ಯಾವುದಾದರೂ ಒಳ್ಳೆಯ ಸಿನೆಮಾ ಹೇಳಿ ಎ೦ದು ಕೇಳಿದರೆ ಬಗೆಬಗೆಯ ಉತ್ತರಗಳು. ಲೋಕೋಭಿನ್ನರುಚಿ. ಕೆಲವರಿಗೆ ವಾರ್ ಇಷ್ಟ, ರೊಮ್ಯಾನ್ಸ್ ಕಷ್ಟ. ಕಾಮಿಡಿಯೋ ಡ್ರಾಮಾನೋ ಅಥವಾ ಹೆದರಿಸುವ ಹಾರರ್, ಥ್ರಿಲ್ಲರ್. ಹೆಚ್ಚಿನವರಿಗೆ ಮೈನ್ ಸ್ಟ್ರೀಮ್ ಜ೦ಕ್ ಆಕ್ಷನ್ ಚಿತ್ರಗಳು ಟೈಮ್ ಪಾಸ್ ಆಗುತ್ತವೆ. ಎಲ್ಲ ಚಿತ್ರಗಳನ್ನು ನೋಡುವುದು ಕಷ್ಟ, ಎಲ್ಲಾ ಎ೦ದರೆ ಎಷ್ಟು?, ಮಾಸ್ಟರ್ ಪೀಸ್ ಚಿತ್ರದಲ್ಲಿ ಏನು ಸ್ಪೆಷಲ್? ಚಿತ್ರಭಾಷೆಯ ಉಗಮ, ಚರಿತ್ರೆ ಎ೦ತಹದು? ಮೊದಮೊದಲ ಚಿತ್ರಗಳು ಹೇಗಿದ್ದವು, ಫಿಲ್ಮ್ ಎಡಿಟಿ೦ಗ್ ಅಲ್ಲಿ ಹೊಸ ಹೊಸ ‘ಕಟ್’ ಹುಟ್ಟುಹಾಕಿದವರಾರು? ಅತ್ಯುನ್ನತ ನಿರ್ದೇಶಕರಾರು, ಅವರ ವಿವಿಧ ಚಿತ್ರಗಳೇನು? ಇತ್ಯಾದಿ ಸಾವಿರಾರು ಪ್ರಶ್ನೆಗಳು ದಿಗಿಲು ಹುಟ್ಟಿಸುತ್ತವೆ.

ಐಎ೦ಡಿಬಿಯ ಟಾಪ್ 250 ಚಿತ್ರಗಳನ್ನು ನೋಡಬೇಕೆ೦ದು ಗುರಿ ಹಾಕಿದ್ದಾಯಿತು. ವೈವಿಧ್ಯಮಯ ಚಿತ್ರಗಳನ್ನು ನೋಡಲು ಇದು ಒಳ್ಳೆಯ ರೆಫೆರೆನ್ಸ್. ನೋಡನೋಡುತ್ತಾ ದಟ್ಟ ಪಟ್ಟಣದಲ್ಲಿ ಸಿಲುಕಿದ೦ತಾಗಿ ಹಲವಾರು ದಾರಿಗಳು ಕಾಣಿಸಿಕೊ೦ಡವು. ಯಾವ್ಯಾವ ಸಿನೆಮಾ ನೋಡಬೇಕು, ಯಾವುದು ನೋಡಾಯಿತು ಎ೦ಬ ಲೆಕ್ಕ ಇಡಲು “ಚಿತ್ರಗುಪ್ತ”ನ ಅವಶ್ಯಕತೆ ಎದುರಾಯಿತು. ಆಗಲೇ ಸಿಕ್ಕಿದ್ದು ಐ ಚೆಕ್ಕ್ ಮೂವಿಸ್. ಇದರ ಬಗ್ಗೆ ಆಗಲೇ ಬರೆದಿದ್ದೆ. ಆಸ್ಕರ್, ಬಾಫ್ತಾ, ಕ್ಯಾನ್ಸ್, ವೆನಿಸ್ ಗೋಲ್ಡನ್ ಲಯನ್ ಚಿತ್ರಗಳು, ಇಟಾಲಿಯನ್, ಜಪಾನೀಸ್, ಸ್ಪಾನಿಷ್ ಇತ್ಯಾದಿ ಚಿತ್ರಗಳಿಗಿ೦ದ ಸಿನೆಮಾ ರುಚಿ, ದೃಷ್ಟಿಕೋನ ಬದಲಾಗಿದೆ. ಐಎ೦ಡಿಬಿಯ ಟಾಪ್ 250 ಯಲ್ಲಿ 245 ಚಿತ್ರಗಳನ್ನು ನೋಡಾಗಿದೆ. ಸಿನೆಮಾಗಳ ಇತಿಹಾಸ ಶೋಧಿಸಿ, ಸೋಸಿದಾಗ ಸುಮಾರು ವಿಷಯಗಳು ನನಗೆ ಗೋಚರಿಸಿದವು. ಇವುಗಳ ಬಗ್ಗೆ ಸ್ವಲ್ಪ ಮಾತಾಡೋಣ.

ಲ್ಯೂಮಿಯರ್ ಸಹೋದರರು
1895ರ ಕಾಲವದು, ಸರಿಸುಮಾರು ಒ೦ದು ಶತಮಾನದ ಹಿ೦ದಿನ ಮಾತು. ಲ್ಯೂಮಿಯರ್ ಸಹೋದರರು ತೆಗೆದ ಬಹುತೇಕ ಚಿತ್ರಗಳು ಜನರ ದಿನವಹೀ ಚಟುವಟಿಕೆಗಳನ್ನು ಒಳಗೊ೦ಡಿತ್ತು. ಸ೦ಜೆ ಫ್ಯಾಕ್ಟರಿ ಬಿಡುವ ವೇಳೆ ಜನರು ಖುಷಿಯಿ೦ದ ಜನ ಮನೆಗೆ ತೆರುಳುವ ದೃಶ್ಯವನ್ನು ಚಿತ್ರೀಕರಿಸಿದ್ದರು. ವೀಡಿಯೊ ಹಳತಾಗಿದ್ದರೂ ಭಾವ ನವನವೀನ. ಆಗಿನ ಜನರಿಗೆ ಈ “ಚಲಿಸುವ ಚಿತ್ರ” ಹೊಸದೊ೦ದು ಅನುಭವ ಕೊಟ್ಟಿತ್ತು.

ಆ ದಿನಗಳಲ್ಲಿ ಕೈಗಾರಿಕ ಕ್ರಾ೦ತಿಯ ಫಲವಾಗಿ ಬ೦ದ ಉಗಿಬ೦ಡಿ ಜನಜೀವನಕ್ಕೆ ಹೊಸಹಾದಿಯನ್ನು ಕ೦ಡುಕೊ೦ಡಿತ್ತು. ಟ್ರೈನ್ ಸ್ಟೇಷನ್ ಗೆ ಬರುವ ದೃಶ್ಯವನ್ನು ಸೆರೆಹಿಡಿದ ಈ ಸಹೋದರರು ಜನರಿಗೆ ತೋರಿಸಿದರು. ಸ್ಟೇಶನ್ ಗೆ ಬರೋ ಟ್ರೈನ್ ಹಾಗೂ ಅದನ್ನು ಹತ್ತಲು ಜನರ ನೂಕುನುಗ್ಗಲು ಕ೦ಡು ಜನ ಭಾವಪರವಶರಾದರು. ಮೊನ್ನೆ ಮೊನ್ನೆ ಮೆಟ್ರೋ ಟ್ರೈನ್ ಶುರುವಾದಾಗ ಅರ್ಧ ಬೆ೦ಗಳೂರು ಹೋಗಿತ್ತಲ್ಲ ಅದೇ ಥರಾ ಸ್ರೀನ್ ಮೇಲೆ ಟ್ರೈನ್ ನೋಡಿ ಹೌಹಾರಿದ್ದರು!!!. ಜಾರ್ಜ್ ಮೈಲೀಸ್ ಎ೦ಬ ಜಾದುಗಾರನೊಬ್ಬ ಚಿತ್ರ ಕ೦ಡು ಬೆರಗಾಗಿದ್ದ.

ಜಾರ್ಜ್ ಮೈಲೀಸ್ ಎ೦ಬ ಜಾದುಗಾರ
ಹೌದಿನಿ ಆಕ್ಟ್ ಎ೦ಬ ಮ್ಯಾಜಿಕ್ ಟ್ರಿಕ್ ನಿ೦ದ ವಿಶ್ವವಿಖ್ಯಾತನಾಗಿರುವ ರೋಬರ್ಟ್ ಹೌದಿನ್ನ ಪತ್ನಿ ವಿಧವೆಯಾದ ನ೦ತರ ಸ್ಟುಡಿಯೋವನ್ನು ಜಾರ್ಜ್ಸ್ ಮೈಲೀಸ್ ಗೆ ಮಾರಿದ್ದಳು. 30 ಮೇಲ್ಪಟ್ಟು ಹೊಸ ಕಲ್ಪನೆಗಳೊ೦ದಿಗೆ ತು೦ಬಿದ ರ೦ಗಮ೦ದಿರದಲ್ಲಿ ಜಾದೂ ಪ್ರದರ್ಶಿಸುತ್ತಿದ್ದ.
ಟ್ರೈನ್ ಚಿತ್ರ ನೋಡಿ ಮರುಳಾದ ಈತ ಲ್ಯೂಮಿಯರ್ ಬಳಿ ಇದ್ದ ಕ್ಯಾಮೆರ ಕೊಳ್ಳಲು ನಿರ್ಧರಿಸಿ ದೊಡ್ಡ ಮೌಲ್ಯವಾದ ಹತ್ತು ಸಾವಿರ ಫ್ರಾ೦ಕ್ ಗೆ ಕೇಳಿದ್ದ. ಆದರೆ ಅವರೇ ಕೊಡಲು ನಿರಾಕರಿಸಿದ್ದರಿ೦ದ ಬೇರೆ ವಿಧಿಯಿಲ್ಲದೆ ಲ೦ಡನ್ ಧಾವಿಸಿ ಪ್ರೋಜೆಕ್ಟರ್ ತಗೊ೦ಡಿದ್ದ. ಹಲವು ಉಪಕರಣಗಳನ್ನು ಜೋಡಿಸಿ ಕೆಲವು ಚಿತ್ರಗಳನ್ನು ತೆಗೆದ.

ಲ್ಯೂಮಿಯರ್ ಸಹೋದರರು ಬರಿಯ ಜನರ ಜೀವನ ಸೆರೆಹಿಡಿಯುತ್ತಿದ್ದಾಗ ಈತ ತನ್ನ ಮ್ಯಾಜಿಕ್ ಟ್ರಿಕ್ ಹಾಕಿ ಸ್ಪೆಷಲ್ ಎಫೆಕ್ಟ್ಸ್ ಕೊಟ್ಟ. ಚಿತ್ರಗಳಿಗೆ ಮೊದಲು ಸ್ಪೆಷಲ್ ಎಫೆಕ್ಟ್ ಕೊಟ್ಟವನೆ೦ದರೆ ಇವನೇ ಇರಬೇಕು. ಒ೦ದರ್ಥದಲ್ಲಿ ಮನರ೦ಜನಾ ಚಿತ್ರಗಳ ಜನಕ. ರೀಲುಗಳಿಗೆ ಹಸಿರು, ಕೆ೦ಪು ಬಣ್ಣ ಹಚ್ಚಿದ. ಚಿತ್ರದಲ್ಲಿ ತನ್ನ ತಲೆಯನ್ನೇ ಕತ್ತರಿಸಿ ತೋರಿಸಿದ. ಸೆಟ್ ಡಿಸೈನ್ ಮಾಡಿ, ಪ್ರಾಪ್ಸ್ ಇತ್ಯಾದಿಗಳ ಮೇಲೆ ಪ್ರತಿ ದಿನ ಹತ್ತು ಗ೦ಟೆ ಸ್ಟುಡಿಯೋದಲ್ಲಿ ಕಳೆಯುತ್ತಿದ್ದ. ಎರಡು ವರ್ಷಗಳಲ್ಲಿ 150ಕ್ಕೂ ಹೆಚ್ಚು ಚಿತ್ರಗಳನ್ನು ಮಾಡಿದ!! ಜಾಹಿರಾತುಗಳನ್ನೂ ಕೂಡ ಚಿತ್ರೀಕರಿಸಿದ.

ಎ ಟ್ರಿಪ್ ಟು ದಿ ಮೂನ್
1902ರಲ್ಲಿ ಬ೦ದ ‘ಎ ಟ್ರಿಪ್ ಟು ದಿ ಮೂನ್‘ ಈತನ ಜನಪ್ರಿಯ ಚಿತ್ರ. ವಿಶ್ವದ ಮೊತ್ತ ಮೊದಲ ಸೈಫೈ ಚಿತ್ರ. ಕೆಲ ಬಾಹ್ಯಕಾಶಿ ವಿಜ್ಣಾನಿಗಳು ಜತೆಗೂಡಿ ಚ೦ದ್ರಲೋಕಕ್ಕೆ ಪಯಣಿಸುವ ಕಥೆ. ರಾಕೆಟ್ ತರದೊ೦ದು ಕ್ಯಾಪ್ಸೂಲ್ ಚ೦ದ್ರನನ್ನು ತಲುಪಿ, ಆತನ ಕಣ್ಣನ್ನು ಕುಕ್ಕುತ್ತದೆ. ಪಯಣದಿ೦ದ ಸುಸ್ತಾದ ವಿಜ್ಣಾನಿಗಳು ತ೦ಗಿದ್ದ ಮನೆಯ ಕಿಟಕಿಯ ಪರದೆ ತೆರೆದು ನೋಡಿದಾಗ ಬೇರೆ ಬೇರೆ ಗ್ರಹಗಳು, ವಿಚಿತ್ರ ಆಕಾರದ ವಸ್ತುಗಳು ಕಾಣುತ್ತವೆ. ಸ್ವಲ್ಪದರಲ್ಲಿ ಚ೦ದ್ರಗಹವಾಸಿಗಳು ಇವರನ್ನು ಸೆರೆಹಿಡಿಯುತ್ತಾರೆ. ತಮ್ಮ ಕಮಾ೦ಡರ್ ಬಳಿಗೆ ಕರೆದೊಯ್ಯುತ್ತಾರೆ. ವಿಜ್ಣಾನಿಗಳು ಅಲ್ಲಿ೦ದ ಓಡಿ ತಪ್ಪಿಸಿಕೊ೦ಡು ವಾಪಸು ಭೂಗ್ರಹ ತಲುಪುತ್ತಾರೆ. ಸರಿಸುಮಾರು ಅರವತ್ತೇಳು ವರುಷಗಳ ನ೦ತರ 1969ರಲ್ಲಿ ಮನುಷ್ಯ ಚ೦ದ್ರಗ್ರಹದ ಮೇಲೆ ಕಾಲಿಟ್ಟ ಅ೦ದಾಗ ಈ ಚಿತ್ರ ಎ೦ತಹ ಅದ್ಭುತ ಐಡಿಯಾ ಎನ್ನುವುದು ವೇದ್ಯವಾಗುತ್ತದೆ.

ಚಿತ್ರ ಹಿಟ್ ಆಯಿತು. ಬಲ್ಬ್ ಖ್ಯಾತಿಯ ಥಾಮಸ್ ಆಲ್ವಾ ಎಡಿಸನ್ ನ ಸಹಾಯಕರು ಈ ಚಿತ್ರವನ್ನು ಕಾನೂನು ಬಾಹಿರವಾಗಿ ಕದ್ದು ಅಮೆರಿಕಾದಲ್ಲೆಲ್ಲಾ ತೋರಿಸಿದರು. ಪೈರಸಿಯ ಉಗಮವಾಯಿತು. ಜಾರ್ಜ್ಸ್ ಬಡವಾದ.

ಈ ಚಿತ್ರ ಯೂಟ್ಯೂಬ್ ನಲ್ಲಿ ನೋಡಲು ಸಿಗುತ್ತದೆ. ಐ ಚೆಕ್ ಮೂವೀಸ್ ನ ಒ೦ದು ಲೀಸ್ಟ್ ನಲ್ಲಿ ಈ ಚಿತ್ರದ ರೆಫರೆನ್ಸ್ ಇದ್ದ ಕಾರಣ ನನಗೆ ಚಿತ್ರದ ಡಿಸ್ಕವರಿಯಾಯಿತು. ಆ ಲೀಸ್ಟ್ ‘1001 ಮೂವಿಸ್ ಯು ಮಸ್ಟ್ ಸೀ ಬಿಫೋರ್ ಯು ಡೈ‘.

1001 ಮೂವಿಸ್ ಯು ಮಸ್ಟ್ ಸೀ ಬಿಫೋರ್ ಯು ಡೈ
ಈ ಸಿನಿ ಪುಸ್ತಕ ವರ್ಲ್ಡ್ ಮೂವೀಸ್ ಗಳಿಗೆ ಕಿಟಕಿಯಿದ್ದ೦ತೆ. ಸಪ್ನ ಬುಕ್ ಸ್ಟಾಲ್ ಈ ಪುಸ್ತಕ ಸಿಗುತ್ತದೆ. ಯುರೋಪಿಯನ್ ಆರ್ಟ್ ಹೌಸ್ ಚಿತ್ರಗಳು, ಬ್ರಿಟಿಷ್ ಚಿತ್ರಗಳನ್ನೊಳಗೊ೦ಡ ಇದು 30 ದೇಶಗಳ, ವಿವಿಧ ಭಾಷೆಗಳ ಚಿತ್ರಗಳ ಬಗ್ಗೆ ಮಾಹಿತಿಯನ್ನು ಒಳಗೊ೦ಡಿದೆ. ಬರ್ಗ್ಮಾನ್, ಫೆಲೀನಿ, ಟರ್ವೋಸ್ಕಿ, ಕುರೋಸಾವ, ಲೂಯಿಸ್ ಬ್ಯುನೆಲ್, ಓಜು, ಡೇವಿಡ್ ಲೀನ್ ಇತ್ಯಾದಿ ಘಟಾನುಘಟಿಗಳ ಚಿತ್ರಗಳ ಪರಿಚಯವಿದೆ. 317 ಚಿತ್ರಗಳನ್ನು ನೋಡಿ ಆಗಿದೆ!!!. ಪುಸ್ತಕ ವರ್ಥ್ ಅನಿಸುತ್ತಿದೆ.

ಪುಸ್ತಕದಲ್ಲಿ ಬರುವ ಪ್ರಥಮ ಚಿತ್ರವೆ೦ದರೆ ಜಾರ್ಜ್ ಮೈಲಿಸ್ ನ ‘ಎ ಟ್ರಿಪ್ ಟು ಮೂನ್’. ‘ಎ ಟ್ರಿಪ್ ಟು ಮೂನ್’ ಆದಿಯಾಗಿ ಸಿನೆಮಾ ಲೋಕಕ್ಕೆ ಎ೦ಟ್ರಿ ಸಿಗುತ್ತದೆ.

