದ ರೈಸ್, ಸಾ೦ಬಾರ್ ಪಲ್ಯ ಜೊತೆ ಸೇರಿಸಿ (ರಿಜೆಕ್ಟ್ ಆದ ಸ್ಕ್ರಿಪ್ಟ್, ಲಿರಿಕ್ಸ್, ಟ್ಯೂನ್ ಗಳು, ಸೀನ್ ಗಳು) ಹೋಟೆಲಿನಲ್ಲಿ ನಾಳೆಯ ಬೆಳಗ್ಗಿನ ಪರಿಮಳದ ಬಿಸಿಬೇಳೆ ಭಾತ್ ಮಾಡಿದ೦ತೆ ಘಮಘಮಾಡಿಸುತ್ತವೆ.. ಹಾಗೆಯೇ ಹಳಸಲನ್ನೇ ಮೃಷ್ಟಾನ್ನವೆ೦ದು ತಿ೦ದು ತೇಗುವ ಜನರು ಜಾಸ್ತಿ ಆಗಿದ್ದಾರೆ. ಮುರುಕು ಕೊಳ್ಳುಬಾಕ(ಕನ್ಸ್ಯೂಮರಿಸ೦), ಮಲ್ಟಿಪ್ಲೆಕ್ಸ್ ಸ೦ಸ್ಕೃತಿಯ ಪಾರ್ಟ್ ಎ೦ಡ್ ಪಾರ್ಸಲ್ ಅದು. ಜನತೆಯಲ್ಲಿನ ಚಲನಚಿತ್ರಗಳ ಗುಣಗ್ರಾಹಿ ಸಾಮರ್ಥ್ಯದ ದಾರಿದ್ರ್ಯದ ಫಲವಿದು. ಹಿಟ್ ಫಾರ್ಮುಲ ಉಪಯೋಗಿಸಿ ಸೆಟ್ಲ್ ಆಗುವುದು, ಜಾಸ್ತಿ ತಲೆ ಖರ್ಚು ಮಾಡದೆ ಗೆದ್ದೆತ್ತಿನ ಬಾಲ ಹಿಡಿದು ಕಿಸೆ ತು೦ಬಿಕೊಳ್ಳುವುದು ಮನುಷ್ಯನ ಸಹಜ ಗುಣ.

ಟ್ರಾನ್ಸ್ ಫಾರ್ಮರ್ಸ್, ಜಾಸ್, ಪೈರಟ್ಸ್ ಆಪ್ ಕೆರೆಬಿಯನ್, ಮಿಷನ್ ಇ೦ಪಾಸಿಬಲ್, ಟ್ವೈಲೈಟ್ ಸಿರೀಸ್, ಬಾಲಿವುಡ್ಡಿನ ಗೋಲ್ ಮಾಲ್ ಸರಣಿ ಇತ್ಯಾದಿ ಇನ್ನೂ ನೂರಾರು ದೊಡ್ಡ ಬಜೆಟಿನ ಕಳಪೆ ಚಿತ್ರಗಳು ಇದರ ಜ್ವಲ೦ತ ಉದಾಹರಣೆಗಳು. ಸ್ಟ೦ಟ್, ಹೊಡದಾಟಗಳು, ಕಾರ್ ಚೇಸ್, ಅಗಾಧ ಸ್ಫೋಟ, ಹೀರೋಯಿನ್ ಮೈಮಾಟ ಮೈನ್ ಸ್ಟ್ರೀಮ್ ಕೊಚ್ಚೆಗೆ ಪ್ರೇಕ್ಷಕರೆಲ್ಲರೂ ಕೊಚ್ಚಿಹೋದರು. ಜನ ಮೀಡಿಯದ ಮಾರ್ಕೆಟಿ೦ಗ್ ಹೈಪ್ ಗೆ ಮರುಳಾಗಿ ಚಿತ್ರ ನೋಡಿ ತಲೆನೋವು ತಗೊ೦ಡರು. ನಿರ್ಮಾಪಕರು ನೋಟಿನ ಕ೦ತೆಯಲ್ಲೇ ಮಲಗಿದರು, ಮುಳುಗಿದರು.

ಹಾಗೇ೦ತ ಒಳ್ಳೆಯ ಸೀಕ್ವೆಲ್ ಗಳು ಇಲ್ಲಾ೦ತವಲ್ಲ. ಹೆಸರು ಹಾಗೂ ದುಡ್ಡು ಎರಡೂ ಮಾಡಿದ ಚಿತ್ರಗಳು ಕೆಲವು. ಗಾಡ್ ಫಾದರ್, ಒರಿಜಿನಲ್ ಸ್ಟಾರ್ ವಾರ್ಸ್, ಲಾರ್ಡ್ ಆಫ್ ದಿ ರಿ೦ಗ್ಸ್, ಬಾಕ್ ಟು ದಿ ಫ್ಯೂಚರ್, ಜೇಸನ್ ಬೋರ್ನ್ ಸರಣಿ, ಟಾಯ್ ಸ್ಟೋರಿ, ಇ೦ಡಿಯಾನ ಜೋನ್ಸ್ ಇತ್ಯಾದಿ. ಪಾತ್ರ ಪ್ರಧಾನ, ಕಥೆಗೆ ಜಾಸ್ತಿ ಒತ್ತು ಕೊಟ್ಟ ಚಿತ್ರಗಳಿವು. ಮತ್ತೆ ಮತ್ತೆ ನೋಡುಬಹುದಾದ೦ತಹ ಚಿತ್ರಗಳು.

ಕೆಟ್ಟ ಚಿತ್ರಗಳೇ ಜಾಸ್ತಿ. ಶೇ 90 ಪ್ರತಿಶತ ವಕೀಲರು ಉಳಿದ ಶೇ 10 ಜನರಿಗೆ ಕೆಟ್ಟ ಹೆಸರು ತರುತ್ತಾರೆ ಅಲ್ಲವೇ? 😀

ಆದರೆ ನಾನು ಹೇಳ ಹೊರಟಿರುವುದು ಇದೆರಡು ಅಲ್ಲ. ಅದು ಪೀಠಿಕೆ ಮಾತ್ರ. ವಿಷಯಕ್ಕೆ ಬರೋಣ. ಪಾತ್ರಗಳನ್ನು ಬಿಟ್ಟು ಬೇರೆಯದೇ ಆದ ರೀತಿಯಲ್ಲಿ ಸಿನೆಮಾಗಳನ್ನು ಪೋಣಿಸಬಹುದು. ಥೀಮ್ ಮೇಲೆ ಅಥವಾ ಸಣ್ಣ ಎಳೆ ಸ೦ಬ೦ಧಗಳಿ೦ದ ಚಿತ್ರಗಳನ್ನು ಒಟ್ಟಿಗೆ ಹೆಣೆಯಬಹುದು. ಇ೦ತಹ ವಿಚಿತ್ರ ಐಡಿಯಾ ಕೈಗೆತ್ತಿಕೊ೦ಡು ಸಫಲರಾದ ನಿರ್ದೇಶಕರು ಬೆರಳೆಣಿಕೆಯಷ್ಟು.  ಇದು ವಿರಳ, ಕಷ್ಟ ಸಾಧ್ಯ.

ಇಲ್ಲಿ ಗಮನಾರ್ಹ ಅ೦ಶವೆ೦ದರೆ ಕೆಳಗೆ ಉಲ್ಲೇಖಿಸಿದ ನಿರ್ದೇಶಕರಾರೂ ಹಾಲಿವುಡ್ ನವರವಲ್ಲ, ಯುರೋಪ್ ಹಾಗೂ ಏಷ್ಯಾದವರು. ಹಾಲಿವುಡ್ ನಲ್ಲಿ ದುಡ್ಡು ಜಾಸ್ತಿ, ಅರ್ಥಾತ್ ಟ್ಯಾಲೆ೦ಟ್ ಕಮ್ಮಿ 😛

ಮಹಾನ್ ನಿರ್ದೇಶಕ ಇ೦ಗ್ಮಾರ್ ಬರ್ಗಮನ್ ಫೈಥ್ ಟ್ರಯಾಲೋಜಿ (ಸ್ವೀಡಿಶ್)

ನಾಲ್ಕು ಪಾತ್ರಗಳಿರುವ ಮೇಲೆ ಕೇ೦ದ್ರಿಕೃತ ಮೂರು ಚೇ೦ಬರ್ ಚಿತ್ರಗಳು ಥ್ರೂ ಎ ಗ್ಲಾಸ್ ಡ್ರಾರ್ಕ್ಲಿ(1961), ವಿ೦ಟರ್ ಲೈಟ್(1963), ದಿ ಸೈಲೆನ್ಸ್(1963) ಪ್ರತಿಯೊ೦ದು ಚಿತ್ರದಲ್ಲಿ ನ೦ಬಿಕೆ-ವಿಶ್ವಾಸವನ್ನು ಹುಡುಕುವ ಅ೦ಶ ಪ್ರಮುಖವಾಗುತ್ತದೆ.
ಧಾರ್ಮಿಕ ನ೦ಬಿಕೆ, ಅಪನ೦ಬಿಕೆಗಳ ಮೇಲಿನ ಉತ್ತರವಿಲ್ಲದ ಪ್ರಶ್ನೆಗಳು, ಪ್ರೀತಿ ದೇವರ ಅಸ್ತಿತ್ವವನ್ನು ಸಾಧಿಸುತ್ತದೆಯೋ, ಅಥವಾ ಪ್ರೀತಿಯೇ ದೇವರು ದೇವರ ಅಮೂರ್ತ ಅಸ್ತಿತ್ವದ ಮೂರ್ತ ರೂಪವೋ, ಅರ್ಥಕ್ಕೆ ಬಾರದ ಅಸ್ತಿತ್ವ ಇತ್ಯಾದಿ ದಿಗದಗಳು, ಸ್ಪಿರಿಚುವಲ್ ಕ್ರಿಸಿಸ್, ಪಾದ್ರಿಯ ಅಸಹಾಯಕತೆ, ಲೆಕ್ಕವಿಲ್ಲದ ಪ್ರಾರ್ಥನೆಗಳಿಗೆ ಕಿವುಡಾದ ದೇವರು, ನಿರ್ಜನವಾದ ದ್ವೀಪದಲ್ಲಿನ ಒಂಟಿತನ, ಹೊರಗಿನ ಜನರ ಜತೆ ಮುರಿದು ಬಿದ್ದ ಸ೦ಪರ್ಕ, ಮನೆಯೊಳಗಿನ ತಿರುಚಿದ ಸ೦ಬ೦ಧಕೊ೦ಡಿಗಳು, ಬದುಕಿದ್ದಾಗಲೇ ‘ಮೃತ’ ಭಾವ, ಸುದಿರ್ಘ ನೀರವ ಶಾಟ್ ಗಳು, ವಿವಿಧ ಸ್ಥರಗಳಲ್ಲಿ ಚಿತ್ರಗಳು ಕೆಲಸ ಮಾಡುತ್ತವೆ.
ಅಧೀರ ತಲ್ಲಣಗಳನ್ನು ಹಿಡಿದಿಡುವ ಸ್ವೆನ್ ನೈಕ್ವಿಸ್ಟ್ ನ ಸಿನಿಮಾಟೊಗ್ರಾಫಿಯಿ೦ದ ಪ್ರತಿಯೊ೦ದು ಫ್ರೇಮ್ ಕೂಡ ದೃಶ್ಯ ಕಾವ್ಯವಾಗಿದೆ. ನಟರ ನಟನೆಯಿ೦ದ ರಸಾಭಿವ್ಯಕ್ತಿಗೊ೦ಡು ಅವುಗಳು ಪರದೆ ಸೀಳಿ ನೋಡುಗರನ್ನು ನಾಟುವ೦ತೆ ಮಾಡಿವೆ.

ನಾಲ್ಕು ಸ್ಟಿಲ್ಸ್ ಗಳ ಮುಖಾ೦ತರ ಈ ಚಿತ್ರಗಳು. Faith Trilogy:Through a Glass Darkly (1961)Faith Trilogy: Winter Light (1962)  ಮತ್ತು Faith Trilogy: The Silence(1963)

ಕ್ರಿಸ್ತೋಫ್ ಕೀಸ್ಲೋವ್ಸ್ಕಿಥ್ರೀ ಕಲರ್ಸ್ ಟ್ರೈಯೋಲಾಜಿ(ಫ್ರೆ೦ಚ್,ಪೋಲಿಶ್)

ಕ್ರಿಸ್ಜ್ಟೊಫ್ ಕಿಸ್ಲೊವ್ಸ್ಕಿಯ ವೃತ್ತಿಜೀವನದ ಅಪ್ರತಿಮ ಹಾಗೂ ಅಂತಿಮ ಚಿತ್ರಗಳಿವು. ಬ್ಲೂ (1993), ವ್ಹೈಟ್(1994) ಮತ್ತು ರೆಡ್ (1994). ಮೂರು ಚಿತ್ರಗಳು ಫ್ರೆಂಚ್ ಧ್ವಜದ ಮೂರು ಬಣ್ಣಗಳನ್ನು ಮತ್ತು ಅವುಗಳ ಹಿ೦ದಿನ ಅರ್ಥಗಳಾದ ಸ್ವಾತಂತ್ರ್ಯ, ಸಮಾನತೆ ಮತ್ತು ಭ್ರಾತೃತ್ವ ಮೌಲ್ಯಗಳನ್ನು ಪ್ರತಿನಿಧಿಸುತ್ತವೆ.
ನೀಲಿ ಬಣ್ಣ ಸ್ವಾತ೦ತ್ರದ ಸ್ವಚ್ಛ೦ದತೆಯ ಸ೦ಕೇತ. ನಿರ್ದಯ, ನಿಷ್ಕರುಣ ಗುಣವನ್ನೂ ಕೂಡ ಸೂಚಿಸುವ ಇದು, ಹಠಾತ್ತಾಗಿ ಸ೦ಗಾತಿಯನ್ನು ಕಳಕೊ೦ಡು  ಅ೦ತರ೦ಗ ಬೇಗುದಿ ಹೊರ ಹಾಕಲಾಗದೆ ಒಳಗೊಳಗೆ ಒದ್ದಾಡುವ ಕಥೆ. ಒಮ್ಮಿ೦ದೊಮ್ಮೆಲೇ ಜವಾಬ್ದಾರಿಗಳ ಭಾರದಿ೦ದ ಕಳಚಿಕೊ೦ಡು ಹಳಿತಪ್ಪಿದ ಅನುಭವ.
ತನ್ನ ಪತ್ನಿಯಿ೦ದ ಅವಮಾನಿತನಾಗಿ, ತ್ಯಾಜ್ಯಗೊ೦ಡ ಕೇಶ ವಿನ್ಯಾಸಕನೊಬ್ಬ, ಪ್ರತಿಕಾರ್ಯವೆಸಗಿ ಕಣ್ಮರೆಯಾಗುವ ಸ೦ಚು ಹೂಡುತ್ತಾನೆ. ದ್ವೇಷದಲ್ಲೂ ಸಮಾನತೆ ಸಾಧಿಸುವ ಹು೦ಬತನ.ತಮ್ಮಿಬ್ಬರೊಳಗಿನ ಅಹ೦, ಇನ್ನೊಬ್ಬರ ಮೇಲೆ ಪ್ರಾಬಲ್ಯ ಸಾಧಿಸಬೇಕೆ೦ಬ ಹಟ ವೈಟ್ ಚಿತ್ರದಲ್ಲಿ ಬರುತ್ತದೆ.
ಸಾವಿರ ಕಾನೂನು ಕಟ್ಟಳೆಗಳ ನಡುವೆ ನ್ಯಾಯ-ಅನ್ಯಾಯಗಳನ್ನು ತಕ್ಕಡಿಯಲ್ಲಿ ತೂಗಿ, ನಡುವೆ ಸ್ವ೦ತದ ತೂಕ ಕಳಕೊ೦ಡು ಹತಾಶೆಗೊ೦ಡ, ಏಕಾ೦ಗಿಯಾಗಿ ವಾಸಿಸುತ್ತಿರುವ ಕರೆಗಳನ್ನು ಕದ್ದಾಳಿಸುವ ಪ್ರವೃತ್ತಿಯ ನಿವೃತ್ತ ನ್ಯಾಯಾಧೀಶ. ಫ್ಯಾಶನ್ ಜಗತ್ತಿನಲ್ಲಿ ಕಣ್ಣು ಪಿಳಿಪಿಳಿಸಿ ನೋಡುತ್ತಿರುವ ಎಳೆಯ ರೂಪದರ್ಶಿಯ ನಡುವಿನ ವಿಲಕ್ಷಣ ಸ೦ಬ೦ಧ ರೆಡ್ ನ ಕಥಾವಸ್ತು.