ಹ್ಯೂಗೋ
ಮೊನ್ನೆಯಷ್ಟೇ ಆಸ್ಕರ್ ಅವಾರ್ಡ್ ಕಳೆದಿದೆ. ಹಳೆಯ ಮೂಕಿ ಚಿತ್ರಗಳಿಗೊ೦ದು ಟ್ರಿಬ್ಯೂಟ್ ಸಲ್ಲಿಸಿದ ‘ದಿ ಆರ್ಟಿಸ್ಟ್’ ಗೆ ಐದು ಆಸ್ಕರ್ ಬ೦ತು. ಲಿವಿ೦ಗ್ ಲೆಜೆ೦ಡ್ ಡೈರೆಕ್ಟರ್ ಮಾರ್ಟಿನ್ ಸ್ಕಾರ್ಸೀಸೆ ಯ “3D ಹ್ಯೂಗೋ” ಗೆ ಇನ್ನೈದು ಬ೦ತು. ಹ್ಯೂಗೋ ಹಿ೦ದೆ ದೊಡ್ಡ ಕಥೆ ಇದೆ. ಅದು ಇದೇ ಜಾರ್ಜ್ಸ್ ಮೈಲೀಸ್ ಕಥೆ. ಗಾ೦ಧಿ ಖ್ಯಾತಿ ಬೆನ್ ಕಿ೦ಗ್ ಸ್ಲಿ ಜಾರ್ಜ್ ಮೈಲೀಸ್ ಆಗಿ ಅಭಿನಯಿಸಿದ್ದಾನೆ. ಹ್ಯೂಗೋ ಚಿತ್ರ ನೋಡುತ್ತಿದ್ದ೦ತೆ ನನ್ನ ಸಿನಿ ಜರ್ನಿಯ ಬಗ್ಗೆ ಬರೆಯೋಣ ಅನ್ನಿಸಿತು.

ಹ್ಯೂಗೋ ಕಥೆ ಶುರುವಾಗುವುದು ಇಪ್ಪತ್ತನೇ ಶತಮಾನದ ಮೂರನೇ ದಶಕದಲ್ಲಿ. ಕಥಾನಾಯಕನ ತ೦ದೆ ಗಡಿಯಾರ ರಿಪೇರಿ ಮಾಡುವವ, ತ೦ದೆ ಅಕಸ್ಮತ್ತಾಗಿ ಸಾಯುತ್ತಾನೆ. ತಬ್ಬಲಿ ಮಗನಿಗೆ ಬರಿಯ ಮುರಿದ ಅಟೋಮೇಶನ್ ಮೆಷಿನ್ ಉಳಿದಿರುತ್ತದೆ. ಅದನ್ನು ಹೆಗಲೇರಿಸಿಕೊ೦ಡು ತನ್ನ ಅ೦ಕಲ್ ಜೊತೆ ಟ್ರೈನ್ ಸ್ಟೇಷನ್ ಗೆ ಬ೦ದು ಅಲ್ಲಿನ ದೊಡ್ಡ ಗಡಿಯಾರ ದುರಸ್ತಿ ಮಾಡುತ್ತಾ ಕಾಲ ಕಳೆಯುತ್ತಿರುತ್ತಾನೆ. ಅಟೋಮೇಶನ್ ಮೆಷಿನ್ ಸರಿಪಡಿಸಲು ಇನ್ನಿಲ್ಲದ ಪ್ರಯತ್ನ ಮಾಡುತ್ತಾನೆ. ಬಳುವಳಿಯಾಗಿ ಸಿಕ್ಕಿದ ಅಟೋಮೇಶನ್ ನಲ್ಲಿ ಏನಾದರೂ ಸ೦ದೇಶ, ಸೀಕ್ರೆಟ್ ಇರಬಹುದು ಎ೦ದು ಗಾಢವಾಗಿ ನ೦ಬಿರುತ್ತಾನೆ. ಜಾರ್ಜ್ ಮೈಲೀಸ್ ಎ೦ಬಾತ ಆಟಿಕೆ ಸಾಮನಿನ ಅ೦ಗಡಿಯಿ೦ದ ಅಟೋಮೇಶನ್ ಗೆ ಬೇಕಾದ ಪಾರ್ಟ್ ಗಳನ್ನು ಕದಿಯುತ್ತಿರುತ್ತಾನೆ. ಒ೦ದು ಸಾರಿ ಕದಿಯುತ್ತಿದ್ದಾಗ ಸಿಕ್ಕಿ ಬೀಳುತ್ತಾನೆ. ಆಟೋಮೇಷನ್ ಗೆ ಬೇಕಾದ ಮುಖ್ಯ ಕೀ ಅವನ ಬಳಿ ಇರುತ್ತದೆ!! ಹೇಗೆ?. ಸಿನೆಮಾ ನೋಡಿ

ಉನ್ನತ ನಿರ್ದೇಶಕನಾಗಿ ತನ್ನ ಮೆಚ್ಚಿನ ಸಿನೆಮಾ ಹುಚ್ಚಿನ ಬಗ್ಗೆ ಆಗಾಗ ಹೇಳಿಕೊಳ್ಳುತ್ತಿರುವ ಸ್ಕೋರ್ಸೇಸೆ ಚಿತ್ರ ಜಗತ್ತಿನ ವಿಧೇಯ ವಿದ್ಯಾರ್ಥಿಯಾಗಿ ಸಿನಿ ಪ್ರಪ೦ಚಕ್ಕೆ ಕೊಟ್ಟ ಚೊಕ್ಕ ಕಾಣಿಕೆ “ಹ್ಯೂಗೋ”. ಹ್ಯೂಗೋ ಎ ಪರ್ಫೆಕ್ಟ್ ಟ್ರಿಬ್ಯೂಟ್ ಟು ಆಲ್ ಮೂವಿ ಲವರ್ಸ್, ಎ ಲವ್ ಲೆಟರ್ ಟು ಸಿನೆಮಾ.

ಐಎ೦ಡಿಬಿ ಟಾಪ್ 250 ಸಿನೆಮಾಗಳನ್ನು ತಡಕಾಡುವಾಗ, ಹಯಾವೋ ಮಿಯಾಸಾಕಿಗಳ ಚಿತ್ರಾನ್ವೇಷನೆಗಳು ಆಕಸ್ಮಿಕವಾಗಿ ದಕ್ಕಿದ ನಿಧಿಯ೦ತೆ ತು೦ಬಾ ಭಿನ್ನವಾಗಿ ಕ೦ಡವು, ಭೂರಿ ಭೋಜನ ಮಾಡಿದ೦ತೆ ಸವಿ ಕೊಟ್ಟವು.

ಜಪಾನಿನ ಉದ್ದಗಲಕ್ಕೂ ಕೀರ್ತಿ ಪಸರಿಸಿ, ಕೊನೆಗೆ ಹಾಲಿವುಡ್ ಕಿವಿಗೆ ಈತನ ಹೆಸರು ಬಿದ್ದಾಗ, ಡಿಸ್ನಿ ಕ೦ಪನಿ ಓಡಿ ಹೋಗಿ ಈತನ ಸಿನೆಮಾಗಳಿಗೆ ಇ೦ಗ್ಲಿಷ್ ಡಬ್ಬಿ೦ಗ್ ಮಾಡಿ, ಸಬ್ ಟೈಟಲ್ ಗಳನ್ನು ಬರೆಸಿ, ಗಲ್ಲಾಪೆಟ್ಟಿಗೆಯಲ್ಲಿ ಗುಲ್ಲೆಬ್ಬಿಸಿತು. ಮಿಯಾಸಾಕಿ ಒಬ್ಬ ಅಪ್ರತಿಮ ಅನಿಮೇಟರ್ ಅ೦ತಾ ಹಾಲಿವುಡ್ ಪ್ರಮಾಣಪತ್ರ ಕೊಟ್ಟಿತು. ಆದರೂ ಪ್ರಪ೦ಚದಾದ್ಯ೦ತ ಇನ್ನೂ ಅಂಡರ್ರೇಟೆಡ್, ಇವನ ಚಿತ್ರಗಳನ್ನು ನೋಡಿದವರು, ಹೆಸರನ್ನು ಕೇಳಿದವರು ಕಮ್ಮಿ.

ಸತ್ವಯುತ ಕಥೆ ಹಾಗೂ ಥೀಮ್, ವರ್ಣರ೦ಜಿತ ಅನಿಮೇಷನ್, ಸ್ತ್ರೀ ಪ್ರಧಾನ ಪಾತ್ರಗಳು, ಪ್ರಕೃತಿಯ ಜತೆಗಿನ ಸಾಮರಸ್ಯ, ಶಾ೦ತಿತತ್ವ ಪ್ರತಿಪಾದನೆ, ಮಾನವೀಯ ಮೌಲ್ಯಗಳ ಬಗೆಗಿನ ಕಾಳಜಿ ಹೀಗೆ ಮಿಯಾಸಾಕಿ ತನ್ನ ಮಾಂತ್ರಿಕ ಸ್ಪರ್ಶದಿ೦ದ ಪಾತ್ರಗಳಿಗೆ ಜೀವ ತು೦ಬುತ್ತಾನೆ. ಡಿಸ್ನೀ ಚಿತ್ರಗಳಲ್ಲಿ ಬರುವ ಅರೆಬೆ೦ದ ಸೊ ಕಾಲ್ಡ್ ಮೆಚೂರ್ಡ್ ಮಕ್ಕಳು, ಅವರ ನಡುವಿನ ಪ್ರೇಮಾ೦ಕುರ, ಹುಡುಗಿಗಾಗಿ ಏನನ್ನೂ ಮಾಡಲು ಸಿದ್ಧನಾದ ಹೀರೋ, ತನ್ನಿಚ್ಛೆಯ೦ತೆ ನಡೆಯುವ ಹೀರೋ ಹಿ೦ದಿನ ಹೆತ್ತವರು ಹಿರಿಯರು ಪಾತ್ರಗಳಿಲ್ಲದ ಪ್ಲಾಟ್ ಗಳು, ಈ ಪರಿಯ ಸಿದ್ಧ ಸೂತ್ರಗಳಿಲ್ಲದೆ, ಸ್ಟಿರಿಯೋ ಟೈಪ್ ನಿ೦ದ ಮುಕ್ತವಾಗಿ ಸ್ವತ೦ತ್ರವಾಗಿ, ಕಲ್ಪನಾ ಪ್ರಪ೦ಚದಲ್ಲಿ ಸ್ವತ೦ತ್ರವಾಗಿ ವಿಹರಿಸುವ ಕಥೆಗಳು ಈತನ ಪಾತ್ರಗಳು, ನಮ್ಮನ್ನು ಅವರ ಬೆರಗಿನ ಜಗತ್ತಿಗೆ ಕರೆದೊಯ್ಯುತ್ತವೆ. ಪಾತ್ರಗಳೆಲ್ಲಾ ಪರದೆಯ ಹರಿದು ಕಣ್ಣೆದುರು ಬರುವ೦ತೆ ಭಾಸವಾಗುತ್ತವೆ. ಮಕ್ಕಳಿಗಾಗಿ ಚಿತ್ರಗಳನ್ನು ಮಾಡಿದ್ದರೂ ಚಿತ್ರಗಳಲ್ಲಿನ ಮೂಡಿ ಬರುವ ವಾಸ್ತವಕ್ಕೆ ಹತ್ತಿರವಿರುವ ಮಾಗಿದ ಪಾತ್ರಗಳು, ಸು೦ದರ ಸ್ವಪ್ನದ೦ತಹ ಕಥೆಗಳಿ೦ದಾಗಿ ಎಲ್ಲರನ್ನು ಅಯಸ್ಕಾ೦ತದ೦ತೆ ಮನಸೆಳೆಯುತ್ತವೆ. ಅಭೂತಪೂರ್ವ ಕಲ್ಪನಾತೀತ ಜಗತ್ತಿನ ದರ್ಶನ ಪಡೆಯಲು ಏಕಮಾತ್ರ ಅವಕಾಶ ಅ೦ದರೆ ಒಂದು ಮಿಯಾಸಾಕಿ ಚಿತ್ರ ನೋಡುವುದು ಎ೦ದರೆ ಅತಿಶಯೋಕ್ತಿ ಆಗಲಾರದು.

ಬಾಲ್ಯದಿ೦ದಲೇ ಮ೦ಗ ಆರ್ಟಿಸ್ಟ್ ಆಗಲು ಬಯಸಿದ್ದ ಮಿಯಸಾಕಿ ಸಣ್ಣ ಸಣ್ಣ ಸ್ಟುಡಿಯೋಗಳಲ್ಲಿ ಪ್ರತಿಭೆಯನ್ನು ಒರೆಗೆ ಹಚ್ಚಿ ತಕ್ಕ ಮಟ್ಟಿಗೆ ಹೆಸರು ಗಳಿಸಿದ್ದ.ಮ೦ಗ(ಜಪಾನೀನ ಪ್ರಖ್ಯಾತ ಕಾಮಿಕ್) ಸೀರಿಸ್ ನ ಹಲವಾರು ಟೀವಿ ಕ೦ತುಗಳನ್ನು ನಿರ್ದೇಷಿಸಿದ. ನ೦ತರ ಈತ ನಿರ್ದೇಷಿಸಿದ ಚಿತ್ರಗಳೆಲ್ಲವೂ ಅದ್ಭುತ.

ದಿ ಕ್ಯಾಸಲ್ ಆಫ್ ಕಾಗ್ಲಿಯೊಸ್ಟ್ರೋ(1979) ಚೊಚ್ಚಲ ಅನಿಮ್ ಚಿತ್ರ, ಪ್ರಚ೦ಡ ಕಳ್ಳ ‘III ನೇ ಲುಪಿನ್’ ಕಥೆಯನ್ನು ಒಳಗೊ೦ಡಿದ್ದು, ತಾನು ದೋಚಿದ ಹಣ ನಕಲು ಎ೦ಬುದು ಗೊತ್ತಾಗಿ, ಇದರ ಮೂಲ ಹುಡುಕುತ್ತಾ ಹೋಗುವ, ಖೋಟ ನೋಟಗಳನ್ನು ಮುದ್ರಿಸುವ ದುಷ್ಟರ ಜಾಲವನ್ನು ಭೇದಿಸುವ ಸಾಹಸ ಪ್ರಧಾನ ಚಿತ್ರ.
ಐಎ೦ಡಿಬಿ: 7.7 ರೋಟನ್ ಟೋಮ್ಯಾಟೋಸ್: 90%

ನೌಶಿಕಾ ಆಫ್ ದಿ ವ್ಯಾಲಿ ಆಫ್ ದಿ ವಿ೦ಡ್(1984) ತಾನೇ ಬರೆದ ಸಂಕೀರ್ಣ “ಮ೦ಗ” ಕಥಾಸರಣಿಯನ್ನು ಚಿತ್ರಕ್ಕೆ ಅಳವಡಿಸಿ ನಿರ್ದೇಷಿಸಿದ ಚಿತ್ರ. ಪ್ರಕೃತಿ ವರ್ಸಸ್ ಮಾನವ.
ಸಹಸ್ರ ಕಾಲದ ತರುವಾಯ, ದ್ವೇಷ ಅಸೂಯೆಗಳ ನಡುವೆ ಹಾಲಾಹಲದಿ೦ದ ಹರಿದು ಹ೦ಚಿಹೋದ, ವಿಷಜ೦ತುಗಳಿ೦ದ ತು೦ಬಿರುವ ಅಲ್ಲಲ್ಲಿ ಅಳಿದುಳಿದ ಚೆಲ್ಲಾಪಿಲ್ಲಿಯಾಗಿ ಚದುರಿದ ಜನರನ್ನು ರಾಜಕುಮಾರಿ ನೌಶಿಕಾ ಒಟ್ಟುಗೂಡಿಸಿ, ಪ್ರಕೃತಿ ಪ್ರಾಣಿ ಪಕ್ಷಿ ಸ೦ಕುಲದ ಜತೆ ಶಾ೦ತಿ ಸಮನ್ವಯದಿ೦ದ ಬಾಳು ನಡೆಸಲು ಅನುವಾಗುವ ಕಥೆಯಿದು. ಕ೦ಡು ಕೇಳರಿಯದ ಪ್ರಾಣಿಗಳನ್ನು ಈ ಚಿತ್ರದಲ್ಲಿ ನೋಡಬಹುದು.
ಮಿನಮಾಟ ಕೊಲ್ಲಿಯಲ್ಲಿ ತ್ಯಾಜ್ಯ ಪಾದರಸ ಸೋರಿ ಸಹಸ್ರಾರು ಜನರ ಪ್ರಾಣಕ್ಕೆ ಕುತ್ತಾಗಿದ್ದು ಈ ಕಥೆಗೆ ಪ್ರೇರಣೆಯಾಗಿದೆ. ಜಪಾನಿನಲ್ಲಿ ಪ್ರಚ೦ಡ ಪ್ರದರ್ಶನ ಕ೦ಡ ಮೇಲೆ ಉತ್ತೇಜಿತನಾಗಿ ಸ್ಟುಡಿಯೋ ಸ್ಥಾಪಿಸಲು ಅಣಿಯಾದ. ಆದರೆ ಈ ಚಿತ್ರ ಅಮೆರಿಕನ್ ವಿತರಕರ ಅನಾದರ, ಚಿತ್ರದ ಮರುನಾಮಕರಣ ಇತ್ಯಾದಿ ಕಾರಣಗಳಿ೦ದ ಹೆಚ್ಚಿನ ಜನರನ್ನು ತಲುಪಲಿಲ್ಲ.
ಐಎ೦ಡಿಬಿ: 8.1 ರೋಟನ್ ಟೋಮ್ಯಾಟೋಸ್: 80%

ಮಹತ್ವಾಕಾ೦ಕ್ಷೆ ಬೆನ್ನತ್ತಿ 1985 ಜೂನ್ ನಲ್ಲಿ ಘಿಬ್ಲಿ ಸ್ಟುಡಿಯೋ ಸ್ಥಾಪಿಸಿದ.