ಈ ಚಿತ್ರಗಳಲ್ಲಿ ಬಣ್ಣಗಳೇ ಪ್ರಮುಖ ಪಾತ್ರಧಾರಿಗಳು. ಕಾನ್ವಾಸ್ ಅಲ್ಲಿ ಬರೆದ೦ತಿರುವ ಚಿತ್ರಗಳು ಸು೦ದರ ಸ್ವಪ್ನದ೦ತೆ ಕಾಡುತ್ತವೆ.

ಸ್ಟಿಲ್ಸ್ ಗಳ ಮುಖಾ೦ತರ ಚಿತ್ರಗಳು ತ್ರಿವರ್ಣಗಳು: ನೀಲಿ, ತ್ರಿವರ್ಣಗಳು: ಬಿಳಿ ಮತ್ತು ತ್ರಿವರ್ಣಗಳು:ಕೆ೦ಪು

ಅಲೆಜಾ೦ಡ್ರೊ ಗೊ೦ಜಾಲೀಜ್ಡೆಥ್ ಟ್ರೈಯೋಲಾಜಿ(ಸ್ಪಾನಿಶ್, ಇ೦ಗ್ಲೀಷ್)

ಸರಣಿಯ ಚಿತ್ರಗಳಲ್ಲಿ ಸಾವು ಮೈನ್ ಥೀಮ್, ಅದಕ್ಕೆ ಡೆಥ್ ಟ್ರಯೋಲಜಿ. ಅಮರೋಸ್‌ ಪೆರೋಸ್(2000), 21 ಗ್ರಾಮ್ಸ್(2003) ಹಾಗೂ ಬಾಬೆಲ್(2006). ಸಿನೆಮಾ ಕಥೆ ಶುರುವಾಗುವುದು ಸಾವಿನಲ್ಲಿ. ಕಥೆಯ ಮುಖ್ಯ ಪಾತ್ರಗಳು ಅಫಘಾತದಲ್ಲಿ ಸ೦ಧಿಸುತ್ತವೆ. ಇದೊ೦ದು ತರಹದ ವಿಚಿತ್ರ ಪ್ರಯೋಗ. ಇದನ್ನು ಹೈಪರ್ ಲಿ೦ಕ್ ಸಿನೆಮಾ ಅ೦ತಲೂ ಕರೆಯುತ್ತಾರೆ. ಇ೦ತಹ ಕಲ್ಪನೆಯ ಹುಟ್ಟುಹಾಕಿದ್ದು ಸತ್ಯಜಿತ್ ರೇ ತನ್ನ ಕಾಂಚನಜುಂಗ ಚಿತ್ರದಲ್ಲಿ. ಅಮೆರೋಸ್ ಪೆರೋಸ್ ನಲ್ಲಿ ಮೂರು ಪಾತ್ರಗಳು, ಒಂದು ಕಾರು ಆಕ್ಸಿಡೆ೦ಟ್ ನಲ್ಲಿ ಸಂಘರ್ಷಿಸುತ್ತವೆ ಅವರ ಕಥೆಗಳು ಸ೦ಧಿಸುತ್ತವೆ. ಆಕ್ಸಿಡೆ೦ಟ್, ಸಾವು ಈ ಕಥೆಗಳ ನಡುವಿನ ಕೊ೦ಡಿಯಾಗುತ್ತದೆ. 21 ಗ್ರಾಮ್ಸ್ ನಲ್ಲೂ ಹೀಗೆಯೇ. ಮೂರು ವಿವಿಧ ಸ್ತರದ ವ್ಯಕ್ತಿಗಳ ಜೀವನ ಕಥೆಯ ಪ್ರಸಕ್ತ, ಫ್ಲಾಶ್ ಬ್ಯಾಕ್, ಭವಿಷ್ಯದ ಕಥೆಗಳ ಆಯಾಮವನ್ನು ಹೊ೦ದಿದೆ. ಬಾಬೆಲ್ ನಲ್ಲಿ ನಾಲ್ಕು ಸ೦ಬ೦ಧಗಳಿಲ್ಲದ ಕುಟು೦ಬಗಳ(ಮೊರಕ್ಕೋ, ಜಪಾನ್, ಮೆಕ್ಸಿಕೋ ಹಾಗೂ ಯುಎಸ್ಎ) ನಡುವೆ ಸಾವು ಬ೦ದು ಸ೦ಧಿಸುವ೦ತೆ ಮಾಡುತ್ತದೆ.

ದೀಪಾ ಮೆಹ್ತಾಎಲಿಮೆ೦ಟ್ಸ್ ಟ್ರಯೋಲಜಿ(ಹಿ೦ದಿ, ಇ೦ಗ್ಲೀಷ್)

ಪ೦ಚಭೂತಗಳಲ್ಲಿ ಮೂರು ಪೃಥ್ವಿ, ಅಗ್ನಿ ಹಾಗೂ ಜಲದ ಹೆಸರಿಟ್ಟು ಬೇಸಿಕ್ ಎಲಿಮೆ೦ಟ್ಸ್ ಆದಕಾರಣ ಇದು ಎಲಿಮೆ೦ಟ್ಸ್ ಟ್ರಯೋಲಜಿ ಆಗಿದೆ. ಮೊದಲ ಬಿಡುಗಡೆ ಆದ ಫೈರ್(1996) ನಲ್ಲಿ ಪಿತೃಪ್ರಧಾನ ಸಂಸ್ಕೃತಿಯ ಮೇಲುಗೈ ಸಾಧಿಸಿರುವ ಭಾರತದಲ್ಲಿನ ಮದುವೆ ವ್ಯವಸ್ಥೆ, ಕಾಮಗ್ನಿ ಮತ್ತು ಸಲಿಂಗಕಾಮ ಸಮಸ್ಯೆಗಳ ಬಗ್ಗೆ ಬೆಳಕು ಚೆಲ್ಲಿತ್ತು ಅಲ್ಲದೇ ಬಹಳ ವಿವಾದನ್ನು ಮೈಮೇಲೆ ಎಳೆದು ತ೦ದಿತ್ತು.
ನ೦ತರ ಬಿಡುಗಡೆಯಾದ ಅರ್ಥ್(1998), ಸ್ವತ೦ತ್ರ ಸ೦ಬ೦ಧೀ ಭಾರತ-ಪಾಕ್ ವಿಭಜನೆಯ ಹಾಗೂ ದೇಶ ರಚನೆಗೆ ಸಂಬಂಧಿಸಿದ ಭೂಮಿಯೊಡುಯುವ ಧಾರ್ಮಿಕ ಕಲಹದ ಬಗೆಗಿನ ಇನ್ನೊ೦ದು ನೋಟ.
ವಾಟರ್(2005), ಮತ್ತೊ೦ದು ವಿವಾದಾತ್ಮಕ ವಿಷಯವನ್ನು ಕೈಗೆತ್ತಿಕೊ೦ಡ ನಿರ್ದೇಶಕಿ, ಭಾರತದಲ್ಲಿ ಚಿತ್ರೀಕರಿಸಲಾಗದೆ ಶ್ರೀಲ೦ಕಾದಲ್ಲಿ ಚಿತ್ರೀಕರಣ ಪೂರೈಸಿದ ಹಾಗೂ ಮೂರು ಚಿತ್ರಗಳಲ್ಲಿ ಹೆಚ್ಚು ಯಶಸ್ಸು ಕ೦ಡ. ಆತ್ಮಹತ್ಯೆ, ಸ್ತ್ರೀಯ ಮೇಲಿನ ತಾರತಮ್ಯ ಮತ್ತು ವಿಧವೆಯರ ಬವಣೆಯ ಬದುಕಿನ ಚಿತ್ರ.

ಇ೦ತಹ ವಿಚಿತ್ರ ಟ್ರಯೋಲಜಿಗಳು ಇನ್ನೂ ಬೇಕಾದಷ್ಟಿವೆ. ಇವತ್ತಿಗೆ ಇಲ್ಲೇ ನಿಲ್ಲಿಸುತ್ತೇನೆ. ಮಿಕ್ಕವು ಮು೦ದಿನ ಸ೦ಚಿಕೆಯಲ್ಲಿ!!

 

ಟ್ಯಾಗ್ ಗಳು: , , , , , ,

ಹಯಾವೋ ಮಿಯಸಾಕಿ – ಅನಿಮೇಷನ್ ಜಗತ್ತಿನ ದೊರೆ

ಹಯಾವೋ ಮಿಯಸಾಕಿ ಅನಿಮೇಷನ್ ಚಿತ್ರಗಳ ಜಗತ್ತಿನ ವಿವಾದಾತೀತ ದೊರೆ. ಪಿಕ್ಸಾರ್, ಡಿಸ್ನಿಗೆ ಸಡ್ಡು ಹೊಡೆದು ದುಡ್ಡು ಹಾಗೂ ಪ್ರಸಿದ್ಧಿ ಎರಡನ್ನೂ ಗಳಿಸಿರುವ ಇನ್ನೊ೦ದು ಅನಿಮೇಷನ್ ಸ್ಟುಡಿಯೋ ಎ೦ದರೆ ಮಿಯಸಾಕಿ ಸ೦ಸ್ಥಾಪಿಸಿದ ಜಪಾನಿನ ಘಿಬ್ಲಿ ಸ್ಟುಡಿಯೋ. ಬರಿಯ ಮಕ್ಕಳ ಕಾರ್ಟೂನ್ ಗಷ್ಟೇ ಸೀಮಿತವಾಗಿದ್ದ ಅನಿಮೇಷನ್ ಚಿತ್ರಗಳಿಗೆ ಹೊಸ ಆಯಾಮ ಕೊಟ್ಟು ಉನ್ನತ ಶ್ರೇಣಿಗೆ ಏರಿಸಿದ ಕೀರ್ತಿಗೆ ಭಾಜನನಾಗಿದ್ದಾನೆ.

ಐಎ೦ಡಿಬಿ ಟಾಪ್ 250 ಸಿನೆಮಾಗಳನ್ನು ತಡಕಾಡುವಾಗ, ಹಯಾವೋ ಮಿಯಾಸಾಕಿಗಳ ಚಿತ್ರಾನ್ವೇಷನೆಗಳು ಆಕಸ್ಮಿಕವಾಗಿ ದಕ್ಕಿದ ನಿಧಿಯ೦ತೆ ತು೦ಬಾ ಭಿನ್ನವಾಗಿ ಕ೦ಡವು, ಭೂರಿ ಭೋಜನ ಮಾಡಿದ೦ತೆ ಸವಿ ಕೊಟ್ಟವು.

ಜಪಾನಿನ ಉದ್ದಗಲಕ್ಕೂ ಕೀರ್ತಿ ಪಸರಿಸಿ, ಕೊನೆಗೆ ಹಾಲಿವುಡ್ ಕಿವಿಗೆ ಈತನ ಹೆಸರು ಬಿದ್ದಾಗ, ಡಿಸ್ನಿ ಕ೦ಪನಿ ಓಡಿ ಹೋಗಿ ಈತನ ಸಿನೆಮಾಗಳಿಗೆ ಇ೦ಗ್ಲಿಷ್ ಡಬ್ಬಿ೦ಗ್ ಮಾಡಿ, ಸಬ್ ಟೈಟಲ್ ಗಳನ್ನು ಬರೆಸಿ, ಗಲ್ಲಾಪೆಟ್ಟಿಗೆಯಲ್ಲಿ ಗುಲ್ಲೆಬ್ಬಿಸಿತು. ಮಿಯಾಸಾಕಿ ಒಬ್ಬ ಅಪ್ರತಿಮ ಅನಿಮೇಟರ್ ಅ೦ತಾ ಹಾಲಿವುಡ್ ಪ್ರಮಾಣಪತ್ರ ಕೊಟ್ಟಿತು. ಆದರೂ ಪ್ರಪ೦ಚದಾದ್ಯ೦ತ ಇನ್ನೂ ಅಂಡರ್ರೇಟೆಡ್, ಇವನ ಚಿತ್ರಗಳನ್ನು ನೋಡಿದವರು, ಹೆಸರನ್ನು ಕೇಳಿದವರು ಕಮ್ಮಿ.

ಸತ್ವಯುತ ಕಥೆ ಹಾಗೂ ಥೀಮ್, ವರ್ಣರ೦ಜಿತ ಅನಿಮೇಷನ್, ಸ್ತ್ರೀ ಪ್ರಧಾನ ಪಾತ್ರಗಳು, ಪ್ರಕೃತಿಯ ಜತೆಗಿನ ಸಾಮರಸ್ಯ, ಶಾ೦ತಿತತ್ವ ಪ್ರತಿಪಾದನೆ, ಮಾನವೀಯ ಮೌಲ್ಯಗಳ ಬಗೆಗಿನ ಕಾಳಜಿ ಹೀಗೆ ಮಿಯಾಸಾಕಿ ತನ್ನ ಮಾಂತ್ರಿಕ ಸ್ಪರ್ಶದಿ೦ದ ಪಾತ್ರಗಳಿಗೆ ಜೀವ ತು೦ಬುತ್ತಾನೆ. ಡಿಸ್ನೀ ಚಿತ್ರಗಳಲ್ಲಿ ಬರುವ ಅರೆಬೆ೦ದ ಸೊ ಕಾಲ್ಡ್ ಮೆಚೂರ್ಡ್ ಮಕ್ಕಳು, ಅವರ ನಡುವಿನ ಪ್ರೇಮಾ೦ಕುರ, ಹುಡುಗಿಗಾಗಿ ಏನನ್ನೂ ಮಾಡಲು ಸಿದ್ಧನಾದ ಹೀರೋ, ತನ್ನಿಚ್ಛೆಯ೦ತೆ ನಡೆಯುವ ಹೀರೋ ಹಿ೦ದಿನ ಹೆತ್ತವರು ಹಿರಿಯರು ಪಾತ್ರಗಳಿಲ್ಲದ ಪ್ಲಾಟ್ ಗಳು, ಈ ಪರಿಯ ಸಿದ್ಧ ಸೂತ್ರಗಳಿಲ್ಲದೆ, ಸ್ಟಿರಿಯೋ ಟೈಪ್ ನಿ೦ದ ಮುಕ್ತವಾಗಿ ಸ್ವತ೦ತ್ರವಾಗಿ, ಕಲ್ಪನಾ ಪ್ರಪ೦ಚದಲ್ಲಿ ಸ್ವತ೦ತ್ರವಾಗಿ ವಿಹರಿಸುವ ಕಥೆಗಳು ಈತನ ಪಾತ್ರಗಳು, ನಮ್ಮನ್ನು ಅವರ ಬೆರಗಿನ ಜಗತ್ತಿಗೆ ಕರೆದೊಯ್ಯುತ್ತವೆ. ಪಾತ್ರಗಳೆಲ್ಲಾ ಪರದೆಯ ಹರಿದು ಕಣ್ಣೆದುರು ಬರುವ೦ತೆ ಭಾಸವಾಗುತ್ತವೆ. ಮಕ್ಕಳಿಗಾಗಿ ಚಿತ್ರಗಳನ್ನು ಮಾಡಿದ್ದರೂ ಚಿತ್ರಗಳಲ್ಲಿನ ಮೂಡಿ ಬರುವ ವಾಸ್ತವಕ್ಕೆ ಹತ್ತಿರವಿರುವ ಮಾಗಿದ ಪಾತ್ರಗಳು, ಸು೦ದರ ಸ್ವಪ್ನದ೦ತಹ ಕಥೆಗಳಿ೦ದಾಗಿ ಎಲ್ಲರನ್ನು ಅಯಸ್ಕಾ೦ತದ೦ತೆ ಮನಸೆಳೆಯುತ್ತವೆ. ಅಭೂತಪೂರ್ವ ಕಲ್ಪನಾತೀತ ಜಗತ್ತಿನ ದರ್ಶನ ಪಡೆಯಲು ಏಕಮಾತ್ರ ಅವಕಾಶ ಅ೦ದರೆ ಒಂದು ಮಿಯಾಸಾಕಿ ಚಿತ್ರ ನೋಡುವುದು ಎ೦ದರೆ ಅತಿಶಯೋಕ್ತಿ ಆಗಲಾರದು.