ಕ್ಯಾಸೆಲ್ ಇನ್ ದಿ ಸ್ಕೈ(1986) ಘಿಲ್ಬಿ ಸ್ಟುಡಿಯೋದಿ೦ದ ಹೊರಬ೦ದ ಚೊಚ್ಚಲ ಚಿತ್ರ. ಲ್ಯಾಪುತ ಎ೦ಬ ತೇಲಾಡುವ ದ್ವೀಪದ ಸಾಮ್ಯಾಜ್ಯ ನ೦ಬಿದವರಿಗೆ ಮಾತ್ರ ಕಾಣ ಸಿಗುತ್ತದೆ. ಪಾಝು ಎಂಬ ಬಾಲಕ ಲ್ಯಾಪುತದ ಅಸ್ತಿತ್ವವನ್ನು ನಂಬಿರುತ್ತಾನೆ ಹಾಗೂ ಅದನ್ನು ನೋಡಲು ನಿರ್ಧರಿಸಿರುತ್ತಾನೆ. ಅಲ್ಲಿ ತೀರಿಹೋದ ತಂದೆಯನ್ನು ಭೇಟಿಯಾಗಲು ಯೋಜಿಸಿರುತ್ತಾನೆ. ಅಕಾಶದಿ೦ದ ಕೆಳಗಿಳಿದ ಹುಡುಗಿ ಸೀತಾಳ ಜತೆ ಸೇರುತ್ತಾನೆ. ಸೀತಾಳ ಹಿ೦ದೆ ಕಡಲ್ಗಳ್ಳರು, ಸೇನೆ ಮತ್ತು ಸರ್ಕಾರದ ರಹಸ್ಯ ಏಜೆಂಟ್ ಗಳು ಬೆನ್ನು ಹತ್ತಿರುವುದು, ತನ್ನ ಜೀವ ಉಳಿಸುವುದಕ್ಕಾಗಿ ಆಕಾಶದಲ್ಲಿ ಓಟಕ್ಕಿತ್ತ ಸೀತಾ ವಿಚಿತ್ರ ಕೋಟೆಯಲ್ಲಿ ತಲೆಮರೆಸಿಕೊಳ್ಳುವ ಈ ಕಥೆ ನಮ್ಮನ್ನು ವಿಸ್ಮಯ ಪ್ರಪ೦ಚಕ್ಕೆ ಕರೆದೊಯ್ಯುತ್ತವೆ.
ಐಎ೦ಡಿಬಿ: 8.1 ( 248/250 ) ರೋಟನ್ ಟೋಮ್ಯಾಟೋಸ್: 94%

ಮಿಯಸಾಕಿಯ ಮೇರುಚಿತ್ರ ಮೈ ನೇಬರ್ ಟೊಟೊರೊ(1988) ತಾಯಿ ಆರೋಗ್ಯ ಹದಕೆಟ್ಟ ಸಮಯದಲ್ಲಿ, ಆಸ್ಪತ್ರೆಯ ಹತ್ತಿರದಲ್ಲೇ ಇದ್ದ ಹಳ್ಳಿ ಬದಿಯ ಮನೆಯಲ್ಲಿ ತ೦ದೆಯ ಜತೆ ತ೦ಗಿದ್ದ ಇಬ್ಬರು ಹುಡುಗಿಯರ ಬಾಲ್ಯ ಕಾಲಕ್ಕೊ೦ದು ಪಯಣ. ತಾಯಿ ಇಲ್ಲದ ಸ೦ದರ್ಭದಲ್ಲಿ ಸಮೀಪದಲ್ಲಿ ಅರಣ್ಯದಲ್ಲಿ ವಾಸವಾಗಿರುವ ಅದ್ಭುತ, ಮಾ೦ತ್ರಿಕ, ಅಪಾಯಕಾರಿ ದೈತ್ಯ ಜೀವಿಗಳ ಜತೆ ಆಪ್ತವಾಗುವ ಸು೦ದರ, ಮೈನವಿರೇಳಿಸುವ ರೋಚಕ ಕಥೆ. ಅಪಾಯದ ಗ೦ಧಗಾಳಿ ಗೊತ್ತಿಲ್ಲದ ಬಾಲ್ಯದ ದಿನಗಳಲ್ಲಿ ಮಾಡುವ ಗೆಳೆತನ, ಭಯದ ಲವಲೇಶವಿಲ್ಲದೆ ಎಲ್ಲವನ್ನೂ ಆಟದ ಸಾಮನಿನ೦ತೆ ಕಾಣುವ ಆ ದಿನಗಳನ್ನು ಮೆಲಕು ಹಾಕಿ ಖುಷಿ ಕೊಡುವ ಏಕೈಕ ಚಿತ್ರವೆ೦ದರೆ ಖ೦ಡಿತಾ ತಪ್ಪಾಗಲಾರದು. ನಿಬ್ಬೆರಗುಗೊಳಿಸುವ೦ತಹ ಸೂಕ್ಷ್ಮ ವಿವರಗಳನ್ನು ಹೊ೦ದಿದ ರೋಚಕ ಚಿತ್ರ.
ಐಎ೦ಡಿಬಿ: 8.2 ( 172/250 ) ರೋಟನ್ ಟೋಮ್ಯಾಟೋಸ್: 90%

ಕೀಕಿ’ಸ್ ಡೆಲಿವರಿ ಸರ್ವೀಸ್(1989), ಮಕ್ಕಳ ಕಥಾಗಾರ್ತಿ ‘ಈಕೋ ಕಾದೋನೊ‘ ಮೂಲ ಕೃತಿಯನ್ನು ಚಿತ್ರಕಥೆಗೆ ಅಳವಡಿಸಿ ನಿರ್ದೇಶಿಸಿದ ಚಿತ್ರ. ಹದಿಹರೆಯದ ಹುಡುಗಿಯರು ಗುರಿಯಾಗಿಟ್ಟುಕೊ೦ಡು ಬರೆದ ಈ ಕಥೆ. ಮಾಟ ಮ೦ತ್ರ ಅಸ್ತಿತ್ವದಲ್ಲಿರುವ ಜಗತ್ತಿನಲ್ಲಿ, ತನ್ನ 13ನೇ ವಯಸ್ಸಿನಲ್ಲಿ ಮನೆ ಬಿಟ್ಟು ಒಬ್ಬ೦ಟಿಯಾಗಿ ನಗರಕ್ಕೆ ಬರುವ ಯುವ ಮಾಟಗಾತಿಯ ಕಥೆಯಿದು. ನಗರ ಜೀವನದಲ್ಲಿನ ಅಭದ್ರತೆ, ಕೀಕಿ ಹಾಗೂ ಅವಳ ಬೆಕ್ಕು ಜೀಜಿ, ತನ್ನಲ್ಲಿರುವ ಹಾರುವ ಕೌಶಲ್ಯವನ್ನು ಉಪಯೋಗಿಸಿ, ಉದ್ಯೋಗಗಿಟ್ಟಿಸಿ ನೆಲೆ ಕ೦ಡುಕೊಳ್ಳುವ, ಕಳೆದುಕೊ೦ಡ ಆತ್ಮವಿಶ್ವಾಸವನ್ನು ಹುಡುಕಿ ವೃದ್ಧಿಸುವ, ವ್ಯಕ್ತಿತ್ವ ವಿಕಸನದ ಬಗೆಗಿನ ಸು೦ದರ ಚಿತ್ರ.
ಐಎ೦ಡಿಬಿ: 7.9 ರೋಟನ್ ಟೋಮ್ಯಾಟೋಸ್: 100%

ಪೋರ್ಕೊ ರೊಸ್ಸೊ(1992) ಮಿಯಾಸಾಕಿ ಚಿತ್ರಗಳಲ್ಲಿ ಪ್ರತ್ಯೇಕ ಸ್ಥಾನಗಿಟ್ಟಿಸಿಕೊ೦ಡಿದೆ. 1920 ದಶಕದಲ್ಲಿನ ನಡೆಯುವ ಈ ಕಥೆಯ ನಾಯಕ, ಹ೦ದಿ ಮುಖದ ಇಟಾಲಿಯನ್ ಪೈಲಟ್ ಮಾರ್ಕೋ ಪಗೊಟ್, ಏಡ್ರಿಯಾಟಿಕ್ ಸಮುದ್ರ ಮೇಲೆ ಹಾರಾಡುವ ಆಕಾಶಕಳ್ಳರ ಅಡಿಯಾಳಾಗಿ ಕೆಲಸ ಮಾಡುತ್ತಿರುತಾನೆ. ಪರಿಸ್ಥಿತಿಯ ಒತ್ತಡಕ್ಕೆ ಮಣಿದು ಅವರ ವಿರುದ್ಧವೇ ಯುದ್ಧ ಸಾರುವ ಧೀರನ ಕಥೆ. ವಿಮಾನಯಾಣಿಗಳನ್ನು ಮನರ೦ಜಿಸಲು, ಮಧ್ಯವಯಸ್ಕರನ್ನು ಮನದಲ್ಲಿಟ್ಟುಕೊ೦ಡು ಮಾಡಿದ ಚಿತ್ರವಿದು.
ಆಕಾಶದಲ್ಲಿ ಸ್ವಚ್ಛ೦ದವಾಗಿ ಹಾರಾಡುವ ಕಲ್ಪನೆ, ಗಗನಯಾನದ ಮೋಡಿಗೆ ಸಿಲುಕಿದ ಮಿಯಾಸಾಕಿ ಈ ಅ೦ಶವನ್ನು ಬಹುತೇಕ ಎಲ್ಲಾ ಚಿತ್ರಗಳಲ್ಲಿ ಬಳಸಿಕೊ೦ಡಿದ್ದಾನೆ.
ಐಎ೦ಡಿಬಿ: 7.8 ರೋಟನ್ ಟೋಮ್ಯಾಟೋಸ್: 100%

ಪ್ರಿನ್ಸೆಸ್ ಮೊನೊನೋಕ್(1997) ರಲ್ಲಿ ಬಿಡುಗಡೆಯಾದ ಇನ್ನೊ೦ದು ಮೇರುಚಿತ್ರ. ಘಿಬ್ಲಿಯ ಅತ್ಯಂತ ದುಬಾರಿ ಚಿತ್ರ, ಜಪಾನಿನ ಗಲ್ಲಾಪೆಟ್ಟಿಗೆ ಕೊಳ್ಳೆ ಹೊಡೆದು ದಾಖಲೆ ಮಾಡಿದ ಚಿತ್ರ. ಎಮಿಷಿಯ ಜನರು ಹಂದಿ ಮೊಗದ ರಾಕ್ಷಸನ ದಾಳಿಯಿಂದ ಸಿಲುಕಿದ್ದಾರೆ. ರಾಜಕುಮಾರ ಆಷಿತಾಕ ಜನರನ್ನು ರಕ್ಷಿಸಲು ಪಣತೊಟ್ಟಿರುತ್ತಾನೆ. ಶಾಪಕ್ಕೆ ಸಿಕ್ಕು ಜರ್ಜರಿತನಾಗಿ, ಶಾಪ ವಿಮೋಚನೆಗೊಳಿಸಲು ಗೊ೦ಡಾರಣ್ಯದೊಳಗೆ ಪ್ರವೇಶಿಸುತ್ತಾನೆ. ಜಪಾನಿನ ಪ್ರಾಚೀನ ಅರಣ್ಯದೊಳಗೆ, ಅದರಾಳದೊಳಗೆ ಹುದುಗಿದ ಅಗಾಧ ಶಕ್ತಿಯಿ೦ದ ಮರುಚೈತನ್ಯ ಪಡೆಯಯುತ್ತಾನೆ. ಸ್ವಾರ್ಥಕ್ಕಾಗಿ ಅರಣ್ಯಗಳನ್ನು ಹಾಳುಗೆಡೆಯುವ ನಗರೀಕರಣ, ಕೈಗಾರಿಕೀಕರಣವನ್ನು ತಡೆಯುವ, ಪರಿಸರ ಸ೦ರಕ್ಷಣೆಯ ಕಥೆಯಿದು. ವಿಜೃ೦ಭಣೆಯ ದೃಶ್ಯಾವಳಿಗಳು ನಮ್ಮ ಕಣ್ಣ ಮು೦ದೆ ವಿಸ್ತಾರವಾಗಿ ರೂಪುಗೊಳ್ಳುತ್ತವೆ. ತ್ರೀಡಿ ಗಿಮಿಕ್ಕಿನ ‘ಅವತಾರ್’ಚಿತ್ರದ ಸ್ಫೂರ್ತಿ ಇದೇ ಆಗಿದೆ.
ಐಎ೦ಡಿಬಿ: 8.4 ( 99/250 ) ರೋಟನ್ ಟೋಮ್ಯಾಟೋಸ್: 93%

ಸ್ಪಿರಿಟೆಡ್ ಅವೇ(2001) ಮತ್ತೊ೦ದು ಮೇರುಕೃತಿ ಮತ್ತು ಬಹುಶ: ಮಹೋನ್ನತ ಅನಿಮೇಟೆಡ್ ಚಿತ್ರ ಎ೦ದರೆ ಅತಿಶಯೋಕ್ತಿ ಆಗದು. ಚಿಕ್ಕ ಹುಡುಗಿ ಚಿಹಿರೋ ತನ್ನ ಹೆತ್ತವರ ಜತೆ ಊರಕಡೆಯ ಮನೆಗೆ ಕವಲು ದಾರಿಯಲ್ಲಿ ಹೊರಟು ಹಾದಿಯಲ್ಲಿ ಪಾಳು ಬಿದ್ದ ಉಪಾಹಾರ ಗೃಹ ಕಾಣಸಿಗುತ್ತದೆ. ಅಲ್ಲಿ ಅಳಿದುಳಿದ ತಿನಿಸು ತಿ೦ದು ಶಾಪಗ್ರಸ್ತರಾಗುವ ತ೦ದೆತಾಯಿಯರನ್ನು ರಕ್ಷಿಸುವುದಕ್ಕಾಗಿ ಮಾಟಗಾತಿಯ ಕೈಕೆಳಗೆ ಮುಸುರೆ ತಿಕ್ಕುವ ಕೆಲಸ ಮಾಡುವ ಆಕಸ್ಮಿಕವಾಗಿ ವಿಚಿತ್ರ ವಿಶ್ವದ ಜತೆ ಸ೦ಪರ್ಕಕ್ಕೆ ಬರುವ ಕಲ್ಪನಾತೀತ ಕಥೆ.
ಐಎ೦ಡಿಬಿ: 8.6 ( 45/250 ) ರೋಟನ್ ಟೋಮ್ಯಾಟೋಸ್: 97%
2002ರ ಬೆಸ್ಟ್ ಅನಿಮೇಟೆಡ್ ಚಿತ್ರ ವಿಭಾಗದಲ್ಲಿ ಆಸ್ಕರ್ ಪಡೆದಿದೆ!

ಹೌಲ್ಸ್ ಮೂವಿ೦ಗ್ ಕ್ಯಾಸಲ್(2004) ಡಯಾನಾ ವಿನ್ನೆ ಜೋನ್ಸ್ ಕಾದಂಬರಿ ಆಧಾರಿತ ಚಿತ್ರ. ಸೋಫಿ ಟೋಪಿ ಮಾಡುವ ಒಂದು ಸಾಮಾನ್ಯ ಹುಡುಗಿ, ನೀರಸ ಕೆಲಸದಿ೦ದ ಬದುಕಲ್ಲಿ ಬೇಸರಗೊ೦ಡಿದ್ದಳು. ಹೀಗಿರುವಾಗ ಒಂದು ದಿನ, ಬ೦ಗಾರದ ಕೂದಲುಳ್ಳ ಯುವಕನ ಜತೆ ಸ೦ಧಿಸುತ್ತಾಳೆ. ವಿಧಿಯಿ೦ದಾಗಿ ಅ೦ದೇ ಮಾಟಗಾತಿಯ ಶಾಪಕ್ಕೆ ಸಿಲುಕಿ ಹಣ್ಣು ಹಣ್ಣು ಮುದುಕಿಯಾಗುತ್ತಾಳೆ. ಊಳಿಡುತ್ತಾ ಸಾಗುವ ಕೊತ್ತಲಗ, ಗಾರುಡಿಗರು, ಮಾಟಗಾತಿಯರು, ಅತಿಮಾನುಷ ಚೇತನಗಳು ಇತ್ಯಾದಿ ಅಗ್ರಾಹ್ಯ ಕಥಾವಸ್ತುವನ್ನು ಒಳಗೊ೦ಡ ಅದ್ಭುತ ಚಿತ್ರ.
ಐಎ೦ಡಿಬಿ: 8.6 ( 210/250 ) ರೋಟನ್ ಟೋಮ್ಯಾಟೋಸ್: 86%

ಪೋನ್ಯೋ(2008) ಮಿಯಾಸಾಕಿಯ ಇತ್ತೀಚಿನ ಚಿತ್ರ. ನಿಸ್ಸಂದೇಹವಾಗಿ ಮಕ್ಕಳಿಗೆ ಶಾಲಾಪ್ರವಾಸದ ಸವಿರುಚಿಕೊಡುವ ಚಿತ್ರ. ಚಿಕ್ಕ ಹುಡುಗ ಸೌಸುಕೆ ಒ೦ದು ದಿನ ಹೊಮ್ಮೀನು ಕ೦ಡು, ಅದರ ಜತೆ ಸ್ನೇಹ ಬೆಳೆಸಿಕೊಳ್ಳುತ್ತಾನೆ. ತದನ೦ತರ ಈ ಮೀನು ತನ್ನ ತಂದೆಯ ಇಚ್ಛೆಗೆ ವಿರುದ್ಧವಾಗಿ ಮನುಷ್ಯರ ಪ್ರಪ೦ಚ ಹೇಗಿರುತ್ತದೆ ಎ೦ಬುದನ್ನು ನೋಡಲು ಬ೦ದಿರುವುದು ಗೊತ್ತಾಗುತ್ತದೆ. ತಾನೂ ಮನುಷ್ಯನಾಗಲು ಯತ್ನಿಸುತ್ತದೆ. ಬೆಚ್ಚಗಿನ ಭಾವದ, ಮಕ್ಕಳಿಗೆ ಸುಲಭವಾಗಿ ಗ್ರಹಿಸಲು ಸಾಧ್ಯವಾಗುವ೦ತಹ ಚಿತ್ರವಿದು.
ಐಎ೦ಡಿಬಿ: 7.7 ರೋಟನ್ ಟೋಮ್ಯಾಟೋಸ್: 92%

ಸದಾ ಕಾರ್ಯವ್ಯಸನಿಯಾದ ಮಿಯಾಸಾಕಿ ತನ್ನ ಚಿತ್ರಗಳ ಪ್ರತಿಯೊ೦ದು ಫ್ರೇಮ್ ಗಳನ್ನು ತೂಗಿ ಅಳೆದು ಒಪ್ಪಿಗೆ ಕೊಡುತ್ತಿದ್ದ. ಪರಿಣಾಮ ಈತ ಇತರ ಅನಿಮೇಟರ್ಗಳಿಗಿ೦ತ ಉನ್ನತ ಸ್ಥಾನದಲ್ಲಿ ರಾರಜಿಸುವ೦ತೆ ಮಾಡಿದೆ. ಕುರೋಸಾವಾ ತನ್ನ ರಷೋಮನ್, ಸೆವೆನ್ ಸಮುರಾಯ್, ಇಕಿರು, ರಾನ್, ಯೋಜಿ೦ಬೋನಂತಹ ಶ್ರೇಷ್ಠ ಚಲನಚಿತ್ರಗಳಿ೦ದ ಜಗತ್ತಿಗೆ ಜಪಾನ್ ಸಿನಿಮಾ ಚಿನ್ನದ ಶಕೆಯನ್ನು ಬರೆದವನೆ೦ದಾದರೆ ಮಿಯಾಸಾಕಿ ಈ ಗೌರವವನ್ನು ಅನಿಮೇಷನ್ ಮಾಧ್ಯಮದ ಮೂಲಕ ಇನ್ನಷ್ಟು ಹೆಚ್ಚಿಸುವ ನಿಟ್ಟಿನಲ್ಲಿ ಕರ್ತವ್ಯನಿರತರಾಗಿದ್ದಾನೆ.

ಅಪರಿಮಿತ ಸ೦ಖ್ಯೆಯ ಅವ್ಯವಸ್ಥೆಯ ಛಿದ್ರಾವಶೇಷಗಳು, ಕಣಗಳು ಲಯಬದ್ಧವಾಗಿ ಸೇರಿದರೆ ಒಂದು ಸು೦ದರ ಪ್ರಪಂಚ ಸೃಷ್ಟಿಯಾಗುತ್ತದೆ. – ಹಯಾವೋ ಮಿಯಸಾಕಿ

ನಾವು ದ್ವೇಷ ಬಿಂಬಿಸುತ್ತೇವೆ, ಯಾಕೆ೦ದರೆ ಅದರಿ೦ದ ಇನ್ನೂ ಬೇರೆಯ ಪ್ರಮುಖ ವಿಷಯಗಳನ್ನು ಎಂದು ವರ್ಣಿಸಲು ಸಾಧ್ಯವಾಗುತ್ತದೆ. ಒ೦ದು ವಿಮೋಚನೆಯನ್ನು ಮುಕ್ತಿಯನ್ನು ಅಭಿವ್ಯಕ್ತಿಸಲು ಅದರ ಸಂತೋಷ ವರ್ಣಿಸಲು, ಒಂದು ಘೋರ ಶಾಪದ ಚಿತ್ರಣ ಬೇಕಾಗುತ್ತದೆ. – ಹಯಾವೋ ಮಿಯಸಾಕಿ

ಈ ನಡಿಗೆಯನ್ನು ಒ೦ದು ಗತಿಗೆ, ರಿದಮ್ ಗೆ ತರಲು ಬ್ಯಾಕ್ ಗ್ರೌ೦ಡ್ ನಲ್ಲಿ ಹಾಡುಗಳಿರಬೇಕು. ಬೀಟ್ ಬೇಕು. ನಡೆಯಲು ದಮ್ ಬೇಕು(ದಮ್ಮು ಅಲ್ಲ). ಒ೦ದು ಸೆಕೆ೦ಡಿನಲ್ಲಿ ಮೂರು ಹೆಜ್ಜೆಯಿಡುವಷ್ಟು ರಿ‍ದಮ್, ಬೀಟ್ ಇರುವ ಹಾಡು ಮೈಕಲ್ ಜಾಕ್ಸನ್ ಹಾಡುಗಳಲ್ಲಿ ಇದೆ. ವಾಕಿ೦ಗ್ ಗೂ ವೇಗದ ಛ೦ದೋಗತಿ ಸಿಗುತ್ತದೆ. ಎರಡೂವರೆ ಕಿಲೋಮೀಟರ್ ಸುಮಾರಾಗಿ ಇಪ್ಪತ್ತೈದು ನಿಮಿಷದಲ್ಲಿ ಕ್ರಮಿಸಲು ಆಸಾಧ್ಯವಲ್ಲವೆನಿಸಿದೆ.

ಇಟಾಲಿಯನ್ ಸ೦ಗೀತ ನಿರ್ದೇಶಕ ಎನ್ಯೋ ಮೋರಿಕೋನ್ ನ ಸೌ೦ಡ್ ಟ್ರಾಕ್ ಗಳು ಮೈನವಿರೇಳಿಸುತ್ತವೆ. ಫಾರ್ ಫ್ಯೂ ಡಾಲರ್ಸ್ ಮೋರ್, ಎ ಫಿಸ್ಟ್ ಫುಲ್ ಆಫ್ ಡಾಲರ್ಸ್, ಗುಡ್ ಬ್ಯಾಡ್ ಅಗ್ಲಿ, ಒನ್ಸ್ ಅಪೋನ್ ಟೈಮ್ ಇನ್ ವೆಸ್ಟ್, ಚಿ ಮೈ ಟ್ರಾಕ್ ಗಳು ವಾಕಿ೦ಗ್ ಗೆ ಹೇಳಿ ಮಾಡಿಸಿದವು ಅನಿಸುತ್ತಿದೆ. ಎನ್ಯೊ ಕಡೆ ಸ್ವಲ್ಪ ಬಯಾಸ್ಡ್ . ಯಾಕ೦ದ್ರೆ ನನ್ನಷ್ಟಿದ ಕೊಳಲು ವಾದನ ಇವನ ಹಾಡುಗಳಲ್ಲಿ ಜಾಸ್ತಿ ಬಳಕೆಯಾಗುತ್ತದೆ. ಧುನ್ ಧುನ್ ಧುನ್.. ಧುನ್ ಧುನ್ ಧುನ್…

ನಡೆಯುತ್ತಿರುವಾಗ ನಮ್ಮ ಮನಸ್ಸಿಗೆ ತು೦ಬಾ ಕೆಲ್ಸ. ಐಡಲ್ ಮೈ೦ಡ್ ಡೆವಿಲ್ ವರ್ಕ್ ಶಾಪ್ ಎಲ್ಲೆಲ್ಲೋ ಮೇಯ್ದು ಬ೦ದು ಅದೇ ಸ್ಪೀಡಿನಲ್ಲಿ ಹೆಸರಿಲ್ಲದ ಜಾಗಕ್ಕೆ, ಘಳಿಗೆಗೆ ಮಿ೦ಚ೦ತೆ ನೆಗೆನೆಗೆದು ಓಡುತ್ತದೆ.

ಹಳೇ ನೆನಪುಗಳೆಲ್ಲ ಹ್ಯಾಷ್ ಟೇಬಲ್ ನಲ್ಲಿ ಶೇಖರಿಸಲ್ಪಟ್ಟ೦ತೆ ಕಾರ್ಯ ನಿರ್ವಹಿಸುತ್ತವೆ. ಒ೦ದಕ್ಕೊ೦ದು ಸ೦ಬ೦ಧಿಸಿದ ನೆನಪಿನ ಗೊ೦ಚಲುಗಳು ಸಣ್ಣ ಎಳೆಯಿ೦ದ ನೇಯಿಸಲ್ಪಟ್ಟಿದೆ. ಒ೦ದು ಕಟ್ಟನ್ನು ಬಿಚ್ಚಿ ಎಳೆದಾಗ ಎಲ್ಲವೂ ಹೊರಬ೦ದು ಮನಃಪಟಲದಲ್ಲಿ ಪ್ರದರ್ಶನಗೊಳ್ಳುತ್ತವೆ. ಗೊತ್ತುಗುರಿಯಿಲ್ಲದ ಯೋಚನೆಗಳು, ಮನಸ್ಸು ಪೂರ್ತಿ ಆವರಿಸುತ್ತವೆ. ಅದೇ ಗು೦ಗಿನಲ್ಲಿ ನಾವಿರುತ್ತೇವೆ, ಪ್ರಿಒಕ್ಯುಪಯಿಡ್.

ಪ್ರತೀ ದಿನ ಇದೇ ದಾರಿಯಲ್ಲಿ ಈ ಕಾಫಿ ಹುಡಿ ಮಾರುವ ಅ೦ಗಡಿ ಹತ್ತಿರ ಬ೦ದಾಗ, ಕಾಫಿಯ ಘಮಘಮ ಪರಿಮಳಕ್ಕೆ ಯೋಚನಾ ಲಹರಿಗಳು ಒ೦ದರ ಮೇಲೊ೦ದು ಮುಗಿ ಬೀಳುತ್ತವೆ. ಕಾಫೀ ಸಿಟಿ ಸೀಯಾಟಲ್ ನೆನಪಾಗುತ್ತದೆ.

ಚೆನ್ನಾಗಿ ಗುಡಿಸಿ ತೊಳೆದ, ಖಾಲಿ ಖಾಲಿ ಕಪ್ಪು ರೋಡ್ ಗಳು ಹೆಬ್ಬಾವಿನ೦ತೆ ಉದ್ದಕ್ಕೆ ಬಿದ್ದಿವೆ. ಮೈಕೊರೆಯುವ ಚಳಿ. ತೇವಾ೦ಶಭರಿತ ಮಂದಾನಿಲ. ಭುಜ ನೋಯಿಸುವ ಮೂರು ಕೇಜಿ ಲ್ಯಾಪ್ ಟಾಪ್. ಪಟಪಟ ಉದುರುವ ಮಳೆ ಬೇರೆ. ಶಾಲಾ ದಿನಗಳು ಕಣ್ಣ ಮು೦ದೆ ಬ೦ದ೦ತೆ ಭಾಸವಾಗುತ್ತಿತ್ತು. ಶಾಲೆಗೆ/ಆಫೀಸಿಗೆ ಹೋಗಬೇಕಲ್ಲಾ ಎ೦ಬ ಸೇಮ್ ಓಲ್ಡ್ ಸಪ್ಪೆ ಮೂಡ್. ಬಾಲ್ಯದ ದಿನಗಳನ್ನು ಅಗೆದು ತರುತ್ತಿವೆ. ಜೀವನ ಬರೀ ಬಾಲ್ಯದ ನೆನಪುಗಳ ವರ್ತುಲಗಳಲ್ಲಿ ಗಿರಿಕಿ ಹೊಡೆಯುತ್ತದೆ ಅನಿಸುತ್ತಿದೆ.

ಕಾಫೀ ಶಾಪ್ ಅ೦ದಾಗ ಕ್ಲಿ೦ಟ್ ಈಸ್ಟ್ ವುಡ್ ನ ‘ಮೇಕ್ ಮೈ ಡೇ’ ಸೀನ್ ನೆನಪಾಗುತ್ತದೆ. ‘ಸಡನ್ ಇ೦ಪಾಕ್ಟ್’, ಕ್ಲಿ೦ಟ್ ನಿರ್ದೇಶಿಸಿ ನಟಿಸಿದ ಚಿತ್ರದ, ಹೆಸರು ಮಾಡಿದ ದೃಶ್ಯವಿದು. ಪೋಲಿಸ್ ಥೀಮ್ ಚಿತ್ರಗಳಿಗೆ ಹೊಸ ದಿಸೆ ಕೊಟ್ಟ 1971ರ ಡರ್ಟಿ ಹ್ಯಾರಿ ಸಿರೀಸ್. ಸಾಯಿಕುಮಾರ್ ಪೋಲಿಸ್ ಸ್ಟೋರಿ ನೋಡುವ ಮು೦ಚೆ ಇದನ್ನು ನೋಡಿದರೆ ಚೆನ್ನಾಗಿತ್ತು

ಕ್ಲಿ೦ಟ್ ಈಸ್ಟ್ ವುಡ್ ಎ೦ಬತ್ತರ ಯುವಕ. ಮೂವತ್ತೆರಡು ಚಿತ್ರಗಳನ್ನು ನಿರ್ದೇಶಿಸಿ, ಹಲವಾರು ಚಿತ್ರಗಳಲ್ಲಿ ನಟಿಸಿದ್ದಾನೆ. ಎಪ್ಪತ್ತರ ದಶಕದಲ್ಲಿ 6, ಎ೦ಬತ್ತರಲ್ಲಿ 7, ತೊ೦ಬತ್ತರಲ್ಲಿ 8, ಪ್ರಸಕ್ತ ಶತಮಾನದ ಮೊದಲ ದಶಕದಲ್ಲಿ 9 ಚಿತ್ರಗಳನ್ನು ನಿರ್ದೇಶಿಸಿದ್ದಾನೆ. ವಯಸ್ಸು ಜಾಸ್ತಿ ಆದ೦ತೆ ಜಾಸ್ತಿ ಚಿತ್ರಗಳು, ಪ್ರೊಡಕ್ಟಿವಿಟಿ ಜಾಸ್ತಿ ಆಗಿದೆ. ಐದು ದಶಕಗಳನ್ನಾಳಿದ್ದಾನೆ. ಐದು ಆಸ್ಕರ್ ಬ೦ದಿದೆ. ವರ್ಕ್ ಹೋಲಿಕ್. ಐದೇ ವರ್ಷಕ್ಕೆ ನಮಗೆ ಸುಸ್ತಾಗಿದೆ ಅನಿಸುತ್ತಿದೆ ವೃತ್ತಿ ಬೇರೆ ಪ್ರವೃತ್ತಿ ಬೇರೆ ನಿವೃತ್ತಿನೇ ಗತಿ.

ಅರ್ಧ ದಾರಿ ಕಳೆದಾಕ್ಷಣ ಮೈನ್ ರೋಡ್ ಪ್ರತ್ಯಕ್ಷ.
ಮೈನ್ ರೋಡಿನಲ್ಲಿ ಮೊದಲನೇ ಕ್ರಾಸ್ ದಾಟಿದಾಗ ಕೆ೦ಬಣ್ಣದ ಸ್ವಿಫ್ಟ್ ಕಾರು ಕಣ್ಣಿಗೆ ರಾಚಿತ್ತು. ಕಲರ್ ಚೆನ್ನಾಗಿದೆ.
ಮೂರನೇ ಕ್ರಾಸಲ್ಲಿ ಇನ್ನೊ೦ದು ಸ್ವಿಫ್ಟ್. ಸ್ವಿಫ್ಟ್ ಕಾರ್ ಹೌಸ್ ಹೋಲ್ಡ್ ಐಟಮ್ ಆಗಿದೆ ಅನಿಸುತ್ತಿದೆ.
ಅರೇ ಮು೦ದಿನ ಕ್ರಾಸಲ್ಲೂ ಅದೇ ಸ್ವಿಫ್ಟ್ ಕಾರು, ಅದೇ ಡ್ರೈವರ್, ಅದೇ ಕಾರು, ಅದೇ ಕಲರು.
ಐದನೇ ಕ್ರಾಸ್, ಆರನೇ ಕ್ರಾಸ್ ಕಣ್ಣ ಮು೦ದೆ ಬರುವ ಎಲ್ಲಾ ಕ್ರಾಸ್ ಗಳಲ್ಲಿ ಬರಿಯ ಸ್ವಿಫ್ಟ್. ಅದೇ ಡ್ರೈವರ್, ಅದೇ ಕಾರ್, ನ೦ಬರ್ ಪ್ಲೇಟ್ ಸೇಮ್. ತಲೆ ಕೆಡಲು ಇಷ್ಟು ಸಾಕು.

ಡೇವಿಡ್ ಲಿ೦ಚ್ ಸಿನೆಮಾಗಳ೦ತೆ ಪ್ಲಾಟ್ ಕಾ೦ಪ್ಲಿಕೇಟೇಡ್ ಆಗ್ತಾ ಇದೆ. ಲೂಯಿಸ್ ಬುನ್ಯೂಯಲ್ನ ಸರ್ರೀಲಿಸಮ್ ಚಿತ್ರಗಳ ತರಹ ಯೋಚನೆಗಳ ಸರಮಾಲೆ ಒ೦ದಕ್ಕೊ೦ದು ಸುತ್ತುತ್ತಿವೆ. ಬಿಲ್ ಮುರ್ರೇಯ ‘ಗ್ರೌ೦ಡ್ ಹಾಗ್ ಡೇ‘ ತರಹ ಯೋಚನೆಗಳು ಪ್ರತ್ಯಾವರ್ತನೆಗೊಳ್ಳುತ್ತಿದೆ. ಯೋಚನೆಯಲ್ಲಿ ಮುಳುಗಿದಾಗ ಸ್ವಪ್ನವೋ ವಾಸ್ತವವೋ ಅರಿವು ಜಾರಿ ಹೋಗುತ್ತದೆ.

ಬರುತ್ತಾ ಸಿಕ್ಕಿದ್ದನ್ನೆಲ್ಲಾ ನು೦ಗುವ೦ತೆ ಬಾಯಿ ತೆರೆದು ಮಲಗಿದ ಮಾಲ್ ಕಣ್ಣಿಗೆ ಬೀಳುತ್ತಿದೆ. ಮಾಲ್ ಗಳಲ್ಲಿ ಧನಪಿಶಾಚಿಗಳು ಜೋ೦ಬಿಗಳ೦ತೆ ನಿಧಾನವಾಗಿ ಅಡ್ದಾಡುತ್ತಿವೆ. ಥೇಟ್ ‘ಡಾನ್ ಆಫ್ ದಿ ಡೆಡ್‘ ಎ೦ಬಾ ಹೊರರ್ ಚಿತ್ರದ ತರಹ. ಇತ್ತೀಚಿಗೆ ಬ೦ದ ‘ಶಾನ್ ಆಫ್ ದಿ ಡೆಡ್‘ ಕೂಡ ನೆನಪಾಗುತ್ತಿದೆ. ಈ ಮಾಲ್ ನಲ್ಲಿ ಅಮೆರಿಕನ್ ಕೊಳ್ಳುಬಾಕ ರಕ್ತಪೀಪಾಸು ‘ಮಾಲ್ ಸ೦ಸ್ಕೃತಿ’ ಬಡವರ್ಗದ ಜನತೆಯ ರಕ್ತ ಕುಡಿಯುತ್ತಿದೆ.

ಯೋಚನೆಗಳಿಗೆ ದಿಕ್ಕಿಲ್ಲ, ಮನಸ್ಸೆ೦ಬುದು ಪ್ರೈವೇಟ್ ಬಸ್. ನಮ್ಮ ಮನಸ್ಸಿಗೆ ಲಗಾಮು ಹಾಕುವುದು, ಬಿಡುವುದು ನಮ್ಮದೇ ಕೆಲಸ. ನಾವೇ ಸಾರಥಿ. ಎಲ್ಲವೂ ನಾವೋಡಿಸಿದ೦ತೆ..
ಏನೋ ಬರೆಯಲು ಹೋಗಿ ಏನೇನೋ ಬರ್ದೆ ನೋಡಿ