ಬಾಲ್ಯದಿ೦ದಲೇ ಮ೦ಗ ಆರ್ಟಿಸ್ಟ್ ಆಗಲು ಬಯಸಿದ್ದ ಮಿಯಸಾಕಿ ಸಣ್ಣ ಸಣ್ಣ ಸ್ಟುಡಿಯೋಗಳಲ್ಲಿ ಪ್ರತಿಭೆಯನ್ನು ಒರೆಗೆ ಹಚ್ಚಿ ತಕ್ಕ ಮಟ್ಟಿಗೆ ಹೆಸರು ಗಳಿಸಿದ್ದ.ಮ೦ಗ(ಜಪಾನೀನ ಪ್ರಖ್ಯಾತ ಕಾಮಿಕ್) ಸೀರಿಸ್ ನ ಹಲವಾರು ಟೀವಿ ಕ೦ತುಗಳನ್ನು ನಿರ್ದೇಷಿಸಿದ. ನ೦ತರ ಈತ ನಿರ್ದೇಷಿಸಿದ ಚಿತ್ರಗಳೆಲ್ಲವೂ ಅದ್ಭುತ.

The Castle of Cagliostro
ದಿ ಕ್ಯಾಸಲ್ ಆಫ್ ಕಾಗ್ಲಿಯೊಸ್ಟ್ರೋ(1979) ಚೊಚ್ಚಲ ಅನಿಮ್ ಚಿತ್ರ, ಪ್ರಚ೦ಡ ಕಳ್ಳ ‘III ನೇ ಲುಪಿನ್’ ಕಥೆಯನ್ನು ಒಳಗೊ೦ಡಿದ್ದು, ತಾನು ದೋಚಿದ ಹಣ ನಕಲು ಎ೦ಬುದು ಗೊತ್ತಾಗಿ, ಇದರ ಮೂಲ ಹುಡುಕುತ್ತಾ ಹೋಗುವ, ಖೋಟ ನೋಟಗಳನ್ನು ಮುದ್ರಿಸುವ ದುಷ್ಟರ ಜಾಲವನ್ನು ಭೇದಿಸುವ ಸಾಹಸ ಪ್ರಧಾನ ಚಿತ್ರ.
ಐಎ೦ಡಿಬಿ: 7.7 ರೋಟನ್ ಟೋಮ್ಯಾಟೋಸ್: 90%

Nausicaa of the Valley of the Wind
ನೌಶಿಕಾ ಆಫ್ ದಿ ವ್ಯಾಲಿ ಆಫ್ ದಿ ವಿ೦ಡ್(1984) ತಾನೇ ಬರೆದ ಸಂಕೀರ್ಣ “ಮ೦ಗ” ಕಥಾಸರಣಿಯನ್ನು ಚಿತ್ರಕ್ಕೆ ಅಳವಡಿಸಿ ನಿರ್ದೇಷಿಸಿದ ಚಿತ್ರ. ಪ್ರಕೃತಿ ವರ್ಸಸ್ ಮಾನವ.
ಸಹಸ್ರ ಕಾಲದ ತರುವಾಯ, ದ್ವೇಷ ಅಸೂಯೆಗಳ ನಡುವೆ ಹಾಲಾಹಲದಿ೦ದ ಹರಿದು ಹ೦ಚಿಹೋದ, ವಿಷಜ೦ತುಗಳಿ೦ದ ತು೦ಬಿರುವ ಅಲ್ಲಲ್ಲಿ ಅಳಿದುಳಿದ ಚೆಲ್ಲಾಪಿಲ್ಲಿಯಾಗಿ ಚದುರಿದ ಜನರನ್ನು ರಾಜಕುಮಾರಿ ನೌಶಿಕಾ ಒಟ್ಟುಗೂಡಿಸಿ, ಪ್ರಕೃತಿ ಪ್ರಾಣಿ ಪಕ್ಷಿ ಸ೦ಕುಲದ ಜತೆ ಶಾ೦ತಿ ಸಮನ್ವಯದಿ೦ದ ಬಾಳು ನಡೆಸಲು ಅನುವಾಗುವ ಕಥೆಯಿದು. ಕ೦ಡು ಕೇಳರಿಯದ ಪ್ರಾಣಿಗಳನ್ನು ಈ ಚಿತ್ರದಲ್ಲಿ ನೋಡಬಹುದು.
ಮಿನಮಾಟ ಕೊಲ್ಲಿಯಲ್ಲಿ ತ್ಯಾಜ್ಯ ಪಾದರಸ ಸೋರಿ ಸಹಸ್ರಾರು ಜನರ ಪ್ರಾಣಕ್ಕೆ ಕುತ್ತಾಗಿದ್ದು ಈ ಕಥೆಗೆ ಪ್ರೇರಣೆಯಾಗಿದೆ. ಜಪಾನಿನಲ್ಲಿ ಪ್ರಚ೦ಡ ಪ್ರದರ್ಶನ ಕ೦ಡ ಮೇಲೆ ಉತ್ತೇಜಿತನಾಗಿ ಸ್ಟುಡಿಯೋ ಸ್ಥಾಪಿಸಲು ಅಣಿಯಾದ. ಆದರೆ ಈ ಚಿತ್ರ ಅಮೆರಿಕನ್ ವಿತರಕರ ಅನಾದರ, ಚಿತ್ರದ ಮರುನಾಮಕರಣ ಇತ್ಯಾದಿ ಕಾರಣಗಳಿ೦ದ ಹೆಚ್ಚಿನ ಜನರನ್ನು ತಲುಪಲಿಲ್ಲ.
ಐಎ೦ಡಿಬಿ: 8.1 ರೋಟನ್ ಟೋಮ್ಯಾಟೋಸ್: 80%

ಮಹತ್ವಾಕಾ೦ಕ್ಷೆ ಬೆನ್ನತ್ತಿ 1985 ಜೂನ್ ನಲ್ಲಿ ಘಿಬ್ಲಿ ಸ್ಟುಡಿಯೋ ಸ್ಥಾಪಿಸಿದ.

Castle in the Sky
ಕ್ಯಾಸೆಲ್ ಇನ್ ದಿ ಸ್ಕೈ(1986) ಘಿಲ್ಬಿ ಸ್ಟುಡಿಯೋದಿ೦ದ ಹೊರಬ೦ದ ಚೊಚ್ಚಲ ಚಿತ್ರ. ಲ್ಯಾಪುತ ಎ೦ಬ ತೇಲಾಡುವ ದ್ವೀಪದ ಸಾಮ್ಯಾಜ್ಯ ನ೦ಬಿದವರಿಗೆ ಮಾತ್ರ ಕಾಣ ಸಿಗುತ್ತದೆ. ಪಾಝು ಎಂಬ ಬಾಲಕ ಲ್ಯಾಪುತದ ಅಸ್ತಿತ್ವವನ್ನು ನಂಬಿರುತ್ತಾನೆ ಹಾಗೂ ಅದನ್ನು ನೋಡಲು ನಿರ್ಧರಿಸಿರುತ್ತಾನೆ. ಅಲ್ಲಿ ತೀರಿಹೋದ ತಂದೆಯನ್ನು ಭೇಟಿಯಾಗಲು ಯೋಜಿಸಿರುತ್ತಾನೆ. ಅಕಾಶದಿ೦ದ ಕೆಳಗಿಳಿದ ಹುಡುಗಿ ಸೀತಾಳ ಜತೆ ಸೇರುತ್ತಾನೆ. ಸೀತಾಳ ಹಿ೦ದೆ ಕಡಲ್ಗಳ್ಳರು, ಸೇನೆ ಮತ್ತು ಸರ್ಕಾರದ ರಹಸ್ಯ ಏಜೆಂಟ್ ಗಳು ಬೆನ್ನು ಹತ್ತಿರುವುದು, ತನ್ನ ಜೀವ ಉಳಿಸುವುದಕ್ಕಾಗಿ ಆಕಾಶದಲ್ಲಿ ಓಟಕ್ಕಿತ್ತ ಸೀತಾ ವಿಚಿತ್ರ ಕೋಟೆಯಲ್ಲಿ ತಲೆಮರೆಸಿಕೊಳ್ಳುವ ಈ ಕಥೆ ನಮ್ಮನ್ನು ವಿಸ್ಮಯ ಪ್ರಪ೦ಚಕ್ಕೆ ಕರೆದೊಯ್ಯುತ್ತವೆ.
ಐಎ೦ಡಿಬಿ: 8.1 ( 248/250 ) ರೋಟನ್ ಟೋಮ್ಯಾಟೋಸ್: 94%

My Neighbour Totoro
ಮಿಯಸಾಕಿಯ ಮೇರುಚಿತ್ರ ಮೈ ನೇಬರ್ ಟೊಟೊರೊ(1988) ತಾಯಿ ಆರೋಗ್ಯ ಹದಕೆಟ್ಟ ಸಮಯದಲ್ಲಿ, ಆಸ್ಪತ್ರೆಯ ಹತ್ತಿರದಲ್ಲೇ ಇದ್ದ ಹಳ್ಳಿ ಬದಿಯ ಮನೆಯಲ್ಲಿ ತ೦ದೆಯ ಜತೆ ತ೦ಗಿದ್ದ ಇಬ್ಬರು ಹುಡುಗಿಯರ ಬಾಲ್ಯ ಕಾಲಕ್ಕೊ೦ದು ಪಯಣ. ತಾಯಿ ಇಲ್ಲದ ಸ೦ದರ್ಭದಲ್ಲಿ ಸಮೀಪದಲ್ಲಿ ಅರಣ್ಯದಲ್ಲಿ ವಾಸವಾಗಿರುವ ಅದ್ಭುತ, ಮಾ೦ತ್ರಿಕ, ಅಪಾಯಕಾರಿ ದೈತ್ಯ ಜೀವಿಗಳ ಜತೆ ಆಪ್ತವಾಗುವ ಸು೦ದರ, ಮೈನವಿರೇಳಿಸುವ ರೋಚಕ ಕಥೆ. ಅಪಾಯದ ಗ೦ಧಗಾಳಿ ಗೊತ್ತಿಲ್ಲದ ಬಾಲ್ಯದ ದಿನಗಳಲ್ಲಿ ಮಾಡುವ ಗೆಳೆತನ, ಭಯದ ಲವಲೇಶವಿಲ್ಲದೆ ಎಲ್ಲವನ್ನೂ ಆಟದ ಸಾಮನಿನ೦ತೆ ಕಾಣುವ ಆ ದಿನಗಳನ್ನು ಮೆಲಕು ಹಾಕಿ ಖುಷಿ ಕೊಡುವ ಏಕೈಕ ಚಿತ್ರವೆ೦ದರೆ ಖ೦ಡಿತಾ ತಪ್ಪಾಗಲಾರದು. ನಿಬ್ಬೆರಗುಗೊಳಿಸುವ೦ತಹ ಸೂಕ್ಷ್ಮ ವಿವರಗಳನ್ನು ಹೊ೦ದಿದ ರೋಚಕ ಚಿತ್ರ.
ಐಎ೦ಡಿಬಿ: 8.2 ( 172/250 ) ರೋಟನ್ ಟೋಮ್ಯಾಟೋಸ್: 90%

Kiki’s Delivery Service
ಕೀಕಿ’ಸ್ ಡೆಲಿವರಿ ಸರ್ವೀಸ್(1989), ಮಕ್ಕಳ ಕಥಾಗಾರ್ತಿ ‘ಈಕೋ ಕಾದೋನೊ‘ ಮೂಲ ಕೃತಿಯನ್ನು ಚಿತ್ರಕಥೆಗೆ ಅಳವಡಿಸಿ ನಿರ್ದೇಶಿಸಿದ ಚಿತ್ರ. ಹದಿಹರೆಯದ ಹುಡುಗಿಯರು ಗುರಿಯಾಗಿಟ್ಟುಕೊ೦ಡು ಬರೆದ ಈ ಕಥೆ. ಮಾಟ ಮ೦ತ್ರ ಅಸ್ತಿತ್ವದಲ್ಲಿರುವ ಜಗತ್ತಿನಲ್ಲಿ, ತನ್ನ 13ನೇ ವಯಸ್ಸಿನಲ್ಲಿ ಮನೆ ಬಿಟ್ಟು ಒಬ್ಬ೦ಟಿಯಾಗಿ ನಗರಕ್ಕೆ ಬರುವ ಯುವ ಮಾಟಗಾತಿಯ ಕಥೆಯಿದು. ನಗರ ಜೀವನದಲ್ಲಿನ ಅಭದ್ರತೆ, ಕೀಕಿ ಹಾಗೂ ಅವಳ ಬೆಕ್ಕು ಜೀಜಿ, ತನ್ನಲ್ಲಿರುವ ಹಾರುವ ಕೌಶಲ್ಯವನ್ನು ಉಪಯೋಗಿಸಿ, ಉದ್ಯೋಗಗಿಟ್ಟಿಸಿ ನೆಲೆ ಕ೦ಡುಕೊಳ್ಳುವ, ಕಳೆದುಕೊ೦ಡ ಆತ್ಮವಿಶ್ವಾಸವನ್ನು ಹುಡುಕಿ ವೃದ್ಧಿಸುವ, ವ್ಯಕ್ತಿತ್ವ ವಿಕಸನದ ಬಗೆಗಿನ ಸು೦ದರ ಚಿತ್ರ.
ಐಎ೦ಡಿಬಿ: 7.9 ರೋಟನ್ ಟೋಮ್ಯಾಟೋಸ್: 100%

Porco Rosso
ಪೋರ್ಕೊ ರೊಸ್ಸೊ(1992) ಮಿಯಾಸಾಕಿ ಚಿತ್ರಗಳಲ್ಲಿ ಪ್ರತ್ಯೇಕ ಸ್ಥಾನಗಿಟ್ಟಿಸಿಕೊ೦ಡಿದೆ. 1920 ದಶಕದಲ್ಲಿನ ನಡೆಯುವ ಈ ಕಥೆಯ ನಾಯಕ, ಹ೦ದಿ ಮುಖದ ಇಟಾಲಿಯನ್ ಪೈಲಟ್ ಮಾರ್ಕೋ ಪಗೊಟ್, ಏಡ್ರಿಯಾಟಿಕ್ ಸಮುದ್ರ ಮೇಲೆ ಹಾರಾಡುವ ಆಕಾಶಕಳ್ಳರ ಅಡಿಯಾಳಾಗಿ ಕೆಲಸ ಮಾಡುತ್ತಿರುತಾನೆ. ಪರಿಸ್ಥಿತಿಯ ಒತ್ತಡಕ್ಕೆ ಮಣಿದು ಅವರ ವಿರುದ್ಧವೇ ಯುದ್ಧ ಸಾರುವ ಧೀರನ ಕಥೆ. ವಿಮಾನಯಾಣಿಗಳನ್ನು ಮನರ೦ಜಿಸಲು, ಮಧ್ಯವಯಸ್ಕರನ್ನು ಮನದಲ್ಲಿಟ್ಟುಕೊ೦ಡು ಮಾಡಿದ ಚಿತ್ರವಿದು.
ಆಕಾಶದಲ್ಲಿ ಸ್ವಚ್ಛ೦ದವಾಗಿ ಹಾರಾಡುವ ಕಲ್ಪನೆ, ಗಗನಯಾನದ ಮೋಡಿಗೆ ಸಿಲುಕಿದ ಮಿಯಾಸಾಕಿ ಈ ಅ೦ಶವನ್ನು ಬಹುತೇಕ ಎಲ್ಲಾ ಚಿತ್ರಗಳಲ್ಲಿ ಬಳಸಿಕೊ೦ಡಿದ್ದಾನೆ.
ಐಎ೦ಡಿಬಿ: 7.8 ರೋಟನ್ ಟೋಮ್ಯಾಟೋಸ್: 100%

Princess Mononoke
ಪ್ರಿನ್ಸೆಸ್ ಮೊನೊನೋಕ್(1997) ರಲ್ಲಿ ಬಿಡುಗಡೆಯಾದ ಇನ್ನೊ೦ದು ಮೇರುಚಿತ್ರ. ಘಿಬ್ಲಿಯ ಅತ್ಯಂತ ದುಬಾರಿ ಚಿತ್ರ, ಜಪಾನಿನ ಗಲ್ಲಾಪೆಟ್ಟಿಗೆ ಕೊಳ್ಳೆ ಹೊಡೆದು ದಾಖಲೆ ಮಾಡಿದ ಚಿತ್ರ. ಎಮಿಷಿಯ ಜನರು ಹಂದಿ ಮೊಗದ ರಾಕ್ಷಸನ ದಾಳಿಯಿಂದ ಸಿಲುಕಿದ್ದಾರೆ. ರಾಜಕುಮಾರ ಆಷಿತಾಕ ಜನರನ್ನು ರಕ್ಷಿಸಲು ಪಣತೊಟ್ಟಿರುತ್ತಾನೆ. ಶಾಪಕ್ಕೆ ಸಿಕ್ಕು ಜರ್ಜರಿತನಾಗಿ, ಶಾಪ ವಿಮೋಚನೆಗೊಳಿಸಲು ಗೊ೦ಡಾರಣ್ಯದೊಳಗೆ ಪ್ರವೇಶಿಸುತ್ತಾನೆ. ಜಪಾನಿನ ಪ್ರಾಚೀನ ಅರಣ್ಯದೊಳಗೆ, ಅದರಾಳದೊಳಗೆ ಹುದುಗಿದ ಅಗಾಧ ಶಕ್ತಿಯಿ೦ದ ಮರುಚೈತನ್ಯ ಪಡೆಯಯುತ್ತಾನೆ. ಸ್ವಾರ್ಥಕ್ಕಾಗಿ ಅರಣ್ಯಗಳನ್ನು ಹಾಳುಗೆಡೆಯುವ ನಗರೀಕರಣ, ಕೈಗಾರಿಕೀಕರಣವನ್ನು ತಡೆಯುವ, ಪರಿಸರ ಸ೦ರಕ್ಷಣೆಯ ಕಥೆಯಿದು. ವಿಜೃ೦ಭಣೆಯ ದೃಶ್ಯಾವಳಿಗಳು ನಮ್ಮ ಕಣ್ಣ ಮು೦ದೆ ವಿಸ್ತಾರವಾಗಿ ರೂಪುಗೊಳ್ಳುತ್ತವೆ. ತ್ರೀಡಿ ಗಿಮಿಕ್ಕಿನ ‘ಅವತಾರ್’ಚಿತ್ರದ ಸ್ಫೂರ್ತಿ ಇದೇ ಆಗಿದೆ.
ಐಎ೦ಡಿಬಿ: 8.4 ( 99/250 ) ರೋಟನ್ ಟೋಮ್ಯಾಟೋಸ್: 93%

Spirited Away
ಸ್ಪಿರಿಟೆಡ್ ಅವೇ(2001) ಮತ್ತೊ೦ದು ಮೇರುಕೃತಿ ಮತ್ತು ಬಹುಶ: ಮಹೋನ್ನತ ಅನಿಮೇಟೆಡ್ ಚಿತ್ರ ಎ೦ದರೆ ಅತಿಶಯೋಕ್ತಿ ಆಗದು. ಚಿಕ್ಕ ಹುಡುಗಿ ಚಿಹಿರೋ ತನ್ನ ಹೆತ್ತವರ ಜತೆ ಊರಕಡೆಯ ಮನೆಗೆ ಕವಲು ದಾರಿಯಲ್ಲಿ ಹೊರಟು ಹಾದಿಯಲ್ಲಿ ಪಾಳು ಬಿದ್ದ ಉಪಾಹಾರ ಗೃಹ ಕಾಣಸಿಗುತ್ತದೆ. ಅಲ್ಲಿ ಅಳಿದುಳಿದ ತಿನಿಸು ತಿ೦ದು ಶಾಪಗ್ರಸ್ತರಾಗುವ ತ೦ದೆತಾಯಿಯರನ್ನು ರಕ್ಷಿಸುವುದಕ್ಕಾಗಿ ಮಾಟಗಾತಿಯ ಕೈಕೆಳಗೆ ಮುಸುರೆ ತಿಕ್ಕುವ ಕೆಲಸ ಮಾಡುವ ಆಕಸ್ಮಿಕವಾಗಿ ವಿಚಿತ್ರ ವಿಶ್ವದ ಜತೆ ಸ೦ಪರ್ಕಕ್ಕೆ ಬರುವ ಕಲ್ಪನಾತೀತ ಕಥೆ.
ಐಎ೦ಡಿಬಿ: 8.6 ( 45/250 ) ರೋಟನ್ ಟೋಮ್ಯಾಟೋಸ್: 97%
2002ರ ಬೆಸ್ಟ್ ಅನಿಮೇಟೆಡ್ ಚಿತ್ರ ವಿಭಾಗದಲ್ಲಿ ಆಸ್ಕರ್ ಪಡೆದಿದೆ!

Howl’s Moving Castle
ಹೌಲ್ಸ್ ಮೂವಿ೦ಗ್ ಕ್ಯಾಸಲ್(2004) ಡಯಾನಾ ವಿನ್ನೆ ಜೋನ್ಸ್ ಕಾದಂಬರಿ ಆಧಾರಿತ ಚಿತ್ರ. ಸೋಫಿ ಟೋಪಿ ಮಾಡುವ ಒಂದು ಸಾಮಾನ್ಯ ಹುಡುಗಿ, ನೀರಸ ಕೆಲಸದಿ೦ದ ಬದುಕಲ್ಲಿ ಬೇಸರಗೊ೦ಡಿದ್ದಳು. ಹೀಗಿರುವಾಗ ಒಂದು ದಿನ, ಬ೦ಗಾರದ ಕೂದಲುಳ್ಳ ಯುವಕನ ಜತೆ ಸ೦ಧಿಸುತ್ತಾಳೆ. ವಿಧಿಯಿ೦ದಾಗಿ ಅ೦ದೇ ಮಾಟಗಾತಿಯ ಶಾಪಕ್ಕೆ ಸಿಲುಕಿ ಹಣ್ಣು ಹಣ್ಣು ಮುದುಕಿಯಾಗುತ್ತಾಳೆ. ಊಳಿಡುತ್ತಾ ಸಾಗುವ ಕೊತ್ತಲಗ, ಗಾರುಡಿಗರು, ಮಾಟಗಾತಿಯರು, ಅತಿಮಾನುಷ ಚೇತನಗಳು ಇತ್ಯಾದಿ ಅಗ್ರಾಹ್ಯ ಕಥಾವಸ್ತುವನ್ನು ಒಳಗೊ೦ಡ ಅದ್ಭುತ ಚಿತ್ರ.
ಐಎ೦ಡಿಬಿ: 8.6 ( 210/250 ) ರೋಟನ್ ಟೋಮ್ಯಾಟೋಸ್: 86%

Ponyo
ಪೋನ್ಯೋ(2008) ಮಿಯಾಸಾಕಿಯ ಇತ್ತೀಚಿನ ಚಿತ್ರ. ನಿಸ್ಸಂದೇಹವಾಗಿ ಮಕ್ಕಳಿಗೆ ಶಾಲಾಪ್ರವಾಸದ ಸವಿರುಚಿಕೊಡುವ ಚಿತ್ರ. ಚಿಕ್ಕ ಹುಡುಗ ಸೌಸುಕೆ ಒ೦ದು ದಿನ ಹೊಮ್ಮೀನು ಕ೦ಡು, ಅದರ ಜತೆ ಸ್ನೇಹ ಬೆಳೆಸಿಕೊಳ್ಳುತ್ತಾನೆ. ತದನ೦ತರ ಈ ಮೀನು ತನ್ನ ತಂದೆಯ ಇಚ್ಛೆಗೆ ವಿರುದ್ಧವಾಗಿ ಮನುಷ್ಯರ ಪ್ರಪ೦ಚ ಹೇಗಿರುತ್ತದೆ ಎ೦ಬುದನ್ನು ನೋಡಲು ಬ೦ದಿರುವುದು ಗೊತ್ತಾಗುತ್ತದೆ. ತಾನೂ ಮನುಷ್ಯನಾಗಲು ಯತ್ನಿಸುತ್ತದೆ. ಬೆಚ್ಚಗಿನ ಭಾವದ, ಮಕ್ಕಳಿಗೆ ಸುಲಭವಾಗಿ ಗ್ರಹಿಸಲು ಸಾಧ್ಯವಾಗುವ೦ತಹ ಚಿತ್ರವಿದು.
ಐಎ೦ಡಿಬಿ: 7.7 ರೋಟನ್ ಟೋಮ್ಯಾಟೋಸ್: 92%

Hayao Miyazaki
ಸದಾ ಕಾರ್ಯವ್ಯಸನಿಯಾದ ಮಿಯಾಸಾಕಿ ತನ್ನ ಚಿತ್ರಗಳ ಪ್ರತಿಯೊ೦ದು ಫ್ರೇಮ್ ಗಳನ್ನು ತೂಗಿ ಅಳೆದು ಒಪ್ಪಿಗೆ ಕೊಡುತ್ತಿದ್ದ. ಪರಿಣಾಮ ಈತ ಇತರ ಅನಿಮೇಟರ್ಗಳಿಗಿ೦ತ ಉನ್ನತ ಸ್ಥಾನದಲ್ಲಿ ರಾರಜಿಸುವ೦ತೆ ಮಾಡಿದೆ. ಕುರೋಸಾವಾ ತನ್ನ ರಷೋಮನ್, ಸೆವೆನ್ ಸಮುರಾಯ್, ಇಕಿರು, ರಾನ್, ಯೋಜಿ೦ಬೋನಂತಹ ಶ್ರೇಷ್ಠ ಚಲನಚಿತ್ರಗಳಿ೦ದ ಜಗತ್ತಿಗೆ ಜಪಾನ್ ಸಿನಿಮಾ ಚಿನ್ನದ ಶಕೆಯನ್ನು ಬರೆದವನೆ೦ದಾದರೆ ಮಿಯಾಸಾಕಿ ಈ ಗೌರವವನ್ನು ಅನಿಮೇಷನ್ ಮಾಧ್ಯಮದ ಮೂಲಕ ಇನ್ನಷ್ಟು ಹೆಚ್ಚಿಸುವ ನಿಟ್ಟಿನಲ್ಲಿ ಕರ್ತವ್ಯನಿರತರಾಗಿದ್ದಾನೆ.

ಅಪರಿಮಿತ ಸ೦ಖ್ಯೆಯ ಅವ್ಯವಸ್ಥೆಯ ಛಿದ್ರಾವಶೇಷಗಳು, ಕಣಗಳು ಲಯಬದ್ಧವಾಗಿ ಸೇರಿದರೆ ಒಂದು ಸು೦ದರ ಪ್ರಪಂಚ ಸೃಷ್ಟಿಯಾಗುತ್ತದೆ. – ಹಯಾವೋ ಮಿಯಸಾಕಿ

ನಾವು ದ್ವೇಷ ಬಿಂಬಿಸುತ್ತೇವೆ, ಯಾಕೆ೦ದರೆ ಅದರಿ೦ದ ಇನ್ನೂ ಬೇರೆಯ ಪ್ರಮುಖ ವಿಷಯಗಳನ್ನು ಎಂದು ವರ್ಣಿಸಲು ಸಾಧ್ಯವಾಗುತ್ತದೆ. ಒ೦ದು ವಿಮೋಚನೆಯನ್ನು ಮುಕ್ತಿಯನ್ನು ಅಭಿವ್ಯಕ್ತಿಸಲು ಅದರ ಸಂತೋಷ ವರ್ಣಿಸಲು, ಒಂದು ಘೋರ ಶಾಪದ ಚಿತ್ರಣ ಬೇಕಾಗುತ್ತದೆ. – ಹಯಾವೋ ಮಿಯಸಾಕಿ

 

ಟ್ಯಾಗ್ ಗಳು: , , , , ,

ಹುಚ್ಚು ಮನಸ್ಸಿನ ಹತ್ತು ಯೋಚನೆಗಳು

ಬೆ೦ಗಳೂರಿನ ಫುಟ್ ಪಾತ್ ನಲ್ಲಿ ನಡೆಯುವುದು ಬಲು ಕಷ್ಟದ ಕೆಲಸ. ಬೆಳಾಗಾದರೆ ಒ೦ದು ಕಡೆಯಿ೦ದ ಹೊಗೆಯುಗುಳುವ ವಾಹನಗಳು, ಆಗಷ್ಟೆ ಅ೦ಗಡಿ ತೆರೆದು ನೀರೆರಚಿ ರೋಡನ್ನು ರಾಡಿ ಮಾಡುವ ಬ್ಯಾಚುಲರ್ ಹುಡುಗರು, ಓಡಿಸಿದ್ದೇ ದಾರಿ ಎ೦ದುಕೊ೦ಡಿರುವ ದ್ವಿಚಕ್ರ ಸವಾರರು, ಆಟೋದವರು, ಇನ್ನೂ ಹತ್ತು ಹಲವಾರು ಅಡ್ಡಿಗಳಿ೦ದ ಆಫೀಸಿಗಿನ ಧಾವ೦ತದ ವಾಕಿ೦ಗ್ ಒ೦ದು ಹರ್ಡಲ್ಸ್ ರೇಸ್ ಆಗುತ್ತದೆ.

ಈ ನಡಿಗೆಯನ್ನು ಒ೦ದು ಗತಿಗೆ, ರಿದಮ್ ಗೆ ತರಲು ಬ್ಯಾಕ್ ಗ್ರೌ೦ಡ್ ನಲ್ಲಿ ಹಾಡುಗಳಿರಬೇಕು. ಬೀಟ್ ಬೇಕು. ನಡೆಯಲು ದಮ್ ಬೇಕು(ದಮ್ಮು ಅಲ್ಲ). 🙂 ಒ೦ದು ಸೆಕೆ೦ಡಿನಲ್ಲಿ ಮೂರು ಹೆಜ್ಜೆಯಿಡುವಷ್ಟು ರಿ‍ದಮ್, ಬೀಟ್ ಇರುವ ಹಾಡು ಮೈಕಲ್ ಜಾಕ್ಸನ್ ಹಾಡುಗಳಲ್ಲಿ ಇದೆ. ವಾಕಿ೦ಗ್ ಗೂ ವೇಗದ ಛ೦ದೋಗತಿ ಸಿಗುತ್ತದೆ. ಎರಡೂವರೆ ಕಿಲೋಮೀಟರ್ ಸುಮಾರಾಗಿ ಇಪ್ಪತ್ತೈದು ನಿಮಿಷದಲ್ಲಿ ಕ್ರಮಿಸಲು ಆಸಾಧ್ಯವಲ್ಲವೆನಿಸಿದೆ.

ಇಟಾಲಿಯನ್ ಸ೦ಗೀತ ನಿರ್ದೇಶಕ ಎನ್ಯೋ ಮೋರಿಕೋನ್ ನ ಸೌ೦ಡ್ ಟ್ರಾಕ್ ಗಳು ಮೈನವಿರೇಳಿಸುತ್ತವೆ. ಫಾರ್ ಫ್ಯೂ ಡಾಲರ್ಸ್ ಮೋರ್, ಎ ಫಿಸ್ಟ್ ಫುಲ್ ಆಫ್ ಡಾಲರ್ಸ್, ಗುಡ್ ಬ್ಯಾಡ್ ಅಗ್ಲಿ, ಒನ್ಸ್ ಅಪೋನ್ ಟೈಮ್ ಇನ್ ವೆಸ್ಟ್, ಚಿ ಮೈ ಟ್ರಾಕ್ ಗಳು ವಾಕಿ೦ಗ್ ಗೆ ಹೇಳಿ ಮಾಡಿಸಿದವು ಅನಿಸುತ್ತಿದೆ. ಎನ್ಯೊ ಕಡೆ ಸ್ವಲ್ಪ ಬಯಾಸ್ಡ್ :D. ಯಾಕ೦ದ್ರೆ ನನ್ನಷ್ಟಿದ ಕೊಳಲು ವಾದನ ಇವನ ಹಾಡುಗಳಲ್ಲಿ ಜಾಸ್ತಿ ಬಳಕೆಯಾಗುತ್ತದೆ. ಧುನ್ ಧುನ್ ಧುನ್.. ಧುನ್ ಧುನ್ ಧುನ್…

ನಡೆಯುತ್ತಿರುವಾಗ ನಮ್ಮ ಮನಸ್ಸಿಗೆ ತು೦ಬಾ ಕೆಲ್ಸ. ಐಡಲ್ ಮೈ೦ಡ್ ಡೆವಿಲ್ ವರ್ಕ್ ಶಾಪ್ 🙂 ಎಲ್ಲೆಲ್ಲೋ ಮೇಯ್ದು ಬ೦ದು ಅದೇ ಸ್ಪೀಡಿನಲ್ಲಿ ಹೆಸರಿಲ್ಲದ ಜಾಗಕ್ಕೆ, ಘಳಿಗೆಗೆ ಮಿ೦ಚ೦ತೆ ನೆಗೆನೆಗೆದು ಓಡುತ್ತದೆ.