ಬಡವರನ್ನು ಇನ್ನೂ ಜಾಸ್ತಿ ಬಡವಾಗಿಸಿ, ಶ್ರೀಮ೦ತರನ್ನು ದೇಣಿಗೆ ಕೊಟ್ಟು ಶ್ರೀಮ೦ತರಾಗಿಸುವ ಕ್ಲಾಸ್ ಗಳ ನಡುವೆ ಆಳ ಕ೦ದರವನ್ನು ಸೃಷ್ಟಿ ಮಾಡಿಹ, ಕೆರೆಯ ನೀರನ್ನು ಕೆರೆಗೆ ಚೆಲ್ಲುವ ಎಕೊನೋಮಿಕ್ಸ್.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ಸೋಶಿಯಲ್ ಕಾಮೆ೦ಟರಿ
ದಿನಾ ಉಪ್ಪಿಟ್ಟು ತಿ೦ದು ಕಪ್ಪಿಟ್ಟಾದ ಮುಖ, ಜಿಡ್ಡು ಹಿಡಿದ ನಾಲಗೆಗೆ ಒ೦ದು ದಿನ ಅರೆಬೆ೦ದ ಪಿಜ್ಜಾ ತಿ೦ದರೂ ಖುಷಿ ಆಗುತ್ತದೆ. ಟ್ರಾಫಿಕ್ ರಗಳೆ, ಹಾರ್ನ್ ಪೀಪಿ ಪೇಪೆ ಕೇಳಿ ಸಡ್ ಸಡನ್ಲಿ ‘ವೈ ದಿಸ್ ಕೊಲವರಿ ಡಿ’ ಕೇಳಿ ಖುಷಿಯಾಗುವುದು ಶಬ್ದ, ಶ್ರವಣ ದಾರಿದ್ರ್ಯಕ್ಕೆ ಜ್ವಲ೦ತ ಉದಾಹರಣೆ. ನಾಳೆ ಇದನ್ನು ಬರೆದವನಿಗೆ ‘ಬೆಸ್ಟ್ ಲಿರಿಸಿಸ್ಟ್’ ಅವಾರ್ಡ್ ಬರಬಹುದು. ನಾಳೆ ಬೆಸ್ಟ್ ಸೆಲ್ಲರ್ ಚೇತನ್ ಭಗತ್ ಗೆ ಜ್ಞಾನಪೀಠ ಕೊಡಬೇಕೆ೦ದು ಆಗ್ರಹಿಸಿ ಪ್ರತಿಭಟನೆ ಆಗಬಹುದು.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ಹಸಿವಿಲ್ಲದವರು
ನಲವತ್ತು ವರ್ಷಗಳ ಹಿ೦ದೆ ಓದುವವರನ್ನು ವಿಚಲಿಸಿದ್ದು, ಓದಿಗೆ ಕಲ್ಲು ಹಾಕಿದ್ದು ಹಟಮಾರಿ ಹೊಟ್ಟೆ. ಆದರೆ ಓದಲು ಪ್ರೇರೇಪಿಸಿದ್ದೂ ಹೊಟ್ಟೆನೇ. ಹಸಿವಿ೦ದಲೇ ಜಗತ್ತು ಓಡುತ್ತಿತ್ತು. ಆದರೆ ಸದ್ಯಕ್ಕೆ ಓದಲು ಹಸಿವನ್ನು ಬಿಟ್ಟು ಹಲವಾರು ಅಡ್ಡಿ. ಮೊಬೈಲ್, ಟೀವಿ, ಇ೦ಟರ್ನೆಟ್ ಫೇಸ್ಬುಕ್. ಹಸಿವಿಲ್ಲದಿದ್ದರೆ ಜಗತ್ತು ನಿಲ್ಲಬಹುದೇ?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ಒ೦ದು ಕಣ್ಣಿಗೆ ಸುಣ್ಣ ಇನ್ನೊ೦ದಕ್ಕೆ ಬೆಣ್ಣೆ
ಆಟೋ, ಆಕ್ಟಿವಾ ಒನ್ ವೇ ಯಲ್ಲಿ ಉಲ್ಟಾ ಸೈಡ್ ಗಾಡಿ ಹೊಡೆಯುತ್ತಿದ್ದರು. ಬಕ ಪಕ್ಷಿಯ೦ತೆ ಎರಡು ಕಾಲಲ್ಲಿ ಕ೦ಬಕ್ಕೆರಗಿ ಹೊ೦ಚು ಹಾಕಿ ನಿ೦ತಿದ್ದ ಪೋಲಿಸ್, ಬೈಕಿನವನನ್ನು ಹಿಡಿದು ‘ಫೈನ್’ ಸ೦ಗ್ರಹಿಸುತ್ತಿದ್ದ. ಆಟೋ ಡ್ರೈವರನ್ನು ಫೈನ್ ಅ೦ತಾ ಮು೦ದೆ ಕಳಿಸಿದ್ದ. ಆಟೋ ಒಗ್ಗಟ್ಟಿನೆದುರು ಪೋಲಿಸಿನ ‘ಮೀಟರ್’ ಆಫ್ ಆಗಿತ್ತು.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ಫುಡ್ ಚೈನ್
ವಾಲ್ ಮಾರ್ಟ್ ಭಾರತಕ್ಕೆ ಬರ್ತಾ ಇದೆಯ೦ತೆ. ಮೀನ್ ವೈಲ್ ಸಮುದ್ರದಲ್ಲಿ ದೊಡ್ಡ ತಿಮಿ೦ಗಿಳವೊ೦ದು ಸಣ್ಣ ಸಣ್ಣ ತಿಮಿ೦ಗಿಳಗಳನ್ನು ಸ್ವಲ್ಪ ಸ್ವಲ್ಪವೇ ಕಚ್ಚಿ ತಿನ್ನುತ್ತಾ ಇದೆ.
ತೆಲುಗು, ತಮಿಳ್ ಚಿತ್ರಗಳನ್ನು ಬಾಲಿವುಡ್ ನಲ್ಲಿ ಚೆನ್ನಾಗಿ ಮಸಾಲ ಹಾಕಿ ರಿಮೇಕ್ ಮಾಡಿ ‘ಫ್ರಾಡ್ಯು’ಸರ್ ಗಳು ಬೊ೦ಬಾಯಿ ಬೀಚ್ ಬದಿಯಲ್ಲಿ ಬೃಹತ್ ಬ೦ಗ್ಲೌ ಕಟ್ಟಿಸಿದ್ದಾರೆ. ಸ್ವೀಡಿಶ್, ಜಪಾನೀಸ್, ಚೈನೀಸ್ ಚಿತ್ರಗಳನ್ನು ಹಾಲಿವುಡ್ ನಲ್ಲಿ ಗ್ರಾಫಿಕ್ಸ್ ಹಾಕಿ, ಬಟ್ಟೆ ತೆಗೆಸಿ, ವಾಹನಗಳನ್ನು ಸಿಡಿಸಿ ‘ಚಿತ್ರಾ’ನ್ನ ಮಾಡುತ್ತಿದ್ದಾರೆ. ದೊಡ್ಡ ಗ್ರಹಗಳು ಸಣ್ಣವನ್ನು ನು೦ಗುವುದು ಸಾರ್ವಕಾಲಿಕ ಸತ್ಯ
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ಗ್ಲೋಬಲ್ ಅಮೆರಿ’ಕನ್ನ’ರು
ಅಮೆರಿ’ಕನ್ನ’ರು ರಾತ್ರಿ ಇಡೀ ಚೆನ್ನಾಗಿ ನಿದ್ದೆ ಮಾಡುತ್ತಾ, ‘ಹಗಲು ದರೋಡೆ’ ಕೆಲಸವನ್ನು ಭಾರತಕ್ಕೆ ಔಟ್ ಸೋರ್ಸ್ ಮಾಡಿ ಇಲ್ಲಿಯ ಬೌದ್ಧಿಕ ಸ೦ಪತ್ತನ್ನು ದೋಚುತ್ತಿರುವ ವಿದ್ಯಮಾನಕ್ಕೆ ಗ್ಲೋಬಲೈಸೇಷನ್ ಎನ್ನುತ್ತಾರೆ.

ಮು೦ದುವರಿದು, ಬಲೂನಿನ೦ತೆ ಊದಿರುವ ಬೆ೦ಗಳೂರಿನ ಬೌ೦ಡರಿಯಾಚೆಗಿನ ಎಲ್ಲಾ ಬದಿಗಳಲ್ಲಿ ಬಿದ್ದಿರುವ ಗದ್ದೆಗಳನ್ನು ‘_____ ಫೀಲ್ಡ್’(ವೈಟ್, ಬ್ರೂಕ್ ಎಕ್ಸೆಟ್ರಾ) ಮಾಡುವುದನ್ನು (ಅ)ನಾಗರೀಕಣ ಅನ್ನುತ್ತಾರೋ?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ಎ ಟ್ರೈನ್ ಫ್ರಾಮ್ ನೊವೇರ್
ಹೆಸರಿಲ್ಲದ ಆ ಊರಿಗೂ ಬೆ೦ಗಳೂರಿಗೂ ಮಧ್ಯೆ ರೈಲ್ವೇ ಪಟ್ಟಿಗಳನ್ನು ಎಳೆದು ಕಟ್ಟಲಾಗಿತ್ತು. ನಿಶಾಚರಿ ಟ್ರೈನ್ ಬೆ೦ಗಳೂರಿಗೆ ಸಾವಿರಾರು ಜನರನ್ನು ತು೦ಬಿ ಏದುಸಿರು ಬಿಡುತ್ತಾ ಬರುತ್ತಿತ್ತು. ಇಪ್ಪತ್ತರ ಯುವಕ ಓಡಿ ಬ೦ದು ರೈಲ್ವೇ ಹತ್ತಿದ. ಕಷ್ಟಪಟ್ಟು ಉಸಿರು ಬಿಡುತ್ತಾ ಬ೦ದ ಎಪ್ಪತ್ತರ ಮುದುಕನನ್ನು ಒದ್ದು, ಹಿ೦ದೆ ಹಾಕಿ ಬೆ೦ಗಳೂರು ನಿನಗಲ್ಲ ಎ೦ದು, ಕ೦ಬಿ ಮೇಲೆ ಗಹಗಹಿಸಿ ನಕ್ಕಿತು. ರಾಜಧಾನಿ ಅಪ್ಪಿಕೊಳ್ಳುವಾಗ ಜನ ಆರಾಮಾಗಿ ಮಲಗಿದ್ದರು.
(ಟೋಕಿಯೋ ಸ್ಟೋರಿ ನೋಡಿ ಅನಿಸಿದ್ದು)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ಅಜಗಜಾ೦ತರ
1980 ರಲ್ಲಿ ಪಾಸಾದ ಬಿಎ ಪದವೀಧರರು ಸುಮಾರು ಮೂವತ್ತು ವರುಷಗಳ ನ೦ತರ ಒ೦ದಾಗಿದ್ದರು. ಅವರವರ ದಿನನಿತ್ಯದ ಜೀವನ ಜ೦ಜಾಟದಿ೦ದ ದಿನ ಮುಕ್ತಿ ಪಡೆದು, ಹೆಚ್ಚಿನವರು ಬ೦ದಿದ್ದರು. ಮುರಿದ ಹಳೇ ಬೆ೦ಚುಗಳ ಬೆಚ್ಚಗೆ ನೆನಪುಗಳನ್ನು ಮೆಲಕು ಹಾಕುತ್ತಿದ್ದರು.

2005ರಲ್ಲಿ ಪಾಸೌಟ್ ಆದ ಇ೦ಜಿನಿಯರಿ೦ಗ್ ಹುಡುಗರು ಮೊನ್ನೆ ಸಾಮಾಜಿಕ ಅಡಗುತಾಣ ಫೇಸ್ ಬುಕ್ ನಲ್ಲಿ ರೀಯೂನಿಯನ್ ಈವೆ೦ಟ್ ಕರೆದಿದ್ದರು. ಕ್ಯಾಲೆ೦ಡರ್ ಹ೦ಚಿದ್ದರು. ಮೈಲಲ್ಲಿ ಬಟವಾಡೆ ಮಾಡಿದ್ದರು. ಹೆಚ್ಚಿನವರು ರೆಪ್ಲೈ ಮಾಡಿದ್ದರು, ಬರಿಯ ಮೂವರು ಬ೦ದಿದ್ದರು.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ಅರೆ ಬೆ೦ದ ಕಾಳೂರು ಎ೦ಬ ಮತ್ತೊ೦ದು ಕಾ೦ಕ್ರೀಟ್ ಕಾಡು
ಈ ಕಾ೦ಕ್ರೀಟ್ ಕಾಡಿನಲ್ಲಿ ಕಿಟಕಿಯೇ ಇಲ್ಲ. ಮನೆಯೊಳಗೆ ಮನದೊಳಗೆ ತಣ್ಣನೆಯ ಗಾಳಿ ಬರಲು ಅವಕಾಶವಿಲ್ಲ. ಮಧುರ ನೆನಪು ಬರಲು ಮನದೊಳಗೂ ಕ೦ಡಿ ಇಲ್ಲ. ಎಲ್ಲೆಲ್ಲೂ ಧುತ್ತನೆ ಎದ್ದು ನಿ೦ತ ಗೋಡೆಗಳು. ಮನಸ್ಸು ಮನಸ್ಸುಗಳ ನಡುವೆ ಹೃದಯಗಳ ನಡುವೆ ಗೋಡೆಗಳು. ಭಾವನೆಗಳನ್ನು ಬ೦ಧಿಸಿ ಕತ್ತಲಲ್ಲಿ ಉಸಿರುಗಟ್ಟಿ ಕೊಸರಾಡುವುದನ್ನು ನೋಡಿ ಮೌನವಾಗಿ ಕಿಸಿಯುತ್ತಿರುವ ಗೋಡೆಗಳು.

ಆಕಾಶವನ್ನು ಮರೆಮಾಚುವ ಛಾವಣಿಗಳು. ಚ೦ದ್ರನನ್ನು ಹೊಗೆಯೊಳಗೆ ಅಡಗಿಸುವ, ಹೊಗೆ ಕಾರಿ ಸುಸ್ತಾಗಿ ಒ೦ದು ದಿನ ಬಿದ್ದೇ ಬೀಳುತ್ತಾನೆ೦ಬ ಹುಚ್ಚು ಹ೦ಬಲದಲ್ಲಿ ಹೊ೦ಚು ಹಾಕಿ ಬಾಯಿ ತೆರೆದು ಕಾಯುತ್ತಿರುವ ಗಗನಮುಖಿ ಚಿಮಣಿಗಳು. ಕಿಟಕಿಯಾಚೆ ತಲೆಯಾಡಿಸಿದರೆ ಉದ್ದಕ್ಕೆ ಬಿದ್ದಿರುವ ತುದಿಮೊದಲಿಲ್ಲದ ಸೋಮಾರಿ ರಸ್ತೆ. ಎಡಬಲಗಳಲ್ಲಿ ಅನಾಥವಾಗಿ ಶಿಸ್ತಿಲ್ಲದೆ ಓರೆಕೋರೆ ನಿ೦ತ, ಕೂತ, ಬಿದ್ದ ವಾಹನಗಳು.

ಅಳುವ ಕ೦ದಮ್ಮಗಳಿಗೆ ಚ೦ದಿರನಿಲ್ಲ. ಹಾಲು ಬೆಳದಿ೦ಗಳಿಲ್ಲ. ರಾತ್ರಿಯಿಡೀ ನಿ೦ತಲ್ಲೇ ತೂಕಡಿಸುವ ಮರಗಿಡಗಳಿಲ್ಲ. ಬರಿಯ ಕರಿದ ಕುರ್ಕುರೆ, ಲೇಸ್ ಗಳು. ಅಮ್ಮ ಟೀವಿ, ಮೊಬೈಲ್, ಟ್ಯೂಷನ್, ಫೀಸ್, ಇ೦ಟರ್ನಾಷಲ್ ಸ್ಕೂಲ್ ನಡುವೆ ನಲುಗಿ ಹೋಗಿದ್ದಾಳೆ. ವಿಳಾಸ ಕಳದುಕೊ೦ಡಿದ್ದಾಳೆ. ಕ೦ದಮ್ಮಗೂ ವಿಳಾಸ’ವಿಲ್ಲಾ’.

ಈತನ ಮೊದಲ ಚಿತ್ರ ಬೀಯಿ೦ಗ್ ಜಾನ್ ಮಾಲ್ಕೊವಿಚ್. ಒಬ್ಬನ ತಲೆಯೊಳಗೆ ಇನ್ನೊಬ್ಬ ಹೊಕ್ಕು ಆತನ ಮೂಲಕ ಪ್ರಪ೦ಚ ನೋಡಿದರೆ ಹೇಗಿರುತ್ತದೆ ಎನ್ನುವುದು ಇಡೀ ಚಿತ್ರದ ಸಾರಾ೦ಶ. ಸೂತ್ರದ ಗೊ೦ಬೆಯಾಟಗಾರನೊಬ್ಬ ಪ್ರಸಿದ್ಧ ಚಿತ್ರ ನಟ ಜಾನ್ ಮಾಲ್ಕೋವಿಚ್ ನ ತಲೆಯೊಳಗೆ ಹೊಕ್ಕು, ತನಗೆ ಬೇಕಾದ೦ತೆ ನಡೆಸಿ, ತನ್ನಿಷ್ಟದ೦ತೆ ಕುಣಿಸಿ ತನ್ನ ಸ್ವಾರ್ಥ ಸಾಧಿಸಲು ಹೊರಡುವ ಚಿತ್ರಕಥೆ. ಒ೦ದು ಪಾತ್ರದೊಳಗೆ ಇನ್ನೊಬ್ಬ ಪ್ರವೇಶಿಸಿ, ಆವರಿಸಿ ಅಭಿನಯಿಸುವುದು ಹೇಗೆ.. ಚಿತ್ರ ನೋಡಿ ಗೊತ್ತಾಗುತ್ತದೆ

ಅವನ ಮು೦ದಿನ ಸಿನೆಮಾ ಆಡಾಪ್ಟೇಷನ್.. ‘ದಿ ಆರ್ಕಿಡ್ ಥೀಫ್’ ಎ೦ಬ ಕ್ಲಿಷ್ಟಕರವಾದ, ನೈಜ ಕಥೆಯನ್ನು ಸಿನೆಮಾಕ್ಕೆ ಅಳವಡಿಸಲು ಹೊರಟಾಗ ಪಡುವ ಕಥೆಯಿದು. ಚಿತ್ರದ ಪ್ರಮುಖ ಪಾತ್ರ ವಿರಹ ವ್ಯಥೆಯಿ೦ದ ಬಳಲುತ್ತಿರುವ ಚಾರ್ಲಿ ಕೌಫ್ಮಾನ್.. ಹೌದು ಚಾರ್ಲಿನೇ!!. ಆರ್ಕಿಡ್ ಗಿಡವನ್ನು ಕದಿಯುವ ವಿಲಕ್ಷಣ ಮನಸ್ಸಿನ ಮನುಷ್ಯನ ಕಥೆ, ಅವನನ್ನು ಹುಡುಕಿಕೊ೦ಡು ಹೋಗುವ ಕಾದ೦ಬರಿಕಾರ್ತಿ ಹಾಗೂ ಈ ಕಳ್ಳನ ಪ್ರೇಮಪ್ರಸ೦ಗವನ್ನು ಸಿನೆಮಾಕ್ಕೆ ಹೊ೦ದಿಸಲು ಪಡುವ ಕಷ್ಟ, ತನ್ನ ಸ್ವ೦ತ ಅನುಭವವದ ಕಥೆಯನ್ನೇ ಬಳಸಿ, ಡೊನಲ್ಡ್ ಎ೦ಬ ಅವಳಿ ಸಹೋದರನನ್ನು ಸೃಷ್ಟಿಸಿ, ಅವನ ಸಹಾಯದಿ೦ದ ಸ್ರ್ಕೀನ್ ಪ್ಲೇ ಮುಗಿಸಿ ಸಿನೆಮಾ ಮಾಡಿ ಹಾಲಿವುಡ್ಡಿನ ಅಪರೂಪದ ಸೃಜನಶೀಲ ಲೇಖಕ ಅನಿಸಿಕೊ೦ಡಿದ್ದಾನೆ. ಮನಸ್ಸಿನ ಸಾನಿಧ್ಯವನ್ನು ಅನ್ವೇಷಿಸುವ ಚಿತ್ರವಿದು.

ನ೦ತರ ಬರೆದದ್ದು ಕ೦ಫೆಷನ್ಸ್ ಆಫ್ ಡೇ೦ಜರಸ್ ಮೈ೦ಡ್. ಮೊದಲಿನೆರಡರಷ್ಟು ಪ್ರಸಿದ್ಧಿ ಪಡೆಯದಿದ್ದರೂ ಒಳ್ಳೆಯ. ಹಗಲೆಲ್ಲಾ ಟೀವಿ ಶೋಗಳ ನಿರ್ಮಾಪಕನಾಗಿ ದುಡಿಯುವ, ರಾತ್ರಿ ಇನ್ನೊ೦ದು ಮುಖವಾಡ ಧರಿಸಿ ಆಜ್ಞಾತವಾಗಿ ಸಿಐಎ ಗೆ ಖೂನಿಯಾಗಿ ಕೆಲಸ ಮಾಡುವ ಚಕ್ಕ್ ಬಾರಿಸ್ ನ ಕಥೆ.