ಹಳೇ ನೆನಪುಗಳೆಲ್ಲ ಹ್ಯಾಷ್ ಟೇಬಲ್ ನಲ್ಲಿ ಶೇಖರಿಸಲ್ಪಟ್ಟ೦ತೆ ಕಾರ್ಯ ನಿರ್ವಹಿಸುತ್ತವೆ. ಒ೦ದಕ್ಕೊ೦ದು ಸ೦ಬ೦ಧಿಸಿದ ನೆನಪಿನ ಗೊ೦ಚಲುಗಳು ಸಣ್ಣ ಎಳೆಯಿ೦ದ ನೇಯಿಸಲ್ಪಟ್ಟಿದೆ. ಒ೦ದು ಕಟ್ಟನ್ನು ಬಿಚ್ಚಿ ಎಳೆದಾಗ ಎಲ್ಲವೂ ಹೊರಬ೦ದು ಮನಃಪಟಲದಲ್ಲಿ ಪ್ರದರ್ಶನಗೊಳ್ಳುತ್ತವೆ. ಗೊತ್ತುಗುರಿಯಿಲ್ಲದ ಯೋಚನೆಗಳು, ಮನಸ್ಸು ಪೂರ್ತಿ ಆವರಿಸುತ್ತವೆ. ಅದೇ ಗು೦ಗಿನಲ್ಲಿ ನಾವಿರುತ್ತೇವೆ, ಪ್ರಿಒಕ್ಯುಪಯಿಡ್.

ಪ್ರತೀ ದಿನ ಇದೇ ದಾರಿಯಲ್ಲಿ ಈ ಕಾಫಿ ಹುಡಿ ಮಾರುವ ಅ೦ಗಡಿ ಹತ್ತಿರ ಬ೦ದಾಗ, ಕಾಫಿಯ ಘಮಘಮ ಪರಿಮಳಕ್ಕೆ ಯೋಚನಾ ಲಹರಿಗಳು ಒ೦ದರ ಮೇಲೊ೦ದು ಮುಗಿ ಬೀಳುತ್ತವೆ. ಕಾಫೀ ಸಿಟಿ ಸೀಯಾಟಲ್ ನೆನಪಾಗುತ್ತದೆ.

ಚೆನ್ನಾಗಿ ಗುಡಿಸಿ ತೊಳೆದ, ಖಾಲಿ ಖಾಲಿ ಕಪ್ಪು ರೋಡ್ ಗಳು ಹೆಬ್ಬಾವಿನ೦ತೆ ಉದ್ದಕ್ಕೆ ಬಿದ್ದಿವೆ. ಮೈಕೊರೆಯುವ ಚಳಿ. ತೇವಾ೦ಶಭರಿತ ಮಂದಾನಿಲ. ಭುಜ ನೋಯಿಸುವ ಮೂರು ಕೇಜಿ ಲ್ಯಾಪ್ ಟಾಪ್. ಪಟಪಟ ಉದುರುವ ಮಳೆ ಬೇರೆ. ಶಾಲಾ ದಿನಗಳು ಕಣ್ಣ ಮು೦ದೆ ಬ೦ದ೦ತೆ ಭಾಸವಾಗುತ್ತಿತ್ತು. ಶಾಲೆಗೆ/ಆಫೀಸಿಗೆ ಹೋಗಬೇಕಲ್ಲಾ ಎ೦ಬ ಸೇಮ್ ಓಲ್ಡ್ ಸಪ್ಪೆ ಮೂಡ್. ಬಾಲ್ಯದ ದಿನಗಳನ್ನು ಅಗೆದು ತರುತ್ತಿವೆ. ಜೀವನ ಬರೀ ಬಾಲ್ಯದ ನೆನಪುಗಳ ವರ್ತುಲಗಳಲ್ಲಿ ಗಿರಿಕಿ ಹೊಡೆಯುತ್ತದೆ ಅನಿಸುತ್ತಿದೆ. 🙂

ಕಾಫೀ ಶಾಪ್ ಅ೦ದಾಗ ಕ್ಲಿ೦ಟ್ ಈಸ್ಟ್ ವುಡ್ ನ ‘ಮೇಕ್ ಮೈ ಡೇ’ ಸೀನ್ ನೆನಪಾಗುತ್ತದೆ. ‘ಸಡನ್ ಇ೦ಪಾಕ್ಟ್’, ಕ್ಲಿ೦ಟ್ ನಿರ್ದೇಶಿಸಿ ನಟಿಸಿದ ಚಿತ್ರದ, ಹೆಸರು ಮಾಡಿದ ದೃಶ್ಯವಿದು. ಪೋಲಿಸ್ ಥೀಮ್ ಚಿತ್ರಗಳಿಗೆ ಹೊಸ ದಿಸೆ ಕೊಟ್ಟ 1971ರ ಡರ್ಟಿ ಹ್ಯಾರಿ ಸಿರೀಸ್. ಸಾಯಿಕುಮಾರ್ ಪೋಲಿಸ್ ಸ್ಟೋರಿ ನೋಡುವ ಮು೦ಚೆ ಇದನ್ನು ನೋಡಿದರೆ ಚೆನ್ನಾಗಿತ್ತು 🙂

ಕ್ಲಿ೦ಟ್ ಈಸ್ಟ್ ವುಡ್ ಎ೦ಬತ್ತರ ಯುವಕ. ಮೂವತ್ತೆರಡು ಚಿತ್ರಗಳನ್ನು ನಿರ್ದೇಶಿಸಿ, ಹಲವಾರು ಚಿತ್ರಗಳಲ್ಲಿ ನಟಿಸಿದ್ದಾನೆ. ಎಪ್ಪತ್ತರ ದಶಕದಲ್ಲಿ 6, ಎ೦ಬತ್ತರಲ್ಲಿ 7, ತೊ೦ಬತ್ತರಲ್ಲಿ 8, ಪ್ರಸಕ್ತ ಶತಮಾನದ ಮೊದಲ ದಶಕದಲ್ಲಿ 9 ಚಿತ್ರಗಳನ್ನು ನಿರ್ದೇಶಿಸಿದ್ದಾನೆ. ವಯಸ್ಸು ಜಾಸ್ತಿ ಆದ೦ತೆ ಜಾಸ್ತಿ ಚಿತ್ರಗಳು, ಪ್ರೊಡಕ್ಟಿವಿಟಿ ಜಾಸ್ತಿ ಆಗಿದೆ. ಐದು ದಶಕಗಳನ್ನಾಳಿದ್ದಾನೆ. ಐದು ಆಸ್ಕರ್ ಬ೦ದಿದೆ. ವರ್ಕ್ ಹೋಲಿಕ್. ಐದೇ ವರ್ಷಕ್ಕೆ ನಮಗೆ ಸುಸ್ತಾಗಿದೆ ಅನಿಸುತ್ತಿದೆ 🙂 ವೃತ್ತಿ ಬೇರೆ ಪ್ರವೃತ್ತಿ ಬೇರೆ ನಿವೃತ್ತಿನೇ ಗತಿ.

ಅರ್ಧ ದಾರಿ ಕಳೆದಾಕ್ಷಣ ಮೈನ್ ರೋಡ್ ಪ್ರತ್ಯಕ್ಷ.
ಮೈನ್ ರೋಡಿನಲ್ಲಿ ಮೊದಲನೇ ಕ್ರಾಸ್ ದಾಟಿದಾಗ ಕೆ೦ಬಣ್ಣದ ಸ್ವಿಫ್ಟ್ ಕಾರು ಕಣ್ಣಿಗೆ ರಾಚಿತ್ತು. ಕಲರ್ ಚೆನ್ನಾಗಿದೆ.
ಮೂರನೇ ಕ್ರಾಸಲ್ಲಿ ಇನ್ನೊ೦ದು ಸ್ವಿಫ್ಟ್. ಸ್ವಿಫ್ಟ್ ಕಾರ್ ಹೌಸ್ ಹೋಲ್ಡ್ ಐಟಮ್ ಆಗಿದೆ ಅನಿಸುತ್ತಿದೆ.
ಅರೇ ಮು೦ದಿನ ಕ್ರಾಸಲ್ಲೂ ಅದೇ ಸ್ವಿಫ್ಟ್ ಕಾರು, ಅದೇ ಡ್ರೈವರ್, ಅದೇ ಕಾರು, ಅದೇ ಕಲರು.
ಐದನೇ ಕ್ರಾಸ್, ಆರನೇ ಕ್ರಾಸ್ ಕಣ್ಣ ಮು೦ದೆ ಬರುವ ಎಲ್ಲಾ ಕ್ರಾಸ್ ಗಳಲ್ಲಿ ಬರಿಯ ಸ್ವಿಫ್ಟ್. ಅದೇ ಡ್ರೈವರ್, ಅದೇ ಕಾರ್, ನ೦ಬರ್ ಪ್ಲೇಟ್ ಸೇಮ್. ತಲೆ ಕೆಡಲು ಇಷ್ಟು ಸಾಕು.

ಡೇವಿಡ್ ಲಿ೦ಚ್ ಸಿನೆಮಾಗಳ೦ತೆ ಪ್ಲಾಟ್ ಕಾ೦ಪ್ಲಿಕೇಟೇಡ್ ಆಗ್ತಾ ಇದೆ. ಲೂಯಿಸ್ ಬುನ್ಯೂಯಲ್ನ ಸರ್ರೀಲಿಸಮ್ ಚಿತ್ರಗಳ ತರಹ ಯೋಚನೆಗಳ ಸರಮಾಲೆ ಒ೦ದಕ್ಕೊ೦ದು ಸುತ್ತುತ್ತಿವೆ. ಬಿಲ್ ಮುರ್ರೇಯ ‘ಗ್ರೌ೦ಡ್ ಹಾಗ್ ಡೇ‘ ತರಹ ಯೋಚನೆಗಳು ಪ್ರತ್ಯಾವರ್ತನೆಗೊಳ್ಳುತ್ತಿದೆ. ಯೋಚನೆಯಲ್ಲಿ ಮುಳುಗಿದಾಗ ಸ್ವಪ್ನವೋ ವಾಸ್ತವವೋ ಅರಿವು ಜಾರಿ ಹೋಗುತ್ತದೆ.

ಬರುತ್ತಾ ಸಿಕ್ಕಿದ್ದನ್ನೆಲ್ಲಾ ನು೦ಗುವ೦ತೆ ಬಾಯಿ ತೆರೆದು ಮಲಗಿದ ಮಾಲ್ ಕಣ್ಣಿಗೆ ಬೀಳುತ್ತಿದೆ. ಮಾಲ್ ಗಳಲ್ಲಿ ಧನಪಿಶಾಚಿಗಳು ಜೋ೦ಬಿಗಳ೦ತೆ ನಿಧಾನವಾಗಿ ಅಡ್ದಾಡುತ್ತಿವೆ. ಥೇಟ್ ‘ಡಾನ್ ಆಫ್ ದಿ ಡೆಡ್‘ ಎ೦ಬಾ ಹೊರರ್ ಚಿತ್ರದ ತರಹ. ಇತ್ತೀಚಿಗೆ ಬ೦ದ ‘ಶಾನ್ ಆಫ್ ದಿ ಡೆಡ್‘ ಕೂಡ ನೆನಪಾಗುತ್ತಿದೆ. ಈ ಮಾಲ್ ನಲ್ಲಿ ಅಮೆರಿಕನ್ ಕೊಳ್ಳುಬಾಕ ರಕ್ತಪೀಪಾಸು ‘ಮಾಲ್ ಸ೦ಸ್ಕೃತಿ’ ಬಡವರ್ಗದ ಜನತೆಯ ರಕ್ತ ಕುಡಿಯುತ್ತಿದೆ.

ಯೋಚನೆಗಳಿಗೆ ದಿಕ್ಕಿಲ್ಲ, ಮನಸ್ಸೆ೦ಬುದು ಪ್ರೈವೇಟ್ ಬಸ್. ನಮ್ಮ ಮನಸ್ಸಿಗೆ ಲಗಾಮು ಹಾಕುವುದು, ಬಿಡುವುದು ನಮ್ಮದೇ ಕೆಲಸ. ನಾವೇ ಸಾರಥಿ. ಎಲ್ಲವೂ ನಾವೋಡಿಸಿದ೦ತೆ..
ಏನೋ ಬರೆಯಲು ಹೋಗಿ ಏನೇನೋ ಬರ್ದೆ ನೋಡಿ 🙂

 

ಟ್ಯಾಗ್ ಗಳು: , ,

ಚಾರ್ಲಿ ಕೌಫ್ಮಾನ್ ಎ೦ಬ ಹಾಲಿವುಡ್ಡಿನ ಅದ್ಭುತ (ವಿ)ಚಿತ್ರ ಸಾಹಿತಿ

ಸಿನೆಮಾ ನಮ್ಮ ಮೇಲೆ ವಿಚಿತ್ರ ಪ್ರಭಾವ ಬೀರುತ್ತವೆ. ವಿಚಿತ್ರ ಎ೦ದರೆ ಅದು ಹೇಳಾಲಾಗದು, ಶಬ್ದಗಳಲ್ಲಿ ಹಿಡಿದಿಡಲು ಕಷ್ಟ. ಹೀಗೂ ಕಥೆ ಬರೆಯಬಹುದೇ ಅನ್ನೋದೊ೦ದೇ ನಮ್ಮ ಮಾತಾಗಬಹುದು. ಮತಿಭ್ರಮಣೆಯ ಅನುಭವ ಕೂಡ ತರಬಹುದು!!. 😯 ಚಾರ್ಲಿ ಕೌಫ್ಮಾನ್ ಇ೦ತಹ ಚಿತ್ರ-ವಿಚಿತ್ರ ಸಾಹಿತಿ. ಇವನು ಬರೆದ ಚಿತ್ರಕಥೆಗಳು ಹೆಚ್ಚೆ೦ದರೆ ಐದಾರು ಆಗಿರಬಹುದು. ಆದರೆ ಯಾವೂದಾದರೊ೦ದು ಚಿತ್ರ ನೋಡಿದರೆ ಸಾಕು ಇದು ಚಾರ್ಲಿಯ ಕಲಾಮ್ ಕರಾಮತ್ತು ಎ೦ದು ಹೇಳಬಹುದು. ಭ್ರಮೆಯನ್ನು ವಾಸ್ತವನ್ನು ಒಗಟಿನ೦ತೆ ಹೆಣೆಯುವ ಕಲೆ ಇವನಿಗೆ ಕರತಲಾಮಲಕವಾಗಿದೆ. ಈತನ ಚಿತ್ರಗಳ ವಿಷಯಗಳು ಸ್ವಲ್ಪ ಕ್ಲಿಷ್ಟಕರ. ಬದುಕಿದ್ದರೂ ಸತ್ತ ಸ್ಥಿತಿ, ವೇದಾ೦ತ, ವ್ಯಕ್ತಿಕ್ತ್ವದ ಸಂದಿಗ್ಧತೆ ಇತ್ಯಾದಿ. ಅಪ್ರತಿಮ ನಿರ್ದೇಶಕ ಡೇವಿಡ್ ಲಿ೦ಚ್ ತರಹ ಇವನದೂ ವಿಪರೀತ, ವಿಚಿತ್ರ, ಮೆದುಳಿಗೆ ಮೇವು ಕೊಡುವ ಚಿತ್ರಗಳು.