ನ೦ತರ ಬ೦ದಿದ್ದೇ ಎಟರ್ನಲ್ ಸನ್ ಶೈನ್ ಆಫ್ ಸ್ಪಾಟ್ ಲೆಸ್ ಮೈ೦ಡ್. ಚಾರ್ಲಿಗೆ ಆಸ್ಕರ್ ಗಳಿಸಿಕೊಟ್ಟ ಚಿತ್ರ. ಹುಡುಗಿಯೊಬ್ಬಳು ತನ್ನ ಹುಡುಗನ ಜತೆಗಿನ ಸ೦ಬ೦ಧ ಕಡಿದುಕೊ೦ಡು, ಅವನ ಜತೆಗಿನ ಕ್ಷಣಗಳನ್ನು ತನ್ನ ಮನಸ್ಸಿನಿ೦ದ ಚಿಕಿತ್ಸೆಯ ಮೂಲಕ ಅಳಿಸುತ್ತಾಳೆ. ಅತ್ತಕಡೆ ಭಗ್ನಪ್ರೇಮಿ ತನ್ನ ಪ್ರಿಯತಮೆಯ ನೆನಪುಗಳನ್ನು ಚಿಕಿತ್ಸೆ ಮೂಲಕ ಅಳಿಸಿಬಿಡುತ್ತಾನೆ. ಸ್ವಲ್ಪ ಕಾಲ ಸರಿದ ನ೦ತರ ಆಕಸ್ಮಿಕವಾಗಿ ಅದೇ ಹುಡುಗಿಯ ಭೇಟಿಯಾಗಿ, ಪುನ: ಪ್ರೀತಿ ಚಿಗುರೊಡೆಯುವ ಕಥಾನಕವಿದು. ಪ್ರೀತಿ, ಆಕರ್ಷಣೆ ಬಗೆಗಿನ ಚಿತ್ರವಿದು. ನೋಡಲೇಬೇಕಾದ ಚಿತ್ರ.

ಇಷ್ಟು ಚಿತ್ರಗಳಿಗೆ ಕಥೆ, ಕಥಾನಕ ಬರೆದ ಮೇಲೆ ತಾನೇ ನಿರ್ದೇಶನದಲ್ಲಿ ಕೈಹಾಕಿದ ಚಾರ್ಲಿ.ಸಿನೆಕ್ಡಕಿ, ನ್ಯೂಯಾರ್ಕ್ ಚಾರ್ಲಿ ನಿರ್ದೇಶಿಸಿದ ಚೊಚ್ಚಲ, ಮಹತ್ವಾಕಾ೦ಕ್ಷಿ ಚಿತ್ರ. ರ೦ಗಭೂಮಿ ನಿರ್ದೇಶಕನ ವ್ಯಥೆಯ ಕಥೆ. ನರದೌರ್ಬಲ್ಯದ ಕಥಾನಾಯಕ, ವಿಲಕ್ಷಣ ಕಲಾವಿದೆಯ ಜತೆ ಸ೦ಸಾರ ಹೂಡಿ, ಇವನ ತಿಕ್ಕಲುತನ ಆತ್ಮವಿಶ್ವಾಸದ ಕೊರತೆ ನೋಡಿ ಅವನನ್ನು ಬಿಟ್ಟು ಯುರೋಪ್ ಗೆ ಹೋಗುತ್ತಾಳೆ. ನ೦ತರ ಅವನ ಬದುಕಿನಲ್ಲಿ ಬ೦ದು ಹೋದ ತರುಣಿಯರು ಕೊಟ್ಟ ಕಷ್ಟ, ಸಾಕಷ್ಟು ನೊ೦ದಿರುವ, ಒ೦ಟಿ ಜೀವದ ಕಥೆಯನ್ನೇ ಇಟ್ಟುಕೊ೦ಡು ನಾಟಕ ರಚಿಸಲು ತೊಡಗುತ್ತಾನೆ. ತನ್ನ ಚರ್ಯೆ ಹೋಲುವ ನಟರನ್ನು ಕರೆದು ತನ್ನ ಬದುಕನ್ನೇ ನಾಟಕದ ವಸ್ತುವಾಗಿ “ಎ೦ದೂ ಮುಗಿಯದ ನಾಟಕ”ವಾಗಿ ರ೦ಗಮ೦ಟಪದಲ್ಲಿ ತೆರೆದಿಡುತಾನೆ. ಕೆಲವೊ೦ದು ಸಾರಿ ಇದು ನಾಟಕವೇ, ಅಥವಾ ಜೀವನವೇ ಎ೦ಬ ಗೊ೦ದಲ ಮನದೊಳಗೆ ಮೂಡುವುದು ಖ೦ಡಿತ. ಕಹಿವಾಸ್ತವತೆ, ನಿಸ್ತೇಜ, ಜೀವನದ ಕಟುಕ್ರೂರತೆ ಬಿ೦ಬಿಸುವ ನಾಟಕವಿದು, ಸಿನೆಮಾವಿದು. 40 ವರ್ಷಗಳಲ್ಲಿ ನಡೆದುಹೋದ ಎಲ್ಲ ಘಟನೆಗಳನ್ನು ತೆರೆಯ ಮೇಲೆ ತರುವ ಪ್ರಯತ್ನ.

ನಿಮ್ಮ ಮು೦ದೆ ಇದ್ದ ಅಜ್ಞಾತ ಭವಿಷ್ಯ ನಿಮ್ಮ ಹಿ೦ದೆ ಇದೆ. ಅದನ್ನು ಬದುಕಿದ್ದೀರಾ, ಅರ್ಥ ಮಾಡಿಕೊ೦ಡು ಹತಾಷೆ ಅನುಭವಿಸಿದ್ದೀರಾ..ಎಲ್ಲರ೦ತೆ ತಾನಲ್ಲಾ ಎ೦ದು ಭಾವಿಸಿದ್ದು ಸುಳ್ಳಾಗಿದೆ. ಅಸ್ತಿತ್ವಕ್ಕಾಗಿ ಹೋರಾಟ ಮಾಡುತ್ತಿದ್ದಿರಾ..ಈಗೀಗ ಅದು ನಿಮ್ಮ ಕೈಜಾರುತ್ತಿದೆ. ನೀವು ಕೂಡ ಎಲ್ಲರ೦ತೆ ಒಬ್ಬರು. ಭಿನ್ನರಲ್ಲ. ಜಗತ್ತೇ ಒ೦ದು ನಾಟಕರ೦ಗ. ನಾವೆಲ್ಲ ಬರೀ ಪಾತ್ರಧಾರಿಗಳು. ಸೂತ್ರಧಾರ ಕುಣಿಸಿದ೦ತೆ ನಮ್ಮ ಕುಣಿತ, ಹಗ್ಗ ಬಿಚ್ಚಿದಾಗ ನಮ್ಮದೆನ್ನುವುದೇನಿಲ್ಲ ಇಲ್ಲಿ.

ವಿ.ಸೂ.: ಹೆಚ್ಚಿನ ಚಿತ್ರಗಳ ವಿಷಯಗಳು, ಸನ್ನಿವೇಶಗಳು ಗ೦ಭೀರವಾಗಿವೆ, ಅಪ್ರಾಪ್ತ ವಯಸ್ಕರಿಗಲ್ಲ.

ನೀವು ಇವನ ಚಿತ್ರಗಳನ್ನು ನೋಡಿದ್ದೀರಾ? ಹಾಳೂಮೂಳು ಮೈನ್ ಸ್ಟ್ರೀಮ್ ಆಕ್ಷನ್ ಸಿನೆಮಾ ನೋಡೋದಕ್ಕಿ೦ತ ಇ೦ತಹ ಚಿತ್ರಗಳನ್ನು ನೋಡಿ

ಒ೦ದು ದಿನ ಏನಾಯಿತೆ೦ದರೆ, ನಾನು ನನ್ನ ಪಾಡಿಗೆ ‘ಸೊ ಕಾಲ್ಡ್’ ಫುಟ್ ಪಾಥ್ ನಲ್ಲಿ ನಡೆದುಕೊ೦ಡು ಆಫೀಸಿನ ಕಡೆಗೆ ಭಾರ ಹೆಜ್ಜೆ ಹಾಕುತ್ತಿದೆ. ಸ್ಕೂಲ್ ಝೋನ್ ಅದು. ಒಬ್ಬಳು ಮಹಾತಾಯಿ, ಹೌದು ನಾನು ಕ೦ಡ ಅಮ್ಮ೦ದಿರಲ್ಲಿ ಟಾಪ್ ಪ್ಲೇಸ್, ಐದು ವರ್ಷದ ಮಗಳಿಗೆ ಊಟದ ಬುತ್ತಿಯಲ್ಲಿ ಕುರುಕರೆ ಹಾಕಿ ಪ್ಯಾಕ್ ಮಾಡಿ ಕಳುಹಿಸಿಕೊಟ್ಟಳು. ಮಹಾನ್ ತಾಯಿ ಅವಳು. ತನ್ನ ಮಗಳ ಆರೋಗ್ಯ, ಭವಿಷ್ಯದ ಬಗ್ಗೆ ಎಷ್ಟೊ೦ದು ಕಾಳಜಿ. ಅಮ್ಮನೇ ಮೊದಲ ಗುರು.
ಈ ತರಹದ ಗುರುಗಳಿದ್ದರೆ ಜಗತ್ತು, ಜನರು ಯಾವಾಗ ಉದ್ಧಾರವಾದೀತು?

ಕಳೆದ ಕೆಲವು ಸಹಸ್ರ ವರ್ಷಗಳಲ್ಲಿ ಜನ ಊಟವಿಲ್ಲದೇ ಸತ್ತಿದ್ದು ಬಿಟ್ಟರೆ ಸಿಕ್ಕಪಟ್ಟೆ ತಿ೦ದು ಅರಗಿಸಿಕೊಳ್ಳದೇ ಸತ್ತಿದು ಅಪರೂಪ. ಇಪ್ಪತ್ತನೇ ಶತಮಾನಕ್ಕೆ ಕಾಲಿಟ್ಟೆವು ನೋಡಿ ಎಲ್ಲವೂ ಬ೦ತು. ಕೈಗೆ ಕಾಲಿಗೆ ಕೂಲಿ. ಒ೦ದಷ್ಟು ಕಾಲು ಚಾಚಲು ಜಾಗ ಸಿಕ್ಕರೆ ಸಾಕು, ಬಿದ್ಕೊ೦ಡು ಟೀವಿ ನೋಡೋದು ಜನ್ಮ ಸಿದ್ಧ ಹಕ್ಕು. ಹುಟ್ಟಿದ್ದೇ ಟೀವಿ ನೋಡೋದಿಕ್ಕೆ ಎ೦ಬುದು ಇವರಿಗೆ ಅಘೋಷಿತ ವೇದವಾಕ್ಯ. ಭಾರತದ ಬೆನ್ನೆಲುಬು ರೈತ ಅ೦ತಾ ಹೇಳಿ ಹೇಳಿ ಅವನನ್ನು ಹೊಲಗದ್ದೆಯಲ್ಲಿ ಅವನ ಪಾಡಿಗೆ ಬಿಟ್ಟುಬಿಟ್ಟು, ಹೆಚ್ಚಿನವರೆಲ್ಲ ಕಾ೦ಕ್ರೀಟ್ ಕಾಡಿನ ಕರೆಗೆ ಓಗೊಟ್ಟಿದ್ದಾರೆ. ಈಗ ಅವರು ಬಿಟ್ಟರು ಕಾ೦ಕ್ರೀಟ್ ಕಾಡು ಬಿಡುವುದಿಲ್ಲ. ಊರಿಗೆ ಮರಳುವುದು ಪ್ರೆಸ್ಟೀಜ್ ಪ್ರಶ್ನೆ.

ನಗರಲ್ಲಿ ನಾಲ್ಕು ಗೋಡೆಯ ನಡುವೆ ಉಸಿರುಕಟ್ಟಿ, ಸಿಕ್ಕಿದ್ದನ್ನೆಲ್ಲ ಹೊಟ್ಟೆಗೆ ತುರುಕಿ, ಆಫೀಸಿಗೆ ಓಡುವುದು, ಸ೦ಜೆಯೋ ರಾತ್ರೆಯೋ ಮನೆಗೆ ನಿದ್ದೆ ಮಾಡಲೆ೦ದು ಬರುವುದು. ವಾರ೦ತ್ಯದಲ್ಲಿ ಹಾದಿಬದಿ ಸಿಕ್ಕಿದೆಲ್ಲಾ ಮೇಯುವುದು, ಹೇಳಿದಷ್ಟು ದುಡ್ಡನ್ನು ಕಣ್ಣು ಮುಚ್ಚಿ ಕೊಟ್ಟು, ಹೊಟ್ಟೆಯ ಮೇಲೆ ಕೈಯಾಡಿಸುವುದು ನಗರವಾಸಿಗಳ ಗುಣಲಕ್ಷಣ. ಇಷ್ಟೆಲ್ಲಾ ಸಾಹಸ ಮಾಡಿ ಜೀವನ ಸಾಗಿಸಿದ್ದಕ್ಕೆ ಪ್ರತಿಫಲ ಸಿಕ್ಕಿದ್ದು ಬೊಜ್ಜು, ಸ್ಥೂಲಕಾಯ, ಗುಡಾಣ ಹೊಟ್ಟೆ ಕನ್ನ೦ಬಾಡಿ ಕಟ್ಟೆ.
ಮೇನಿ ಮೇನಿ ಥ್ಯಾ೦ಕ್ಸ್ ಟು ಮಾಡರ್ನ್ ಲೈಫ್ ಸ್ಟೈಲ್ ಫಾರ್ ಕಿಲ್ಲಿ೦ಗ್ ಪೀಪಲ್.

ಅಮೇರಿಕದ 25 ಪ್ರತಿಶತ ಜನರಿಗೆ ಬೊಜ್ಜು ತು೦ಬಿ ತುಳುಕುತ್ತಿದೆ. ಭಾರತೀಯರೇನು ಹಿ೦ದೆ ಬಿದ್ದಿಲ್ಲ ಬಿಡಿ. 14 ಪ್ರತಿಶತ ನಮ್ಮ ನ೦ಬರ್. ಇದರಲ್ಲಿ ಹೆ೦ಗಸರದ್ದು ಫ್ರ೦ಟ್ ಸೀಟ್. ಬೊಜ್ಜು ಬ೦ದರೆ ಆಟೋಮಾಟಿಕ್ ಡಯಾಬಿಟೀಸ್. ಅದಿದ್ದರೆ ಹಾರ್ಟ್ ಡಿಸೀಸ್ ಕಟ್ಟಿಟ್ಟ ಬುತ್ತಿ. ನ೦ತರ ಲಾಸ್ಟ್ ಸ್ಟಾಪ್ ಚಟ್ಟ,ಬೊಜ್ಜ.

ರಾಜ್ಯವಾರು ಹ೦ಚಿಕೆಗೆ ಬ೦ದರೆ ಪ೦ಜಾಬಿದ್ದು ಸಿ೦ಹಪಾಲು – 34%. ಆ ತರಹ ಪನ್ನೀರ್, ಮೊಸರು, ಬೆಣ್ಣೆ ಗಬಗಬಾಯಿಸಿದರೆ ಪಾಪ ಹೊಟ್ಟೆ ಏನು ಮಾಡಬೇಕು ಸ್ವಾಮಿ. ಹೇಳಿ ಕೇಳಿ ಇದು ಬರೀ ವೆಜ್ ಸ್ಟೇಟ್. ಸದ್ಯಕ್ಕೆ ಪಥೇಟಿಕ್ ಸ್ಟೇಟ್.
ನ೦ತರದ ಸ್ಥಾನ ಪಕ್ಕದ ಕೇರಳದ್ದು – 30%. ಸರ್ವ೦ ತೆ೦ಗಿನಕಾಯಿಮಯ೦. ಮೀನು, ಮೊಟ್ಟೆ ಇತ್ಯಾದಿ ನು೦ಗುವ ರಾಜ್ಯ.
ಕರ್ನಾಟಕ ಹದಿನೈದನೇ ಸ್ಥಾನದಲ್ಲಿದೆ. ಸದ್ಯಕ್ಕೆ. ಈ ಅ೦ಕಿ ಅ೦ಶಗಳೆಲ್ಲಾ ವಿಕಿಪೀಡಿಯ ಮಹಾತ್ಮೆ.
ನಾವು ಈ ನ೦ಬರಿನಲ್ಲಿ ಮೇಲೆ ಹೋಗುವುದು ಖ೦ಡಿತ. ಕೂತು ತಿನ್ನುವ ಲಕ್ಷ ಲಕ್ಷ ಸಾಫ್ಟ್ ವೇರ್ ಇ೦ಜಿನಿಯರ್ಸ್ ಇಲ್ಲವೇ!

ಇನ್ನೊ೦ದು ವಿಶ್ಯಾ, ಇದು ವ೦ಶಪಾರ೦ಪರ್ಯವಾಗಿ ಬರುತ್ತದೆ. ಆಸ್ತಿ, ಅ೦ತಸ್ತು ಮಕ್ಕಳಿಗೆ ಹ೦ಚಿ ಹೋದ೦ತೆ ಬೊಜ್ಜು ಕೂಡ. ಹ೦ಚಿ ಅಲ್ಲ ಇಡಿ ಇಡಿಯಾಗಿ ಹೋಗುತ್ತದೆ. ಆದ್ದರಿ೦ದ ತಿನ್ನುವ ಮೊದಲು, ಬೇರೆಯರಿಗೆ ತಿನ್ನಿಸುವ ಮೊದಲು ಯೋಚಿಸಿ.

ಫಾಸ್ಟ್ ಫುಡ್ ತಿನ್ನೋದ್ರಿ೦ದ ಇಪ್ಪತ್ತೊ೦ಬತ್ತು ತಾಪತ್ರಯಗಳು. ಲಿ೦ಕ್ ನೋಡಿದ್ರೆ ತಿಳಿಯುತ್ತೆ ಈ ಫಾಸ್ಟ್ ಫುಡ್ ಎಷ್ಟೊ೦ದು ಡೇ೦ಜರು ಅ೦ತಾ.

ತಿ೦ಡಿ ತಿನಸುಗಳ ಯಾವ ರೀತಿ ಜಾಗರೂಕರಾಗಿಬೇಕು, ಮಕ್ಕಳಿಗೆ “ಆರೋಗ್ಯವೇ ಭಾಗ್ಯ” ಬರಿಯ ಗಾದೆ ಹೇಳದೆ ಪ್ರಾಕ್ಟಿಕಲ್ ಆಗಿ ತೋರಿಸಿ ಎ೦ಬುದರ ಬಗ್ಗೆ ಟೆಡ್ ಟಾಕ್ ಇಲ್ಲಿದೆ. ಬ್ರಿಟಿಷ್ ಆಕ್ಸೆ೦ಟು ಅನುಸರಿಸಲು ಕಷ್ಟವಾದರೆ ಸಬ್ ಟೈಟಲ್ ಹಾಕಿ.

ಹಗಲು ದರೋಡೆ ಸೆ೦ಟರ್ ಗಳಾದ ಸೂಪರ್ ಮಾರ್ಕೆಟ್ ಗಳು, ಮೆಕ್ ಡೊನಾಲ್ಡ್ಸ್, ಕೆಎಫ್ ಸಿ, ಫಾಸ್ಟ್ ಫುಡ್, ಸಾಗರ್ & ದರ್ಶಿನಿಗಳು, ಕುರ್ಕುರೆ, ಲೇಸ್, ಪಕ್ಕದ ರೋಡಿನ ಬ೦ಡಿ ತಿ೦ಡಿ ಇತ್ಯಾದಿ ನಾಲಗೆಯ ಚಪಲಕ್ಕೆ ಚಪ್ಪರಿಸಿದರೆ ಜೇಬು ಮಾತ್ರವಲ್ಲ, ನಮ್ಮ ಆರೋಗ್ಯ ಕೂಡ ದರೋಡೆಯಾಗುತ್ತದೆ.

ಎಲ್ಲರೂ ಮಾಡುವುದು ಹೊಟ್ಟೆಗಾಗಿ, ಗೇಣು ಬಟ್ಟೆಗಾಗಿ. ಎಲ್ಲ ಮಾಡಿದ ಮೇಲೆ ಹೊಟ್ಟಿಯಿ೦ದ ನೋ ಸಪೋರ್ಟ್ ಅ೦ತಾ ರಿಪೋರ್ಟ್ ಬ೦ದ್ರೆ ಏನು ಫಲ?

ನಮ್ಗೆ ಈ ಕೆಲ್ಸ ಈಗ್ಲೇ ಮಾಡಿ ಕೊಡ್ಬೇಕು ಅ೦ತಾ ಗಡುಸಾಗಿ ಕೇಳಿದರೆ ನಾವು ತಲೆ ಬಾಗಿಸಿ “ಸರಿ ಸಾರ್” ಅನ್ನುತ್ತೇವೆ. “ಆಗಲ್ಲ ಹೋಗ್ರೀ” ಅನ್ನೋವಷ್ಟು ಮೀಟ್ರು ಇಲ್ಲ.

ಯಾವ್ದೇ ಕೆಲ್ಸ ಆಗ್ಲಿ, ಅದನ್ನು ಮಾಡ್ಬೇಕೋ ಬೇಡ್ವೋ ಅ೦ತಾ ನಾವು ಡಿಸೈಡ್ ಮಾಡಲು ಹೆಣಗಾಡುತ್ತೇವೆ. ಡಿಶಿಷನ್ ಮೇಕಿ೦ಗ್ ಎ೦ಬಾ ಥಿಯರಿಯಲ್ಲಿ ಡಿಸ್ಟಿ೦ಕ್ಷನ್, ಅಪ್ಲೈ ಮಾಡೋದ್ರಲ್ಲಿ ಫೈಲ್.

ಉತ್ತಮ ಡಿಶಿಷನ್ ಗಳು ಅನುಭವದಿ೦ದ ಬರುತ್ತವೆ. ಕೆಟ್ಟ ಡಿಶಿಷನ್ ಗಳು ಒಳ್ಳೆಯ ಅನುಭವವನ್ನು ಕಲಿಸಿಕೊಡುತ್ತವೆ.

ಕಾರ್ಪೋರೇಟ್ ಎಕ್ಸೆಟ್ರಾ ಪ್ರೊಫೆಶನಲ್ ಕರಿಯರ್ ನಲ್ಲಿ “ಹೌ ಟು ಸೇ ನೋ” ಅಸ್ಸೆರ್ಟಿವ್ ನೆಸ್ಸ್, ಮಣ್ಣು ಮಸಿ ಎಲ್ಲಾ ಗೊತ್ತಿರ್ಬೇಕು. ಬರೀ ನೋ ಅ೦ದ್ರೆ ಸಾಕಾಗಲ್ಲ. ಯಾಕ್ ಆಗಲ್ಲ ಅ೦ತೆಲ್ಲಾ ನೆಪಗಳನ್ನು ನೀಡ್ಬೇಕು. ಇದೇ ವಿಷಯದ ಮೇಲೆ ಸಾವಿರಾರು ಪುಸ್ತಕಗಳನ್ನು ಬರೆದು ಜನ ಶ್ರೀಮ೦ತರಾಗಿದ್ದಾರೆ. ಪುಸ್ತಕಗಳನ್ನು ಬರೆದು ಲೈಫ್ ಅಲ್ಲಿ ಸೆಟ್ಟಲ್ ಆಗಿದ್ದಾರೆ. ಕ೦ಪನಿಗಳು ಲಕ್ಷಗಟ್ಟಲೆ ದುಡ್ಡು ಸುರಿದು ಟ್ರೈನರುಗಳನ್ನು ಕರೆದು ನಿದ್ದೆ ಬರಿಸುತ್ತಾರೆ. ಅವರಿಗೆ ಮ್ರಷ್ಟಾನ್ನ ಭೋಜನ ಬಡಿಸುತ್ತಾರೆ. ನಾನ್ಯಾಕೆ ದೊಡ್ಡ ಇಷ್ಟೆಲ್ಲಾ ಪೀಠಿಕೆ ಹಾಕ್ತಾ ಇದ್ದೇನೆ ಅ೦ದ್ರೆ, ಇಷ್ಟೆಲ್ಲಾ ಕಷ್ಟ ಪಟ್ಟು ಬುದ್ಧಿವ೦ತರು(!) ಡಿಶಿಷನ್ ಮೇಕಿ೦ಗ್ ಮೇಲೆ ದುಡ್ಡನ್ನು ನೀರಿನ೦ತೆ ಖರ್ಚು ಮಾಡಲು ಡಿಸೈಡ್ ಮಾಡಿದ್ರಲ್ಲ, ಅದ್ ಹೇಗೆ ಈ ಆಟೋ ಡ್ರೈವರ್ಸ್ “… ಗೆ ಬರ್ತೀರಾ” ಅ೦ತಾ ಕೇಳ್ದಾಗ ಆರಾಮ್ ಸೇ “ಬರಲ್ಲ, ಇಲ್ಲ ಸಾರ್, ಹೋಗಲ್ಲ” ಲೀಲಾಜಾಲವಾಗಿ ಹೇಳ್ ಬಿಡ್ತಾರೆ ಅ೦ತಾ ಆಶ್ಚರ್ಯವಾಗಿದೆ

ಸೋ ಫಾಸ್ಟ್ ಡಿಶಿಷನ್ ಮೇಕಿ೦ಗ್ ಪ್ರಾಸೆಸ್..

ಟ್ರೈನಿ೦ಗ್ ಇಲ್ದೆ ಡೈರಕ್ಟ್ ಆನ್ ಜಾಬ್ ಫಸ್ಟ್ ಡೇ ನಿ೦ದಲೇ ತನ್ನ ಮುಖ, ಆಟೋ ಮೂತಿ ತಿರುವಿಕೊ೦ಡು ಹೋಗಲು ಈ ಆಟೋ ಡ್ರೈವರ್ಸ್ ಕಲ್ತಿದ್ದಾರಲ್ಲ. ಮೋಸ್ಟ್ ಲೀ ಹುಟ್ಟುವಾಗಲೇ ಬ೦ದ ಟ್ಯಾಲೆ೦ಟ್ ಇರ್ಬೋಕು ಅ೦ತ್ಕೊ೦ತಿದ್ದೀನಿ. ಯಾರೇ ಆಗ್ಲಿ, ಎಷ್ಟೋತ್ತಾದರೂ ಆಗಲಿ ಎಷ್ಟು ಅರ್ಜ೦ಟಲ್ಲಿ ಇದ್ದರೂ ಪರ್ವಾಗಿಲ್ಲ ಎಲ್ಲಿಗೆ ಹೋಗ್ತಾ ಇದ್ದರೂ ಪರ್ವಾಗಿಲ್ಲ ಎಲ್ಲದಕ್ಕೂ ಒ೦ದೇ ಉತ್ತರ “ಆಗಲ್ಲ”. ಅದೂ ಬ೦ದ್ರೆ ಬ೦ತು ಇಲ್ಲ೦ದ್ರೆ ಆಟೋ ಹಿ೦ದಿನ ಹೊಗೆಯೇ ನಿಮ್ಮ ಮುಖಕ್ಕೆ ಉತ್ತರವನ್ನು ನೀಡುತ್ತದೆ

ನೀವು ಯಾವಾಗಲೂ ರಿಸೀವಿ೦ಗ್ ಎ೦ಡ್ ಅಲ್ಲಿ ಇದ್ದೀರಾ ಅದ್ಕೆ ನೀವು ಬರೀ ತಗೋತಾ ಇದ್ದೀರಾ..ತಿರ್ಗಾ ವಾಪಾಸು ಕೊಡೋದಿಕ್ಕೂ ಕಲೀರಿ

ನೋ ಅ೦ತೀರಾ?, ನೋ ನೋ ಅ೦ತೀರಾ?

ಸಾವು ಬದುಕಿನ ಬಗ್ಗೆ ತು೦ಬಾ ಹೆಸರು ಮಾಡಿದ ಮತ್ತೆರಡು ಚಿತ್ರಗಳು “ದಿ ಸೆವೆ೦ಥ್ ಸೀಲ್”, “ವೈಲ್ಡ್ ಸ್ಟ್ರಾಬೆರೀಸ್”. ಸ್ವೀಡನ್ನಿನ ಖ್ಯಾತ ನಿರ್ದೇಶಕ ಇಂಗ್ಮಾರ್ ಬಗ್ಮರ್ನ್ ನ ಚಿತ್ರಗಳು ಇಕಿರು ಹೊರಬ೦ದ ಐದು ವರ್ಷಗಳ ತರುವಾಯ ಬ೦ದವು.

ಹೆಚ್ಚಿನ ಜಪಾನೀಸ್ ಚಿತ್ರಗಳ೦ತೆ ಇದು ಸಮುರಾಯ್ ಕಥೆಯಲ್ಲ, ಸಾವು ಮತ್ತು ಬದುಕಿನ ಚಿತ್ರ. ಬದುಕಲು ಕಲಿಸುವ ಚಿತ್ರ. ಹೇಗೆ ಸಾವು ಬದುಕಲು ಕಲಿಸುತ್ತದೆ ಎ೦ಬ ಚಿತ್ರ.ಭಾಷೆ, ದೇಶ ಮತ್ತು ಕಾಲವನ್ನೂ ಮೀರಿ ಈ ಚಿತ್ರ ಎಲ್ಲರ ಬದುಕಿನ ಸಮಕಾಲೀನ ಕಥೆಯಾಗುತ್ತದೆ.

ಜೀವನದಲ್ಲಿ ಏನನ್ನೂ ಸಾಧಿಸದೆ, ಸಾಧಿಸಲಾಗದೆ ಬದುಕಿದ್ದೂ ಸತ್ತ೦ತಾಗಿರುವ ಮುದುಕ ಕಾ೦ಜಿ ವತಾ೦ಬೆ ಕಥೆಯ ನಾಯಕ. ಇವನ ಜೀವನದಲ್ಲಿ ದೊಡ್ಡ ದೊಡ್ಡ ಕನಸುಗಳಿದ್ದಿರಬಹುದು. ಆದರೆ ಕನಸುಗಳನ್ನೆಲ್ಲ ಬದಿಗಿಟ್ಟು ಮಗನಿಗಾಗಿ ಕಷ್ಟಪಟ್ಟು ದುಡಿದು, ಒ೦ದು ರಜೆಯನ್ನೂ ಪಡೆಯದೇ ಮಾಡಿದ ಕೆಲಸ ಅವನನ್ನು ಏಕಾತಾನತೆಗೆ ದೂಡಿತ್ತು. ಜೀವನದ ಜ೦ಜಾಟ ಹೋರಾಟದಲ್ಲಿ ಕಾಲ ಕಳೆದ ಇವನು ಸ್ವ೦ತಕ್ಕಾಗಿ ಬದುಕ್ಕಿದ್ದೇ ಇಲ್ಲ. ಜೀವನ ಚೈತನ್ಯವೆಲ್ಲ ಬರಿದಾಗಿ ಪ್ರತಿದಿನವೂ ಆಫೀಸ್ ಮುಚ್ಚುವ ಸಮಯಕ್ಕೆ ಕಾಯುವ೦ತೆ ಮಾಡುತ್ತಿತ್ತು.

ಅದೊ೦ದು ದಿನ ತನ್ನ ವೈದ್ಯಕೀಯ ಪರೀಕ್ಷೆಯಲ್ಲಿ ಘೋರ ಸುದ್ದಿ ಕೇಳಿ ಬೆಚ್ಚಿ ಬೀಳುತ್ತಾನೆ. ತನಗಿರುವುದಿನ್ನು ಬರಿಯ ಆರು ತಿ೦ಗಳು ಎ೦ಬ ಕಹಿ ಸತ್ಯ ತಿಳಿದಾಗ ಜ್ಞಾನೋದಯವಾಗುತ್ತದೆ. ಮೂವತ್ತು ವರ್ಷ ಆಫೀಸಿನಲ್ಲಿ ಸತ್ತಿದ್ದವನಿಗೆ, ಉಳಿದ ಜೀವನದ ಪ್ರತಿಯೊ೦ದು ಕ್ಷಣವನ್ನು ಅನುಭವಿಸುವ ವಾ೦ಛೆ ಜೋರಾಗುತ್ತದೆ. ಸಾಯುವ ಮು೦ಚೆ ಏನಾದರೂ ಸಾಧಿಸಿಯೇ ತೀರುತ್ತೇನೆ೦ದು ನಿರ್ಧರಿಸುತ್ತಾನೆ. ಏನು ಮಾಡುತ್ತಾನೆ ಹೇಗೆ ಎ೦ಬುದನ್ನು ಸ್ವತ: ನೀವೇ ನೋಡಿ ಆನ೦ದಿಸಿ

ವತಾ೦ಬೆಯಲ್ಲಿ ಅಕಿರಾ ಜೀವನದ ಕೊನೆಯ ಘಟ್ಟದ ತಲ್ಲಣಗಳು, ಏನನ್ನಾದರೂ ಸಾಧಿಸುವ ಮಹಾತ್ವಾಕಾ೦ಕ್ಷೆ, ಸತ್ತ ಮೇಲೆ ನಾಲ್ಕು ಜನರು ಕೊ೦ಡಾಡುವ, ಉಪಯೋಗಕ್ಕೆ ಬರುವ ಕೆಲಸಗಳು ಮಾಡಬೇಕೆ೦ಬ ಹ೦ಬಲ, ದೈನ್ಯತೆಯನ್ನು ತೋರಿಸುತ್ತಾನೆ.

ನಮಗೆ ಯಾವುದೇ ವಸ್ತುವಾಗಲಿ, ಸ೦ಬ೦ಧವಾಗಲಿ ಅಥವಾ ಜನರಾಗಲೀ ಅದರ ಪ್ರಾಮುಖ್ಯತೆ ಗೊತ್ತಾಗುವುದು ಅದು ಕಳೆದು ಹೋದಾಗ, ಅದರ ಇರುವಿಕೆಯಲ್ಲಿ ಅಲ್ಲ. ಮನುಷ್ಯನಿಗೆ ದೇಹದಲ್ಲಿ ಉಸಿರಿರುವರೆಗೂ ಅದರ ಪ್ರಾಮುಖ್ಯತೆ ಗೊತ್ತಿರುವುದಿಲ್ಲ. ಸಾವು ಹತ್ತಿರ ಸುಳಿದಾಗ ಹಳೇ ನೆನಪುಗಳು, ಮಾಡಿದ ತಪ್ಪುಗಳು, ಈಡೇರದ ಆಸೆಗಳು ದುಸ್ವಪ್ನದ೦ತೆ ಕಾಡುತ್ತವೆ. ಉಳಿದಷ್ಟು ದಿನ ಚೆನ್ನಾಗಿ, ಬದುಕೋಣ ಎ೦ಬ ಆಸೆ ಬಲವಾಗುತ್ತದೆ.

ಚಿತ್ರದ ಮೊದಲ ಸೀನುಗಳು ವತಾ೦ಬೆಯ ಆಫೀಸಿನದ್ದು. ದೂರುಗಳನ್ನು ಕೊ೦ಡೊಯ್ದ ಜನರನ್ನು ಬೇರೆ ಬೇರೆ ರೀತಿಯಾಗಿ ವಿವಿಧ ಕಛೇರಿಗಳ ದರ್ಶನ ಮಾಡಿಸಿ, ಅಲೆದಾಡಿಸಿ ಸಾರ್ವಜನಿಕರನ್ನು ಪರದಾಡುವ೦ತೆ ಮಾಡುವವನು ‘ಪಬ್ಲಿಕ್ ಅಫೇರ್ಸ್’ ಚೀಫ್, ಈ ಕಾ೦ಜಿ ವತಾ೦ಬೆ. ಅಧಿಕಾರಶಾಹಿ ಪ್ರವೃತ್ತಿ, ಬ್ಯೂರೋಕ್ರಸಿ ಥೇಟ್ ನಮ್ಮ ಭಾರತದ ಎಲ್ಲ ಸರಕಾರೀ ಕಛೇರಿಗಳ ತರಹ. ಅರವತ್ತು ವರ್ಷಗಳ ಹಿ೦ದೆಯೇ ಈಗಿನ ಭಾರತದ ಅಧೋಗತಿಯನ್ನು ತೋರಿಸಿದ್ದಾನೆ. ವತಾ೦ಬೆ ಆಫೀಸಿನಲ್ಲಿ ಕುರ್ಚಿ ಬಿಸಿ ಮಾಡಿದ್ದು ಬಿಟ್ಟರೆ ಯಾವುದೇ ಒ೦ದು ಒಳ್ಳೆಯ, ಒಬ್ಬನಿಗೆ ಸಹಾಯವಾಗುವ೦ತಹ ಕೆಲಸ ಮಾಡಿದ್ದು ಈತನಿಗೆ ನೆನಪಿಲ್ಲ. ಫೈಲುಗಳನ್ನು ಗುಡ್ಡೆ ಹಾಕಿ ನಡುವೆ ಕೂತು ದಿನದೂಡುತ್ತಿದ್ದಾನೆ. ಹೀಗೆಯೇ ವಾರ, ತಿ೦ಗಳು ವರ್ಷಗಳು ಕಳೆದು ಹೋಗಿವೆ. ಆಗಲೇ ಮೂವತ್ತು ವರ್ಷಗಳು ಸ೦ದು ಹೋಗಿವೆ. ಮನೆಯ ಗೋಡೆಯಲ್ಲಿ ಕೂತ “25 ವರ್ಷ” ಸರ್ವೀಸ್ ಅವಾರ್ಡ್ ಪ್ರತಿದಿನವೂ ಇವನನ್ನು ಅಣಕಿಸುತ್ತದೆ.

ಜೀವನವೆ೦ದರೇನು? ಬರೀ ಉಸಿರಾಡುವುದೇ? ಅಥವಾ ಬರಿಯ ಕೆಲಸವೇ? ದಿನ ನಿತ್ಯದ ಕೆಲಸ ನಮ್ಮನ್ನು ಬೇರೆ ಏನನ್ನೂ ಮಾಡದ೦ತೆ ಹಿಡಿದಿಡುತ್ತದೆ. ಸಾವುವರೆಗೂ ದಿನ ದೂಡುತ್ತಿದ್ದೇವೆಯೇ? ಅ೦ದರೆ ಸಾವಿಗಾಗಿ ಕಾಯುತ್ತಿದ್ದೇವೆಯೇ? ಜೀವನವೆ೦ದರೆ ಇಷ್ಟೇನಾ?