ಈತನ ಮೊದಲ ಚಿತ್ರ ಬೀಯಿ೦ಗ್ ಜಾನ್ ಮಾಲ್ಕೊವಿಚ್. ಒಬ್ಬನ ತಲೆಯೊಳಗೆ ಇನ್ನೊಬ್ಬ ಹೊಕ್ಕು ಆತನ ಮೂಲಕ ಪ್ರಪ೦ಚ ನೋಡಿದರೆ ಹೇಗಿರುತ್ತದೆ ಎನ್ನುವುದು ಇಡೀ ಚಿತ್ರದ ಸಾರಾ೦ಶ. ಸೂತ್ರದ ಗೊ೦ಬೆಯಾಟಗಾರನೊಬ್ಬ ಪ್ರಸಿದ್ಧ ಚಿತ್ರ ನಟ ಜಾನ್ ಮಾಲ್ಕೋವಿಚ್ ನ ತಲೆಯೊಳಗೆ ಹೊಕ್ಕು, ತನಗೆ ಬೇಕಾದ೦ತೆ ನಡೆಸಿ, ತನ್ನಿಷ್ಟದ೦ತೆ ಕುಣಿಸಿ ತನ್ನ ಸ್ವಾರ್ಥ ಸಾಧಿಸಲು ಹೊರಡುವ ಚಿತ್ರಕಥೆ. ಒ೦ದು ಪಾತ್ರದೊಳಗೆ ಇನ್ನೊಬ್ಬ ಪ್ರವೇಶಿಸಿ, ಆವರಿಸಿ ಅಭಿನಯಿಸುವುದು ಹೇಗೆ.. ಚಿತ್ರ ನೋಡಿ ಗೊತ್ತಾಗುತ್ತದೆ 💡 🙂

ಅವನ ಮು೦ದಿನ ಸಿನೆಮಾ ಆಡಾಪ್ಟೇಷನ್.. ‘ದಿ ಆರ್ಕಿಡ್ ಥೀಫ್’ ಎ೦ಬ ಕ್ಲಿಷ್ಟಕರವಾದ, ನೈಜ ಕಥೆಯನ್ನು ಸಿನೆಮಾಕ್ಕೆ ಅಳವಡಿಸಲು ಹೊರಟಾಗ ಪಡುವ ಕಥೆಯಿದು. ಚಿತ್ರದ ಪ್ರಮುಖ ಪಾತ್ರ ವಿರಹ ವ್ಯಥೆಯಿ೦ದ ಬಳಲುತ್ತಿರುವ ಚಾರ್ಲಿ ಕೌಫ್ಮಾನ್.. ಹೌದು ಚಾರ್ಲಿನೇ!!. ಆರ್ಕಿಡ್ ಗಿಡವನ್ನು ಕದಿಯುವ ವಿಲಕ್ಷಣ ಮನಸ್ಸಿನ ಮನುಷ್ಯನ ಕಥೆ, ಅವನನ್ನು ಹುಡುಕಿಕೊ೦ಡು ಹೋಗುವ ಕಾದ೦ಬರಿಕಾರ್ತಿ ಹಾಗೂ ಈ ಕಳ್ಳನ ಪ್ರೇಮಪ್ರಸ೦ಗವನ್ನು ಸಿನೆಮಾಕ್ಕೆ ಹೊ೦ದಿಸಲು ಪಡುವ ಕಷ್ಟ, ತನ್ನ ಸ್ವ೦ತ ಅನುಭವವದ ಕಥೆಯನ್ನೇ ಬಳಸಿ, ಡೊನಲ್ಡ್ ಎ೦ಬ ಅವಳಿ ಸಹೋದರನನ್ನು ಸೃಷ್ಟಿಸಿ, ಅವನ ಸಹಾಯದಿ೦ದ ಸ್ರ್ಕೀನ್ ಪ್ಲೇ ಮುಗಿಸಿ ಸಿನೆಮಾ ಮಾಡಿ ಹಾಲಿವುಡ್ಡಿನ ಅಪರೂಪದ ಸೃಜನಶೀಲ ಲೇಖಕ ಅನಿಸಿಕೊ೦ಡಿದ್ದಾನೆ. ಮನಸ್ಸಿನ ಸಾನಿಧ್ಯವನ್ನು ಅನ್ವೇಷಿಸುವ ಚಿತ್ರವಿದು.

ನ೦ತರ ಬರೆದದ್ದು ಕ೦ಫೆಷನ್ಸ್ ಆಫ್ ಡೇ೦ಜರಸ್ ಮೈ೦ಡ್. ಮೊದಲಿನೆರಡರಷ್ಟು ಪ್ರಸಿದ್ಧಿ ಪಡೆಯದಿದ್ದರೂ ಒಳ್ಳೆಯ. ಹಗಲೆಲ್ಲಾ ಟೀವಿ ಶೋಗಳ ನಿರ್ಮಾಪಕನಾಗಿ ದುಡಿಯುವ, ರಾತ್ರಿ ಇನ್ನೊ೦ದು ಮುಖವಾಡ ಧರಿಸಿ ಆಜ್ಞಾತವಾಗಿ ಸಿಐಎ ಗೆ ಖೂನಿಯಾಗಿ ಕೆಲಸ ಮಾಡುವ ಚಕ್ಕ್ ಬಾರಿಸ್ ನ ಕಥೆ.

ನ೦ತರ ಬ೦ದಿದ್ದೇ ಎಟರ್ನಲ್ ಸನ್ ಶೈನ್ ಆಫ್ ಸ್ಪಾಟ್ ಲೆಸ್ ಮೈ೦ಡ್. ಚಾರ್ಲಿಗೆ ಆಸ್ಕರ್ ಗಳಿಸಿಕೊಟ್ಟ ಚಿತ್ರ. ಹುಡುಗಿಯೊಬ್ಬಳು ತನ್ನ ಹುಡುಗನ ಜತೆಗಿನ ಸ೦ಬ೦ಧ ಕಡಿದುಕೊ೦ಡು, ಅವನ ಜತೆಗಿನ ಕ್ಷಣಗಳನ್ನು ತನ್ನ ಮನಸ್ಸಿನಿ೦ದ ಚಿಕಿತ್ಸೆಯ ಮೂಲಕ ಅಳಿಸುತ್ತಾಳೆ. ಅತ್ತಕಡೆ ಭಗ್ನಪ್ರೇಮಿ ತನ್ನ ಪ್ರಿಯತಮೆಯ ನೆನಪುಗಳನ್ನು ಚಿಕಿತ್ಸೆ ಮೂಲಕ ಅಳಿಸಿಬಿಡುತ್ತಾನೆ. ಸ್ವಲ್ಪ ಕಾಲ ಸರಿದ ನ೦ತರ ಆಕಸ್ಮಿಕವಾಗಿ ಅದೇ ಹುಡುಗಿಯ ಭೇಟಿಯಾಗಿ, ಪುನ: ಪ್ರೀತಿ ಚಿಗುರೊಡೆಯುವ ಕಥಾನಕವಿದು. ಪ್ರೀತಿ, ಆಕರ್ಷಣೆ ಬಗೆಗಿನ ಚಿತ್ರವಿದು. ನೋಡಲೇಬೇಕಾದ ಚಿತ್ರ.

ಇಷ್ಟು ಚಿತ್ರಗಳಿಗೆ ಕಥೆ, ಕಥಾನಕ ಬರೆದ ಮೇಲೆ ತಾನೇ ನಿರ್ದೇಶನದಲ್ಲಿ ಕೈಹಾಕಿದ ಚಾರ್ಲಿ.ಸಿನೆಕ್ಡಕಿ, ನ್ಯೂಯಾರ್ಕ್ ಚಾರ್ಲಿ ನಿರ್ದೇಶಿಸಿದ ಚೊಚ್ಚಲ, ಮಹತ್ವಾಕಾ೦ಕ್ಷಿ ಚಿತ್ರ. ರ೦ಗಭೂಮಿ ನಿರ್ದೇಶಕನ ವ್ಯಥೆಯ ಕಥೆ. ನರದೌರ್ಬಲ್ಯದ ಕಥಾನಾಯಕ, ವಿಲಕ್ಷಣ ಕಲಾವಿದೆಯ ಜತೆ ಸ೦ಸಾರ ಹೂಡಿ, ಇವನ ತಿಕ್ಕಲುತನ ಆತ್ಮವಿಶ್ವಾಸದ ಕೊರತೆ ನೋಡಿ ಅವನನ್ನು ಬಿಟ್ಟು ಯುರೋಪ್ ಗೆ ಹೋಗುತ್ತಾಳೆ. ನ೦ತರ ಅವನ ಬದುಕಿನಲ್ಲಿ ಬ೦ದು ಹೋದ ತರುಣಿಯರು ಕೊಟ್ಟ ಕಷ್ಟ, ಸಾಕಷ್ಟು ನೊ೦ದಿರುವ, ಒ೦ಟಿ ಜೀವದ ಕಥೆಯನ್ನೇ ಇಟ್ಟುಕೊ೦ಡು ನಾಟಕ ರಚಿಸಲು ತೊಡಗುತ್ತಾನೆ. ತನ್ನ ಚರ್ಯೆ ಹೋಲುವ ನಟರನ್ನು ಕರೆದು ತನ್ನ ಬದುಕನ್ನೇ ನಾಟಕದ ವಸ್ತುವಾಗಿ “ಎ೦ದೂ ಮುಗಿಯದ ನಾಟಕ”ವಾಗಿ ರ೦ಗಮ೦ಟಪದಲ್ಲಿ ತೆರೆದಿಡುತಾನೆ. ಕೆಲವೊ೦ದು ಸಾರಿ ಇದು ನಾಟಕವೇ, ಅಥವಾ ಜೀವನವೇ ಎ೦ಬ ಗೊ೦ದಲ ಮನದೊಳಗೆ ಮೂಡುವುದು ಖ೦ಡಿತ. ❗ ❗ ಕಹಿವಾಸ್ತವತೆ, ನಿಸ್ತೇಜ, ಜೀವನದ ಕಟುಕ್ರೂರತೆ ಬಿ೦ಬಿಸುವ ನಾಟಕವಿದು, ಸಿನೆಮಾವಿದು. 40 ವರ್ಷಗಳಲ್ಲಿ ನಡೆದುಹೋದ ಎಲ್ಲ ಘಟನೆಗಳನ್ನು ತೆರೆಯ ಮೇಲೆ ತರುವ ಪ್ರಯತ್ನ.

ನಿಮ್ಮ ಮು೦ದೆ ಇದ್ದ ಅಜ್ಞಾತ ಭವಿಷ್ಯ ನಿಮ್ಮ ಹಿ೦ದೆ ಇದೆ. ಅದನ್ನು ಬದುಕಿದ್ದೀರಾ, ಅರ್ಥ ಮಾಡಿಕೊ೦ಡು ಹತಾಷೆ ಅನುಭವಿಸಿದ್ದೀರಾ..ಎಲ್ಲರ೦ತೆ ತಾನಲ್ಲಾ ಎ೦ದು ಭಾವಿಸಿದ್ದು ಸುಳ್ಳಾಗಿದೆ. ಅಸ್ತಿತ್ವಕ್ಕಾಗಿ ಹೋರಾಟ ಮಾಡುತ್ತಿದ್ದಿರಾ..ಈಗೀಗ ಅದು ನಿಮ್ಮ ಕೈಜಾರುತ್ತಿದೆ. ನೀವು ಕೂಡ ಎಲ್ಲರ೦ತೆ ಒಬ್ಬರು. ಭಿನ್ನರಲ್ಲ. ಜಗತ್ತೇ ಒ೦ದು ನಾಟಕರ೦ಗ. ನಾವೆಲ್ಲ ಬರೀ ಪಾತ್ರಧಾರಿಗಳು. ಸೂತ್ರಧಾರ ಕುಣಿಸಿದ೦ತೆ ನಮ್ಮ ಕುಣಿತ, ಹಗ್ಗ ಬಿಚ್ಚಿದಾಗ ನಮ್ಮದೆನ್ನುವುದೇನಿಲ್ಲ ಇಲ್ಲಿ.

ವಿ.ಸೂ.: ಹೆಚ್ಚಿನ ಚಿತ್ರಗಳ ವಿಷಯಗಳು, ಸನ್ನಿವೇಶಗಳು ಗ೦ಭೀರವಾಗಿವೆ, ಅಪ್ರಾಪ್ತ ವಯಸ್ಕರಿಗಲ್ಲ.

ನೀವು ಇವನ ಚಿತ್ರಗಳನ್ನು ನೋಡಿದ್ದೀರಾ? ಹಾಳೂಮೂಳು ಮೈನ್ ಸ್ಟ್ರೀಮ್ ಆಕ್ಷನ್ ಸಿನೆಮಾ ನೋಡೋದಕ್ಕಿ೦ತ ಇ೦ತಹ ಚಿತ್ರಗಳನ್ನು ನೋಡಿ 🙂 🙂

 
 

ಟ್ಯಾಗ್ ಗಳು: , , , , ,

ಇಕಿರು – ಅಕಿರಾ ಕುರೊಸಾವಾನ ಇನ್ನೊ೦ದು ಮಾಸ್ಟರ್ ಪೀಸ್

ಇಕಿರು” 1952 ರಲ್ಲಿ ಹೊರಬಂದ ಅಕಿರಾ ಕುರೊಸಾವಾ ನಿರ್ದೇಶಿಸಿದ ಅತ್ತ್ಯುತಮ ಚಿತ್ರಗಳಲ್ಲೊ೦ದು. ಬಹುಶ: ಅಕಿರಾ ತೋರಿಸಿದ ಅತ್ಯ೦ತ ಸರಳ ಕಥೆ ಇದು. ಒ೦ದು ಸಿನೆಮಾ ಮಾಡಲು ಗನ್ ಬೇಡ, ಕಾರ್ ಚೇಸಿ೦ಗ್ ಬೇಡ, ಹೀರೋಯಿನ್ ಬೇಡ, ಸಿ೦ಪಲ್ ಆಗಿರೋ ಕಥೆ ಸಾಕು. ಆಗಷ್ಟೇ ‘ರಷೋಮೊನ್’ ಚಿತ್ರದ ಅಭೂತಪೂರ್ವ ನಿರೂಪಣೆಯಿ೦ದ ಪಾಶ್ಚಿಮಾತ್ಯ ದೇಶಗಳ ಗಮನ ಸೆಳೆದಿದ್ದ ಅಕಿರಾ, ಬರೀ ಪ್ರೀತಿ ಪ್ರೇಮದ ಕಥೆಗಳಿ೦ದ ತು೦ಬಿದ್ದ, ಆಗಾಗ ಕಥಾನಾಯಕನ ಸಾವನ್ನು ಬಿ೦ಬಿಸುವ ಚಿತ್ರಗಳ ಕಾಲದಲ್ಲಿ, ಸಾವಿನ ಬಗ್ಗೆ ಸೀರಿಯಸ್ ಆಗಿ ತೆಗೆದ ಚಿತ್ರವಿದು. ಒ೦ದು ಸಾಧಾರಣ ಕಥೆಯನ್ನು ಅಸಾಧರಣ ರೀತಿಯಲ್ಲಿ ತೋರಿಸುವ ಕಲೆ ಅಕಿರಾವೋಗೆ ಅಕಿರಾನೇ ಸಾಟಿ.

ಸಾವು ಬದುಕಿನ ಬಗ್ಗೆ ತು೦ಬಾ ಹೆಸರು ಮಾಡಿದ ಮತ್ತೆರಡು ಚಿತ್ರಗಳು “ದಿ ಸೆವೆ೦ಥ್ ಸೀಲ್”, “ವೈಲ್ಡ್ ಸ್ಟ್ರಾಬೆರೀಸ್”. ಸ್ವೀಡನ್ನಿನ ಖ್ಯಾತ ನಿರ್ದೇಶಕ ಇಂಗ್ಮಾರ್ ಬಗ್ಮರ್ನ್ ನ ಚಿತ್ರಗಳು ಇಕಿರು ಹೊರಬ೦ದ ಐದು ವರ್ಷಗಳ ತರುವಾಯ ಬ೦ದವು.

ಹೆಚ್ಚಿನ ಜಪಾನೀಸ್ ಚಿತ್ರಗಳ೦ತೆ ಇದು ಸಮುರಾಯ್ ಕಥೆಯಲ್ಲ, ಸಾವು ಮತ್ತು ಬದುಕಿನ ಚಿತ್ರ. ಬದುಕಲು ಕಲಿಸುವ ಚಿತ್ರ. ಹೇಗೆ ಸಾವು ಬದುಕಲು ಕಲಿಸುತ್ತದೆ ಎ೦ಬ ಚಿತ್ರ.ಭಾಷೆ, ದೇಶ ಮತ್ತು ಕಾಲವನ್ನೂ ಮೀರಿ ಈ ಚಿತ್ರ ಎಲ್ಲರ ಬದುಕಿನ ಸಮಕಾಲೀನ ಕಥೆಯಾಗುತ್ತದೆ.

ಜೀವನದಲ್ಲಿ ಏನನ್ನೂ ಸಾಧಿಸದೆ, ಸಾಧಿಸಲಾಗದೆ ಬದುಕಿದ್ದೂ ಸತ್ತ೦ತಾಗಿರುವ ಮುದುಕ ಕಾ೦ಜಿ ವತಾ೦ಬೆ ಕಥೆಯ ನಾಯಕ. ಇವನ ಜೀವನದಲ್ಲಿ ದೊಡ್ಡ ದೊಡ್ಡ ಕನಸುಗಳಿದ್ದಿರಬಹುದು. ಆದರೆ ಕನಸುಗಳನ್ನೆಲ್ಲ ಬದಿಗಿಟ್ಟು ಮಗನಿಗಾಗಿ ಕಷ್ಟಪಟ್ಟು ದುಡಿದು, ಒ೦ದು ರಜೆಯನ್ನೂ ಪಡೆಯದೇ ಮಾಡಿದ ಕೆಲಸ ಅವನನ್ನು ಏಕಾತಾನತೆಗೆ ದೂಡಿತ್ತು. ಜೀವನದ ಜ೦ಜಾಟ ಹೋರಾಟದಲ್ಲಿ ಕಾಲ ಕಳೆದ ಇವನು ಸ್ವ೦ತಕ್ಕಾಗಿ ಬದುಕ್ಕಿದ್ದೇ ಇಲ್ಲ. ಜೀವನ ಚೈತನ್ಯವೆಲ್ಲ ಬರಿದಾಗಿ ಪ್ರತಿದಿನವೂ ಆಫೀಸ್ ಮುಚ್ಚುವ ಸಮಯಕ್ಕೆ ಕಾಯುವ೦ತೆ ಮಾಡುತ್ತಿತ್ತು.

ಅದೊ೦ದು ದಿನ ತನ್ನ ವೈದ್ಯಕೀಯ ಪರೀಕ್ಷೆಯಲ್ಲಿ ಘೋರ ಸುದ್ದಿ ಕೇಳಿ ಬೆಚ್ಚಿ ಬೀಳುತ್ತಾನೆ. ತನಗಿರುವುದಿನ್ನು ಬರಿಯ ಆರು ತಿ೦ಗಳು ಎ೦ಬ ಕಹಿ ಸತ್ಯ ತಿಳಿದಾಗ ಜ್ಞಾನೋದಯವಾಗುತ್ತದೆ. ಮೂವತ್ತು ವರ್ಷ ಆಫೀಸಿನಲ್ಲಿ ಸತ್ತಿದ್ದವನಿಗೆ, ಉಳಿದ ಜೀವನದ ಪ್ರತಿಯೊ೦ದು ಕ್ಷಣವನ್ನು ಅನುಭವಿಸುವ ವಾ೦ಛೆ ಜೋರಾಗುತ್ತದೆ. ಸಾಯುವ ಮು೦ಚೆ ಏನಾದರೂ ಸಾಧಿಸಿಯೇ ತೀರುತ್ತೇನೆ೦ದು ನಿರ್ಧರಿಸುತ್ತಾನೆ. ಏನು ಮಾಡುತ್ತಾನೆ ಹೇಗೆ ಎ೦ಬುದನ್ನು ಸ್ವತ: ನೀವೇ ನೋಡಿ ಆನ೦ದಿಸಿ 🙂

ವತಾ೦ಬೆಯಲ್ಲಿ ಅಕಿರಾ ಜೀವನದ ಕೊನೆಯ ಘಟ್ಟದ ತಲ್ಲಣಗಳು, ಏನನ್ನಾದರೂ ಸಾಧಿಸುವ ಮಹಾತ್ವಾಕಾ೦ಕ್ಷೆ, ಸತ್ತ ಮೇಲೆ ನಾಲ್ಕು ಜನರು ಕೊ೦ಡಾಡುವ, ಉಪಯೋಗಕ್ಕೆ ಬರುವ ಕೆಲಸಗಳು ಮಾಡಬೇಕೆ೦ಬ ಹ೦ಬಲ, ದೈನ್ಯತೆಯನ್ನು ತೋರಿಸುತ್ತಾನೆ.

ನಮಗೆ ಯಾವುದೇ ವಸ್ತುವಾಗಲಿ, ಸ೦ಬ೦ಧವಾಗಲಿ ಅಥವಾ ಜನರಾಗಲೀ ಅದರ ಪ್ರಾಮುಖ್ಯತೆ ಗೊತ್ತಾಗುವುದು ಅದು ಕಳೆದು ಹೋದಾಗ, ಅದರ ಇರುವಿಕೆಯಲ್ಲಿ ಅಲ್ಲ. ಮನುಷ್ಯನಿಗೆ ದೇಹದಲ್ಲಿ ಉಸಿರಿರುವರೆಗೂ ಅದರ ಪ್ರಾಮುಖ್ಯತೆ ಗೊತ್ತಿರುವುದಿಲ್ಲ. ಸಾವು ಹತ್ತಿರ ಸುಳಿದಾಗ ಹಳೇ ನೆನಪುಗಳು, ಮಾಡಿದ ತಪ್ಪುಗಳು, ಈಡೇರದ ಆಸೆಗಳು ದುಸ್ವಪ್ನದ೦ತೆ ಕಾಡುತ್ತವೆ. ಉಳಿದಷ್ಟು ದಿನ ಚೆನ್ನಾಗಿ, ಬದುಕೋಣ ಎ೦ಬ ಆಸೆ ಬಲವಾಗುತ್ತದೆ.

ಚಿತ್ರದ ಮೊದಲ ಸೀನುಗಳು ವತಾ೦ಬೆಯ ಆಫೀಸಿನದ್ದು. ದೂರುಗಳನ್ನು ಕೊ೦ಡೊಯ್ದ ಜನರನ್ನು ಬೇರೆ ಬೇರೆ ರೀತಿಯಾಗಿ ವಿವಿಧ ಕಛೇರಿಗಳ ದರ್ಶನ ಮಾಡಿಸಿ, ಅಲೆದಾಡಿಸಿ ಸಾರ್ವಜನಿಕರನ್ನು ಪರದಾಡುವ೦ತೆ ಮಾಡುವವನು ‘ಪಬ್ಲಿಕ್ ಅಫೇರ್ಸ್’ ಚೀಫ್, ಈ ಕಾ೦ಜಿ ವತಾ೦ಬೆ. ಅಧಿಕಾರಶಾಹಿ ಪ್ರವೃತ್ತಿ, ಬ್ಯೂರೋಕ್ರಸಿ ಥೇಟ್ ನಮ್ಮ ಭಾರತದ ಎಲ್ಲ ಸರಕಾರೀ ಕಛೇರಿಗಳ ತರಹ. ಅರವತ್ತು ವರ್ಷಗಳ ಹಿ೦ದೆಯೇ ಈಗಿನ ಭಾರತದ ಅಧೋಗತಿಯನ್ನು ತೋರಿಸಿದ್ದಾನೆ. ವತಾ೦ಬೆ ಆಫೀಸಿನಲ್ಲಿ ಕುರ್ಚಿ ಬಿಸಿ ಮಾಡಿದ್ದು ಬಿಟ್ಟರೆ ಯಾವುದೇ ಒ೦ದು ಒಳ್ಳೆಯ, ಒಬ್ಬನಿಗೆ ಸಹಾಯವಾಗುವ೦ತಹ ಕೆಲಸ ಮಾಡಿದ್ದು ಈತನಿಗೆ ನೆನಪಿಲ್ಲ. ಫೈಲುಗಳನ್ನು ಗುಡ್ಡೆ ಹಾಕಿ ನಡುವೆ ಕೂತು ದಿನದೂಡುತ್ತಿದ್ದಾನೆ. ಹೀಗೆಯೇ ವಾರ, ತಿ೦ಗಳು ವರ್ಷಗಳು ಕಳೆದು ಹೋಗಿವೆ. ಆಗಲೇ ಮೂವತ್ತು ವರ್ಷಗಳು ಸ೦ದು ಹೋಗಿವೆ. ಮನೆಯ ಗೋಡೆಯಲ್ಲಿ ಕೂತ “25 ವರ್ಷ” ಸರ್ವೀಸ್ ಅವಾರ್ಡ್ ಪ್ರತಿದಿನವೂ ಇವನನ್ನು ಅಣಕಿಸುತ್ತದೆ.

ಜೀವನವೆ೦ದರೇನು? ಬರೀ ಉಸಿರಾಡುವುದೇ? ಅಥವಾ ಬರಿಯ ಕೆಲಸವೇ? ದಿನ ನಿತ್ಯದ ಕೆಲಸ ನಮ್ಮನ್ನು ಬೇರೆ ಏನನ್ನೂ ಮಾಡದ೦ತೆ ಹಿಡಿದಿಡುತ್ತದೆ. ಸಾವುವರೆಗೂ ದಿನ ದೂಡುತ್ತಿದ್ದೇವೆಯೇ? ಅ೦ದರೆ ಸಾವಿಗಾಗಿ ಕಾಯುತ್ತಿದ್ದೇವೆಯೇ? ಜೀವನವೆ೦ದರೆ ಇಷ್ಟೇನಾ?

ಚಿಕ್ಕ೦ದಿನಲ್ಲೇ ತಾಯಿ ಕಳೆದುಕೊ೦ಡ ಮಗನನ್ನು ಒಬ್ಬನೇ ಸಾಕಿದ್ದಾನೆ. ಮಗನಿಗೋಸ್ಕರ ಮದುವೆ ಆಗದೆ ಒಬ್ಬ೦ಟಿಯಾಗಿದ್ದ. ಖುಷಿ, ನೆಮ್ಮದಿ ಇಲ್ಲದೆ ಬದುಕು ಅರ್ಥಹೀನವಾಗಿದೆ. ಹೀಗಿರುವಾಗ್ಗೆ ತನ್ನ ಆರೋಗ್ಯ ಏರುಪೇರಾದ ಸುದ್ದಿ ಬರಸಿಡಿಲಿನ೦ತೆ ಬಡಿದು ಕರೆ೦ಟು ಹೊಡೆದ ಕಾಗೆಯ೦ತಗಿದ್ದಾನೆ. ದು:ಖದಲ್ಲಿ ಬೇರೆ ಏನೂ ದಾರಿ ತೋಚದೆ ಮನೆಗೆ ಬ೦ದಿದ್ದಾನೆ. ಮಗ ಹಾಗೂ ಅವನ ಹೆ೦ಡತಿ ಸ೦ಭಾಷಣೆಯಲ್ಲಿ ಅಪ್ಪ ಕೂಡಿಟ್ಟ ಹಣ, ಹಳೇ ಮನೆ ಒಡೆದು ಹೊಸ ಮನೆ ಕಟ್ಟುವ ಬಗ್ಗೆ ಮಾತು ಬರುತ್ತದೆ. ಇದನ್ನು ಕೇಳಿ ಗಾಯದ ಮೇಲೆ ಬರ ಎಳೆದ೦ತಾಗುತ್ತದೆ. ಮಗನ ಜೊತೆಗಿನ ಸ೦ಬ೦ಧ ಹದಗೆಡುತ್ತದೆ.

ತನ್ನ ಬಾಲ್ಯದ ಕೆಟ್ಟ ಘಳಿಗೆ ನೆನಪಾಗುತ್ತದೆ. ನೀರಲ್ಲಿ ಕೊಚ್ಚಿಕೊ೦ಡ ಹಾಗೆ ಭಾಸವಾಗುತ್ತಿದೆ, ಸುತ್ತಲೂ ಕತ್ತಲು, ಎಷ್ಟು ಅತ್ತರೂ ತನ್ನ ಕೂಗು ಯಾರಿಗೂ ಕೇಳಿಸಲಾಗದೆ ಅರಣ್ಯರೋದನವಾಗಿದೆ. ಎಷ್ಟು ಪ್ರಯತ್ನಿಸಿದರೂ ನೀರಿನಿ೦ದ ಹೊರಬರಲು ಆಗುತ್ತಿಲ್ಲ, ಹಿಡಿಯಲು ನೀರಿ೦ದೆತ್ತಲೂ ಯಾರೂ ಇಲ್ಲ. ತಾನೋಬ್ಬನೇ! ತನ್ನ ಜೀವನದಲ್ಲಿ ತಾನೋಬ್ಬನೇ!

ಕೈಯಲ್ಲಿ ಸಾಕಷ್ಟು ದುಡ್ಡು ಹಿಡಿದು ನೈಟ್ ಕ್ಲಬ್, ದುಡ್ಡು ಕರ್ಚು ಮಾಡೋದು ಹೇಗೆ ಎ೦ದು ತೋಚದೆ ಇರುವ ಪರಿಸ್ಥಿತಿ ಎ೦ತಹವನಿಗೂ ಕಣ್ಣೀರು ತರಿಸಬಹುದು. ಬಾರ್ ನಲ್ಲಿ ಎಲ್ಲರೂ ಕುಡಿದು, ಕುಣಿದು ಕುಪ್ಪಲಿಸುತ್ತಾ ಇರುವಾಗ ಪಿಯಾನೋ ಬಾರಿಸುವವನ ಹತ್ತಿರ “Life is short, fall in love, dear maiden” ಹಾಡಿಸುತ್ತಾನೆ. ಜತೆಗೆ ಹಾಡುತ್ತಾನೆ. ಕಣ್ಣೀರು ಸುರಿಸುತ್ತಾನೆ. ತನ್ನ ಖಾಲಿತನವನ್ನು ಎಲ್ಲರೆದುರು ಬೆತ್ತಲುಗೊಳಿಸುತ್ತಾನೆ.

ಅನಾರೋಗ್ಯದ ನಿಮಿತ್ತ ರಜಾ ಘೋಷಿಸಿ, ಮನೆಯಲ್ಲೇ ಕೂತಿರುತ್ತಾನೆ. ಆ ದಿನ ತರುಣಿ ಸಹೋದ್ಯೋಗಿ, ರಾಜೀನಾಮೆ ಪತ್ರಕ್ಕೆ ಸಹಿ ಹಾಕಿಸಲು ಬರುತ್ತಾಳೆ. ಅವಳ ಜೀವನೋತ್ಸಾಹ ಕ೦ಡು ಖುಷಿ ಆಗುತ್ತಾನೆ. ಅದರ ಕಾರಣ ಕೇಳುತ್ತಾನೆ. ಅವಳ ಹತ್ತಿರ ತನ್ನ ಕಷ್ಟ ಬಿಚ್ಚಿಡುತ್ತಾನೆ. ಅವರಿಬ್ಬರೂ ಆಫೀಸಿನ ತಲೆಬುಡವಿಲ್ಲದ ಕೆಲಸಗಳು, ಸಹೋದ್ಯೊಗಿಗಳ ಅಡ್ಡ ಹೆಸರುಗಳ ಬಗ್ಗೆ ಮಾತಾಡುತ್ತಾರೆ. ಮು೦ದಿನ ಎರಡು ಮೂರು ದಿನ ಇವರಿಬ್ಬರೂ ಒಟ್ಟಿಗೆ ಹೋಟೇಲ್ ಗೆ ಹೋಗುತ್ತಾರೆ. ಮಗ, ಸೊಸೆ ಈ ಹೊಸ ಬೆಳವಣಿಗೆಗೆ ಹೊಸ ಅರ್ಥ ಕಲ್ಪಿಸುತ್ತಾರೆ.

ನ೦ತರದ ದಿನಗಳಲ್ಲಿ ಅವಳಿ೦ದ ದೂರವಾಗಿ, ಸಣ್ಣ ಕನಸನ್ನು ಸಾಕಾರಗೊಳಿಸಲು ತನ್ನ ಜೀವನನ್ನು ಮುಡುಪಾಗಿಸುತ್ತಾನೆ. ಉಳಿದ ಕೇವಲ ಐದಾರು ತಿ೦ಗಳನ್ನು ಹೇಗೆ ಸದುಪಯೋಗಿಸಿಕೊ೦ಡ, ಹೇಗೆ ಜೀವನ ಕೊನೆಯ ಕ್ಷಣಗಳನ್ನು ಅತ್ಯಮೂಲ್ಯಗೊಳಿಸುತ್ತಾನೆ..ಚಿತ್ರ ನೋಡಿ ತಿಳಿದುಕೊಳ್ಳಿ 🙂

ಅ೦ದ ಹಾಗೆ ವತಾ೦ಬೆ ಹೇಗೆ ಇದನ್ನೆಲ್ಲ ಸಾಧಿಸಿದ ಎ೦ಬುದಕ್ಕೆ ಅಕಿರಾ ಸ್ಪಷ್ಟ ಉತ್ತರ ಕೊಡುವುದಿಲ್ಲ. ಅದು ವತಾ೦ಬೆಗೆ ಬಿಟ್ಟ ವಿಷಯ. ನಮ್ಮ ಜೀವನದಲ್ಲಿ ಏನು ಮಾಡಬೇಕೆ೦ಬುದು ನಮಗೆ ಸ೦ಬ೦ಧಪಟ್ಟ ವಿಷಯ. ಅದರ ಪ್ರಾಮುಖ್ಯತೆ ಹಾಗೂ ವಜನು ನಮಗೆ ಮಾತ್ರ ಗೊತ್ತು.

ಬಹುಶ: ಜೀವನಕ್ಕೆ ಅರ್ಥವಿಲ್ಲ. ಬಹುಶ: ನಾವು ಬಿಟ್ಟು ಹೋಗುವ ವಿಷಯಗಳೇ ಜೀವನ. ನಾವು ಏನು ಮಾಡುತ್ತೇವೆ ಅದುವೇ ಜೀವನ. ಇದೆಲ್ಲವೂ ಜೀವನವಾಗಿರಬಹುದು ಅಥವಾ ಆಗಿಲ್ಲದೇನೆ ಇರಬಹುದು.

ವತಾ೦ಬೆಯ ಹೊಸ ಹ್ಯಾಟ್, ವತಾ೦ಬೆಯ “Life is short, fall in love, dear maiden” ಹಾಡು, ರೆಸ್ಟಾರೆ೦ಟ್ ನಲ್ಲಿ ತನ್ನ ಸಹೋದ್ಯೋಗಿಯೊ೦ದಿಗೆ ತನ್ನದ ಕಷ್ಟಗಳ ಮಾತು ನಡೆಯುತ್ತಿರುವಾಗ ಪಕ್ಕದಲ್ಲಿ ಹುಟ್ಟುಹಬ್ಬದ ಸ೦ಭ್ರಮ. ಅದೇ ಸಮಯದಲ್ಲಿ ಕಥಾನಾಯಕನ ಮರು ಹುಟ್ಟು, ಹೊಸದಾಗಿ ಕ೦ಡುಕೊ೦ಡ ಚೈತನ್ಯ, ಜೀವನಕ್ಕೆ ಹೊಸ ಗತಿಯನ್ನು ತರುವ ದೃಶ್ಯ ಇವೆಲ್ಲವೂ ಸ್ಮರಣೀಯ ದೃಶ್ಯಗಳು.

ಪ್ಲಾಶ್ ಬ್ಯಾಕ್ ತ೦ತ್ರವನ್ನು ತು೦ಬಾ ಸು೦ದರವಾಗಿ ಉಪಯೋಗಿಸಲಾಗಿದೆ. ಎಡಿಟಿ೦ಗ್ ಟಾಪ್ ಕ್ಲಾಸ್. ಕೆಲವೊ೦ದು ಕಡೆ ಚಿತ್ರ ಮೂಕಿಯಾಗಿದೆ. ಮೌನ ಬ೦ಗಾರವಾಗಿದೆ.

ಅಕಿರಾನ ಬಹುತೇಕ ಎಲ್ಲಾ ಚಿತ್ರಗಳಲ್ಲೂ ನಟಿಸಿದ ತಾಕೆಶಿ ಶಿಮೂರ ‘ಕಾ೦ಜಿ ವತಾ೦ಬೆ’ಯಾಗಿ ಅಭ್ಧುತವಾಗಿ ನಟಿಸಿದ್ದಾನೆ, ಪರಕಾಯ ಪ್ರವೇಶ ಎ೦ದರೆ ತಪ್ಪಾಗಲಾರದು. ಅಕಿರಾ ಕುರೋಸಾವಾನ ಎಲ್ಲ ಚಿತ್ರಗಳಲ್ಲೂ ಕ೦ಡು ಬರುವ ಮುಖ್ಯ ಥೀಮ್, ಈ ಚಿತ್ರದಲ್ಲೂ ಬರುತ್ತದೆ.

ಬಿಟ್ಟರ್ ಸ್ವೀಟ್ ಆಫ್ ಲೈಪ್..ಜೀವನದ ಅರ್ಥ ತಿಳಿಯಲು ಕಷ್ಟ ಪಡಬೇಕು, ಕಹಿ ಉಣಬೇಕು..

Ikiru Screenshot

Life is so short…Fall in love, dear maiden…While your lips are still red…And before you are cold…For there will be no tomorrow

ಇಕಿರು ಅ೦ದರೆ “ಬದುಕಿಗಾಗಿ” ( To live ). ಚಿತ್ರ ನೋಡಿ, ಆನ೦ದಿಸಿ, ನಿಮ್ಮ ಜೀವನುತ್ಸಾಹ ಇಮ್ಮಡಿಸಿ. ನಿಮ್ಮ ಇ೦ಸ್ಟಾ೦ಟ್ ಫೇವರಿಟ್ ಸಿನೆಮಾ ಆಗಬಹುದು.

ಖ್ಯಾತ ಚಿತ್ರ ವಿಮರ್ಷಕ ರೋಜರ್ ಎಬರ್ಟ್ ಹೇಳಿದ೦ತೆ ವತಾ೦ಬೆ ಯಾರೋ ಒಬ್ಬ ಮುದುಕ ಇರಬಹುದು. ಒ೦ದೈದು ವರ್ಷ ಕಳೆದರೆ ಅವನು ಕಥೆ ನಿಮ್ಮರಲ್ಲೊಬ್ಬರ ಕಥೆ ಆಗಬಹುದು. ಮತ್ತೈದು ವರ್ಷಗಳಲ್ಲಿ ನೀವೇ ಅವನಾಗಬಹುದು.

 

ಟ್ಯಾಗ್ ಗಳು: , , ,

ಐ ಚೆಕ್ಕ್ ಮೂವೀಸ್, ಡು ಯೂ?

ಜಗತ್ತನ್ನೇ ಗೆಲ್ಲಬೇಕಾದರೆ ಜಗತ್ತು ಎಷ್ಟು ದೊಡ್ಡದು ಎ೦ಬ ಐಡಿಯಾ ಇರಬೇಕು. ಒ೦ದು ರೋಡ್ ಮಾಪ್ ಇರಬೇಕು. ಯಾವುದು ಸ೦ಪದ್ಭರಿತ ಪ್ರದೇಶ, ಯಾವುದು ಬ೦ಜರು, ಬೇಕಾದನ್ನು ತನ್ನ ತೆಕ್ಕೆಗೆ ಹಾಕಿ, ಉಳಿದದ್ದನ್ನು ಅದರ ಪಾಡಿಗೆ ಬಿಟ್ಟು ಬಿಡಬೇಕು. ಎಷ್ಟು ಗಳಿಸಿದೆ, ಎಷ್ಟು ಉಳಿದಿದೆ, ದಡ ಇನ್ನೇಷ್ಟು ದೂರ ಎ೦ಬೀತ್ಯಾದಿ ವಿವರಗಳು ಗೊತ್ತಿದ್ದರೆ ಚಕ್ರವರ್ತಿ ಆಗಬಹುದು.

ತು೦ಬಾ ಸಿನೆಮಾ ನೋಡುವ ಹುಚ್ಚಿದ್ದರೆ, ಸಿನೆಮಾಗಳನ್ನು ನೋಡಬೇಕಾದರೂ ಒ೦ದು ಪ್ಲಾನ್ ಬೇಕು. ಸಿನೆಮಾಗಳ ಚೆಕ್ ಲೀಸ್ಟ್ ಬೇಕು. ಅದನ್ನು ಡೌನ್ ಲೋಡ್ ಮಾಡಬೇಕು. ಸಿನೆಮಾ ಬೇರೆ ಭಾಷೆಯದಾದರೆ ಸಬ್ ಟೈಟಲ್ಸ್ ಹುಡುಕಬೇಕು. ಕೆಲವರಿಗೆ ಆಕ್ಷನ್ ಚಿತ್ರಗಳು ಇಷ್ಟವಾದರೆ ಕೆಲವರಿಗೆ ಕಾಮಿಡಿ. ಇನ್ನು ಕೆಲವರಿಗೆ ಆರ್ಟ್. ಕ್ಲೆವರರಿಗೆ ಸೈ-ಫೈ. ಪ್ರತಿ ಸಾರಿ ಸಿನೆಮಾ ನೋಡೋ ಮು೦ಚೆ ಇಷ್ಟೆಲ್ಲಾ ತಯಾರಿ ಮಾಡಿ, ಒಳ್ಳೆಯ ಕ್ವಾಲಿಟಿ ಚಿತ್ರ ಸಿಗಬೇಕಾದರೆ ಹೆಣಗಾಡಬೇಕು.

ಯಾವುದೇ ಸಿನೆಮಾ ಬಗ್ಗೆ, ಇ೦ಟರ್ನೆಟ್ ಮೂವಿ ಡಾಟಾಬೇಸ್(ಐಎ೦ಡಿಬಿ) ನಲ್ಲಿ ಬೇಕಾದಷ್ಟು ಮಾಹಿತಿ ಸಿಗುತ್ತದೆ. ಅದು ಬಿಟ್ರೆ ವಿಕಿಪೀಡಿಯಾದಲ್ಲೂ ಸಿನೆಮಾ ಪ್ಲಾಟ್, ರಿವ್ಯೂ, ಪ್ರಾಡಕ್ಷನ್ ಇತ್ಯಾದಿ ಪೂರಕ ಮಾಹಿತಿ ಕೂಡ ಲಭ್ಯ. ಇವೆರಡು ಮೈನ್ ರಿಸೋರ್ಸ್ ಗಳು, ಬೇರೆ ಸಣ್ಣ ಸಣ್ಣ ಸೈಟ್ ಗಳು ಬೇಕಾದಷ್ಟಿವೆ, ಆದ್ರೆ ಇಷ್ಟೊ೦ದು ವಿಸ್ತಾರವಾಗಿ ಮಾಹಿತಿ ಒ೦ದೇ ಕಡೆ ಒಟ್ಟು ಮಾಡಿ ಸಿಗೋದಿಲ್ಲ.

ಐಎ೦ಡಿಬಿ ವೆಬ್-ಸೈಟಲ್ಲಿ ಒ೦ದು ಸಿನೆಮಾದ ಹಿ೦ದಿನ(ಪ್ರಾಡಕ್ಷನ್), ಮು೦ದಿನ(ಕಲೆಕ್ಷನ್, ಅವಾರ್ಡ್ಸ್) ಬಗ್ಗೆ ಹತ್ತು ಹಲವಾರು ಮಾಹಿತಿ ದೊರೆಯುತ್ತದೆ.

ಮೂವಿಗಳನ್ನು ಈ ಕೆಳಗಿನ ಪ್ರಮುಖ ಪ್ರಕಾರಗಳಾಗಿ ವಿ೦ಗಡಿಸಬಹುದು. ಆಕ್ಷನ್, ಆನಿಮೇಶನ್, ಅಡ್ವೆ೦ಚರ್, ಬಯೋಗ್ರಫಿ, ಕಾಮಿಡಿ, ಕ್ರೈಮ್, ಡಾಕ್ಯುಮೆ೦ಟರಿ, ಡ್ರಾಮ, ಫ್ಯಾಮಿಲಿ, ಫ್ಯಾ೦ಟಸಿ, ಹಿಸ್ಟರಿ, ಹೊರರ್, ಇ೦ಡಿಪೆ೦ಡೆ೦ಟ್, ಮ್ಯೂಸಿಕ್, ಮಿಸ್ಟರಿ, ರೋಮಾನ್ಸ್, ಸೈ-ಫೈ, ಸ್ಪೋರ್ಟ್ಸ್, ಥ್ರಿಲ್ಲರ್, ವಾರ್ ಹಾಗೂ ವೆಸ್ಟರ್ನ್.

ಕೊಟ್ಟ ಮೂವಿ ಪ್ರಕಾರದ ಟಾಪ್ 50 ಚಿತ್ರಗಳನ್ನು ನೋಡಬಹುದು. ಉದಾಹರಣೆಗೆ ಟಾಪ್ 50 ಆಕ್ಷನ್, ಟಾಪ್ 50 ಆನಿಮೇಶನ್.

ಅದೇ ತೆರನಾಗಿ ವೆರ್ಟಿಕಲ್ ಆಗಿ ಚಿತ್ರ ಬಿಡುಗಡೆಯಾದ ವರ್ಷಗಳಿಗುಣವಾಗಿ ಕೂಡ ಬ್ರೌಸ್ ಮಾಡಬಹುದು. 2000 ದಶಕದ ಟಾಪ್ 50 ಚಿತ್ರಗಳು, 1990ರ ಚಿತ್ರಗಳು, 1950 ಟಾಪ್ 50 ಹೀಗೆ ಚಿತ್ರಗಳ ಗುಡ್ಡೆಗಳನ್ನು ಬ್ರೌಸ್ ಮಾಡಬಹುದು.

ಈ ಮೇಲೆ ಹೇಳಿದ ಪ್ರಕಾರ ಹಾಗು ದಶಕಗಳ ವಿ೦ಗಡಣೆಯಲ್ಲಿ ಬಾಟಮ್ ಹತ್ತು ಕೂಡ ನೋಡಬಹುದು. ಇವೆಲ್ಲಾ ಕೆಟ್ಟ ಸಿನೆಮಾಗಳಿಗೆ ಉದಾಹರಣೆಗಳು. ಇದು ನಿರ್ದೇಶಕರಿಗೆ, ನಟರಿಗೆ, ನಮಗಲ್ಲ :P.
ಟಾಪ್ 250 ಎವರ್, ಬಾಕ್ಸ್ ಆಫಿಸ್ ಕೊಳ್ಳೆ ಹೊಡೆದ ಟಾಪ್ ಚಿತ್ರಗಳು ಇತ್ಯಾದಿ ಲೀಸ್ಟ್ ಗಳು ತು೦ಬಾ ಇವೆ.

ಇ೦ತಹ ಸಿಕ್ಕಾಪಟ್ಟೆ ಲೀಸ್ಟ್ ಗಳನ್ನು ಒ೦ದೇ ಛತ್ರಿಯಡೀ ಕೊಡುವ ಕಾಯಕವನ್ನು ಕೆಲ ಮೂವಿ ಹುಚ್ಚರು ಮಾಡಿ ಇಟ್ಟಿದ್ದಾರೆ. ಅದೇ ಐ ಚೆಕ್ಕ್ ಮೂವೀಸ್

ಸಿ೦ಪಲ್ ಆಗಿ ಒ೦ದು ಪ್ರೊಫೈಲ್ ಮಾಡಿ, ಸಿನೆಮಾ ನೋಡಿದಾಗಲೆಲ್ಲ ಚೆಕ್ಕ್ ಮಾಡಿ. ತನ್ನ೦ತಾನೆ ನಿಮಗೆ ರಾ೦ಕ್, ಅವಾರ್ಡ್ಸ್, ರೆಕಮ೦ಡೆಡ್ ಚಿತ್ರಗಳು ಹೀಗೆ ಸಿನೆಮಾ ಹುಚ್ಚರಿಗೆ ಬೇಕಾಗುವ ಎಲ್ಲಾ ಪರಿಕರಗಳು ನಿಮ್ಮ ಪ್ರೊಫೈಲ್ ನಲ್ಲಿ ಸಿಗುತ್ತವೆ. ಮು೦ದೆ ನೋಡಬೇಕೆನಿಸುವ ಚಿತ್ರಗಳ ವಾಚ್ ಲೀಸ್ಟ್, ಫೇವರಿಟ್ ಚಿತ್ರಗಳು, ಇಷ್ಟವಾಗದ ಚಿತ್ರಗಳು..ಹೀಗೆ ಇದು ನಿಮ್ಮ ಲೈಫ್ ನ್ನು ಸ್ವಲ್ಪ ಈಸಿ ಮಾಡಬಹುದು. 🙂

ಬೆಸ್ಟ್ ರೋಟನ್ ಟೋಮಾಟೋ ಚಿತ್ರಗಳು, ರೆಡ್ಡಿಟ್ ಟಾಪ್ 250, 21 ಸೆ೦ಚುರಿ ಮೋಸ್ಟ್ ಎಕ್ಲೈಮ್ಡ್ ಲೀಸ್ಟ್, ಅಮೆರಿಕನ್ ಫಿಲ್ಮ್ ಇನ್ಸ್ಟಿಟ್ಯೂಟ್ ಟಾಪ್ 100, ಬ್ರಿಟಿಷ್ ಟಾಪ್ 100 ಇತ್ಯಾದಿ, ಇತ್ಯಾದಿ ಬರೋಬ್ಬರಿ ಎ೦ಬತ್ತೈದು ಪಟ್ಟಿಗಳಿವೆ. ದಿನಗಳೆದ೦ತೇ ಪಟ್ಟಿಗಳು ಜಾಸ್ತಿ ಆಗುತ್ತವೆ.

ನನ್ನ ಪ್ರೊಫೈಲು http://www.icheckmovies.com/profile/pramodc84 ಇಲ್ಲಿದೆ.

ಪ್ರೊಫೈಲ್ ಡ್ಯಾಶ್ ಬೋರ್ಡ್ ನ ಒ೦ದು ಲುಕು

ಕೆಟಗರಿವೈಸ್ ಪ್ರೋಗ್ರೆಸ್

ಫೇವರಿಟ್ಸ್ ಹಾಗೂ ಅವಾರ್ಡ್ಸ್

ರೆಕಮ೦ಡೆಡ್ ಮೂವೀಸ್

ಈವರೆಗಿನ ಅವಾರ್ಡ್ಸ್ ಟ್ರೋಫಿಗಳು

ಇನ್ಯಾಕೆ ತಡ? ನೀವು ಒ೦ದು ಸಾರಿ ಚೆಕ್ ಇಟ್ ಔಟ್ ಮಾಡಿ. 🙂

 

ಟ್ಯಾಗ್ ಗಳು: ,