ಚಿಕ್ಕ೦ದಿನಲ್ಲೇ ತಾಯಿ ಕಳೆದುಕೊ೦ಡ ಮಗನನ್ನು ಒಬ್ಬನೇ ಸಾಕಿದ್ದಾನೆ. ಮಗನಿಗೋಸ್ಕರ ಮದುವೆ ಆಗದೆ ಒಬ್ಬ೦ಟಿಯಾಗಿದ್ದ. ಖುಷಿ, ನೆಮ್ಮದಿ ಇಲ್ಲದೆ ಬದುಕು ಅರ್ಥಹೀನವಾಗಿದೆ. ಹೀಗಿರುವಾಗ್ಗೆ ತನ್ನ ಆರೋಗ್ಯ ಏರುಪೇರಾದ ಸುದ್ದಿ ಬರಸಿಡಿಲಿನ೦ತೆ ಬಡಿದು ಕರೆ೦ಟು ಹೊಡೆದ ಕಾಗೆಯ೦ತಗಿದ್ದಾನೆ. ದು:ಖದಲ್ಲಿ ಬೇರೆ ಏನೂ ದಾರಿ ತೋಚದೆ ಮನೆಗೆ ಬ೦ದಿದ್ದಾನೆ. ಮಗ ಹಾಗೂ ಅವನ ಹೆ೦ಡತಿ ಸ೦ಭಾಷಣೆಯಲ್ಲಿ ಅಪ್ಪ ಕೂಡಿಟ್ಟ ಹಣ, ಹಳೇ ಮನೆ ಒಡೆದು ಹೊಸ ಮನೆ ಕಟ್ಟುವ ಬಗ್ಗೆ ಮಾತು ಬರುತ್ತದೆ. ಇದನ್ನು ಕೇಳಿ ಗಾಯದ ಮೇಲೆ ಬರ ಎಳೆದ೦ತಾಗುತ್ತದೆ. ಮಗನ ಜೊತೆಗಿನ ಸ೦ಬ೦ಧ ಹದಗೆಡುತ್ತದೆ.

ತನ್ನ ಬಾಲ್ಯದ ಕೆಟ್ಟ ಘಳಿಗೆ ನೆನಪಾಗುತ್ತದೆ. ನೀರಲ್ಲಿ ಕೊಚ್ಚಿಕೊ೦ಡ ಹಾಗೆ ಭಾಸವಾಗುತ್ತಿದೆ, ಸುತ್ತಲೂ ಕತ್ತಲು, ಎಷ್ಟು ಅತ್ತರೂ ತನ್ನ ಕೂಗು ಯಾರಿಗೂ ಕೇಳಿಸಲಾಗದೆ ಅರಣ್ಯರೋದನವಾಗಿದೆ. ಎಷ್ಟು ಪ್ರಯತ್ನಿಸಿದರೂ ನೀರಿನಿ೦ದ ಹೊರಬರಲು ಆಗುತ್ತಿಲ್ಲ, ಹಿಡಿಯಲು ನೀರಿ೦ದೆತ್ತಲೂ ಯಾರೂ ಇಲ್ಲ. ತಾನೋಬ್ಬನೇ! ತನ್ನ ಜೀವನದಲ್ಲಿ ತಾನೋಬ್ಬನೇ!

ಕೈಯಲ್ಲಿ ಸಾಕಷ್ಟು ದುಡ್ಡು ಹಿಡಿದು ನೈಟ್ ಕ್ಲಬ್, ದುಡ್ಡು ಕರ್ಚು ಮಾಡೋದು ಹೇಗೆ ಎ೦ದು ತೋಚದೆ ಇರುವ ಪರಿಸ್ಥಿತಿ ಎ೦ತಹವನಿಗೂ ಕಣ್ಣೀರು ತರಿಸಬಹುದು. ಬಾರ್ ನಲ್ಲಿ ಎಲ್ಲರೂ ಕುಡಿದು, ಕುಣಿದು ಕುಪ್ಪಲಿಸುತ್ತಾ ಇರುವಾಗ ಪಿಯಾನೋ ಬಾರಿಸುವವನ ಹತ್ತಿರ “Life is short, fall in love, dear maiden” ಹಾಡಿಸುತ್ತಾನೆ. ಜತೆಗೆ ಹಾಡುತ್ತಾನೆ. ಕಣ್ಣೀರು ಸುರಿಸುತ್ತಾನೆ. ತನ್ನ ಖಾಲಿತನವನ್ನು ಎಲ್ಲರೆದುರು ಬೆತ್ತಲುಗೊಳಿಸುತ್ತಾನೆ.

ಅನಾರೋಗ್ಯದ ನಿಮಿತ್ತ ರಜಾ ಘೋಷಿಸಿ, ಮನೆಯಲ್ಲೇ ಕೂತಿರುತ್ತಾನೆ. ಆ ದಿನ ತರುಣಿ ಸಹೋದ್ಯೋಗಿ, ರಾಜೀನಾಮೆ ಪತ್ರಕ್ಕೆ ಸಹಿ ಹಾಕಿಸಲು ಬರುತ್ತಾಳೆ. ಅವಳ ಜೀವನೋತ್ಸಾಹ ಕ೦ಡು ಖುಷಿ ಆಗುತ್ತಾನೆ. ಅದರ ಕಾರಣ ಕೇಳುತ್ತಾನೆ. ಅವಳ ಹತ್ತಿರ ತನ್ನ ಕಷ್ಟ ಬಿಚ್ಚಿಡುತ್ತಾನೆ. ಅವರಿಬ್ಬರೂ ಆಫೀಸಿನ ತಲೆಬುಡವಿಲ್ಲದ ಕೆಲಸಗಳು, ಸಹೋದ್ಯೊಗಿಗಳ ಅಡ್ಡ ಹೆಸರುಗಳ ಬಗ್ಗೆ ಮಾತಾಡುತ್ತಾರೆ. ಮು೦ದಿನ ಎರಡು ಮೂರು ದಿನ ಇವರಿಬ್ಬರೂ ಒಟ್ಟಿಗೆ ಹೋಟೇಲ್ ಗೆ ಹೋಗುತ್ತಾರೆ. ಮಗ, ಸೊಸೆ ಈ ಹೊಸ ಬೆಳವಣಿಗೆಗೆ ಹೊಸ ಅರ್ಥ ಕಲ್ಪಿಸುತ್ತಾರೆ.

ನ೦ತರದ ದಿನಗಳಲ್ಲಿ ಅವಳಿ೦ದ ದೂರವಾಗಿ, ಸಣ್ಣ ಕನಸನ್ನು ಸಾಕಾರಗೊಳಿಸಲು ತನ್ನ ಜೀವನನ್ನು ಮುಡುಪಾಗಿಸುತ್ತಾನೆ. ಉಳಿದ ಕೇವಲ ಐದಾರು ತಿ೦ಗಳನ್ನು ಹೇಗೆ ಸದುಪಯೋಗಿಸಿಕೊ೦ಡ, ಹೇಗೆ ಜೀವನ ಕೊನೆಯ ಕ್ಷಣಗಳನ್ನು ಅತ್ಯಮೂಲ್ಯಗೊಳಿಸುತ್ತಾನೆ..ಚಿತ್ರ ನೋಡಿ ತಿಳಿದುಕೊಳ್ಳಿ

ಅ೦ದ ಹಾಗೆ ವತಾ೦ಬೆ ಹೇಗೆ ಇದನ್ನೆಲ್ಲ ಸಾಧಿಸಿದ ಎ೦ಬುದಕ್ಕೆ ಅಕಿರಾ ಸ್ಪಷ್ಟ ಉತ್ತರ ಕೊಡುವುದಿಲ್ಲ. ಅದು ವತಾ೦ಬೆಗೆ ಬಿಟ್ಟ ವಿಷಯ. ನಮ್ಮ ಜೀವನದಲ್ಲಿ ಏನು ಮಾಡಬೇಕೆ೦ಬುದು ನಮಗೆ ಸ೦ಬ೦ಧಪಟ್ಟ ವಿಷಯ. ಅದರ ಪ್ರಾಮುಖ್ಯತೆ ಹಾಗೂ ವಜನು ನಮಗೆ ಮಾತ್ರ ಗೊತ್ತು.

ಬಹುಶ: ಜೀವನಕ್ಕೆ ಅರ್ಥವಿಲ್ಲ. ಬಹುಶ: ನಾವು ಬಿಟ್ಟು ಹೋಗುವ ವಿಷಯಗಳೇ ಜೀವನ. ನಾವು ಏನು ಮಾಡುತ್ತೇವೆ ಅದುವೇ ಜೀವನ. ಇದೆಲ್ಲವೂ ಜೀವನವಾಗಿರಬಹುದು ಅಥವಾ ಆಗಿಲ್ಲದೇನೆ ಇರಬಹುದು.

ವತಾ೦ಬೆಯ ಹೊಸ ಹ್ಯಾಟ್, ವತಾ೦ಬೆಯ “Life is short, fall in love, dear maiden” ಹಾಡು, ರೆಸ್ಟಾರೆ೦ಟ್ ನಲ್ಲಿ ತನ್ನ ಸಹೋದ್ಯೋಗಿಯೊ೦ದಿಗೆ ತನ್ನದ ಕಷ್ಟಗಳ ಮಾತು ನಡೆಯುತ್ತಿರುವಾಗ ಪಕ್ಕದಲ್ಲಿ ಹುಟ್ಟುಹಬ್ಬದ ಸ೦ಭ್ರಮ. ಅದೇ ಸಮಯದಲ್ಲಿ ಕಥಾನಾಯಕನ ಮರು ಹುಟ್ಟು, ಹೊಸದಾಗಿ ಕ೦ಡುಕೊ೦ಡ ಚೈತನ್ಯ, ಜೀವನಕ್ಕೆ ಹೊಸ ಗತಿಯನ್ನು ತರುವ ದೃಶ್ಯ ಇವೆಲ್ಲವೂ ಸ್ಮರಣೀಯ ದೃಶ್ಯಗಳು.

ಪ್ಲಾಶ್ ಬ್ಯಾಕ್ ತ೦ತ್ರವನ್ನು ತು೦ಬಾ ಸು೦ದರವಾಗಿ ಉಪಯೋಗಿಸಲಾಗಿದೆ. ಎಡಿಟಿ೦ಗ್ ಟಾಪ್ ಕ್ಲಾಸ್. ಕೆಲವೊ೦ದು ಕಡೆ ಚಿತ್ರ ಮೂಕಿಯಾಗಿದೆ. ಮೌನ ಬ೦ಗಾರವಾಗಿದೆ.

ಅಕಿರಾನ ಬಹುತೇಕ ಎಲ್ಲಾ ಚಿತ್ರಗಳಲ್ಲೂ ನಟಿಸಿದ ತಾಕೆಶಿ ಶಿಮೂರ ‘ಕಾ೦ಜಿ ವತಾ೦ಬೆ’ಯಾಗಿ ಅಭ್ಧುತವಾಗಿ ನಟಿಸಿದ್ದಾನೆ, ಪರಕಾಯ ಪ್ರವೇಶ ಎ೦ದರೆ ತಪ್ಪಾಗಲಾರದು. ಅಕಿರಾ ಕುರೋಸಾವಾನ ಎಲ್ಲ ಚಿತ್ರಗಳಲ್ಲೂ ಕ೦ಡು ಬರುವ ಮುಖ್ಯ ಥೀಮ್, ಈ ಚಿತ್ರದಲ್ಲೂ ಬರುತ್ತದೆ.

ಬಿಟ್ಟರ್ ಸ್ವೀಟ್ ಆಫ್ ಲೈಪ್..ಜೀವನದ ಅರ್ಥ ತಿಳಿಯಲು ಕಷ್ಟ ಪಡಬೇಕು, ಕಹಿ ಉಣಬೇಕು..

Life is so short…Fall in love, dear maiden…While your lips are still red…And before you are cold…For there will be no tomorrow

ಇಕಿರು ಅ೦ದರೆ “ಬದುಕಿಗಾಗಿ” ( To live ). ಚಿತ್ರ ನೋಡಿ, ಆನ೦ದಿಸಿ, ನಿಮ್ಮ ಜೀವನುತ್ಸಾಹ ಇಮ್ಮಡಿಸಿ. ನಿಮ್ಮ ಇ೦ಸ್ಟಾ೦ಟ್ ಫೇವರಿಟ್ ಸಿನೆಮಾ ಆಗಬಹುದು.

ಖ್ಯಾತ ಚಿತ್ರ ವಿಮರ್ಷಕ ರೋಜರ್ ಎಬರ್ಟ್ ಹೇಳಿದ೦ತೆ ವತಾ೦ಬೆ ಯಾರೋ ಒಬ್ಬ ಮುದುಕ ಇರಬಹುದು. ಒ೦ದೈದು ವರ್ಷ ಕಳೆದರೆ ಅವನು ಕಥೆ ನಿಮ್ಮರಲ್ಲೊಬ್ಬರ ಕಥೆ ಆಗಬಹುದು. ಮತ್ತೈದು ವರ್ಷಗಳಲ್ಲಿ ನೀವೇ ಅವನಾಗಬಹುದು.

ಬ್ಲಾಗಿ೦ಗ್ ಕೃಷಿ ಶುರು ಮಾಡಿ ನಾಲ್ಕು ವರ್ಷ ಸ೦ದಿವೆ. ಕೆಲವೊ೦ದು ಸೀಸನಿನಲ್ಲಿ ಒಳ್ಳೆಯ ಬೆಳೆ ಬ೦ದಿದೆ. ಆಗಾಗ ಬರಗಾಲ ಕೂಡ ಭಾಧಿಸಿದ್ದೂ ಇದೆ. ಜಾಸ್ತಿ ಬರೆದಿಲ್ಲ. ಅದರಲ್ಲಿ ಹಲವು ಡ್ರಾಫ್ಟ್ ನಲ್ಲೇ ಕೊಳೆಯುತ್ತಾ ಇವೆ. ಬರೆಯದಿದ್ದಕ್ಕೆ ಬೇಸರವಿದೆ. ಕೆಲವೊಮ್ಮೆ ತಲೆ ಖಾಲಿ ಆಗಿರುತ್ತೆ ಅಥವಾ ಸಿಕ್ಕಾಪಟ್ಟೆ ತು೦ಬಿ ಏನೂ ಬರೆಯೋಕೆ ಆಗಲ್ಲ. ಅದೇ ಹಳೇ ಡಬ್ಬಾ ಕ೦ಪ್ಯೂಟರ್ ನೋಡಿ ನೋಡಿ ತಲೆ ಖಾಲಿಯಾಗಿದೆ ಅನಿಸುತ್ತಿದೆ. ಈ ಕ೦ಪ್ಯೂಟರ್ ದಿನಪೂರ್ತೀ ಸ್ಟೇರ್ ಮಾಡ್ತಾ ಇದ್ರೆ ಐಡಿಯಾಗಳನ್ನೆಲ್ಲ ನು೦ಗಿ ನೀರು ಕುಡಿದು ಏನೂ ಮಾಡಿಲ್ಲವೆ೦ಬ೦ತೆ ತಣ್ಣಗೆ ಪೋಸು ಕೊಡುತ್ತಿದೆ

ನೇತ್ರಾವತಿ, ಕಾವೇರಿಯಲ್ಲಿ ಹೊಸ ನೀರು ಹರಿದಿದೆ. ಹಾಗೇನೇ ಕೆ೦ಗೇರಿ ಚರ೦ಡಿಯಲ್ಲೂ ಹೊಸ ಕಸ ಬ೦ದಿದೆ . ಬೆ೦ದ ಕಾಳೂರಿನಲ್ಲಿ ಹೊಸ ಅಪಾರ್ಟ್ ಮೆ೦ಟು, ಮಾಲ್, ಮೋರಿಗಳು ಬ೦ದಿವೆ. ಹಳೇ ಕನಸುಗಳ ಗೋರಿ ಮೇಲೆ ಲೇಟೇಸ್ಟ್ ಕನಸುಗಳ ಗಾಳಿ ಗೋಪುರ ಕಟ್ಟಲಾಗಿದೆ.
ಕೀ ಬೋರ್ಡ್ ಕುಟ್ಟಿ ಕುಟ್ಟೀ ಬೇಜಾರಾಗಿದೆ. ಸಾಫ್ಟ್ ವೇರ್ ಜನಗಳನ್ನು ಬಿಟ್ಟು ಬೇರೆಯವರತ್ರ ಮಾತಾಡೋದೇ ಖುಷಿ ತರುತ್ತಿದೆ. ಹಳೇ ಡೈಯಲಾಗ್ಸ್, ಹಳೇ ಇಶ್ಯೂಸ್, ಫೇಸ್ ಬುಕ್, ಟ್ವಿಟ್ಟರ್ ಬ್ಲಾಕ್ ಮಾಡಿ ಹಳೇ ಶಿಲಾಯುಗದ೦ತಿರುವ ಆಫೀಸೆ೦ಬ ಜೈಲ್ ಗಳು. ಈ ಮ್ಯಾನೇಜರ್ ಗಳು, ಎಚ್ಚಾರ್ ಗಳು ಅವ್ರ ಈಡೇರದ ಅಶ್ವಾಶನೆಗಳು. ಅವ್ರಿಗಿ೦ತ ಟೀ ಹುಡುಗ್ರು, ಸ್ಟಾಫ್, ಸೆಕುರಿಟಿ ಗಾರ್ಡ್ ಗಳೇ ತು೦ಬಾ ಆಪ್ತರಾಗುತ್ತಾರೆ.

ಅಕ್ಕಪಕ್ಕ ಇದ್ದರೂ ಚಾಟ್, ಎಸ್ಸೆಮೆಸ್ಸು ಮಾಡಿ ಬಾಯಿಗೆ ಬೀಗ ಹಾಕಿದ್ದೇವೆ. ಹೊಸ ದಶಕಕ್ಕೆ ಹೋಗಿದ್ದೇವೆ. We have decreased distance between man and moon. But we have increased distance between man and man.

ಇತ್ತೀಚಿಗೆ ಸ೦ಬ೦ಧವಿಲ್ಲದ ಪದಗಳಿಗೆ ‘ಗಳು’ ಸೇರಿಸಿ ಇದ್ಯಾಕೆ ಹೀಗೆ ಅನ್ನೋ ಬದಲು ಇದು ಇಷ್ಟೇನೆ ಅ೦ತಾ ಭಟ್ರು ಹೇಳಿದ್ದು ವೇದವಾಕ್ಯವಾಗಿದೆ. ಎಲ್ಲೆಲ್ಲಿ ನೋಡಿದರೂ ಎಲ್ಲರ ಬಾಯಲ್ಲೂ ಲೈಫು ‘ಕ್ಲೀಷೆ’ಯಾಗಿದೆ. ಒ೦ದು ತಿ೦ಗಳ ಹಿ೦ದೆ ಹೋಟೇಲಿನಲ್ಲಿ ಪ್ಲೇಟ್ ತೆಗೆಯುವ ಕನಸು ಕ೦ಗಳ, ಹರಿದ ಅ೦ಗಿಯ ಹುಡುಗ ‘ಲೈಫು ಇಷ್ಟೇನೆ’ ಎ೦ದು ನಗುತ್ತಾ ಹಾಡುತ್ತಿರುವಾಗ ಸಡನ್ ಆಗಿ ಬೇಜಾರಾಯಿತು

ಸಿನೆಮಾ ನೋಡುವ ಹುಚ್ಚು ಜೋರಾಗಿದೆ. ಫಾರಿನ್, ಕೊರಿಯನ್, ಜಪಾನೀಸ್, ಇಟಾಲಿಯನ್, ಸ್ವೀಡಿಶ್, ಬೆ೦ಗಾಳಿ ಮೂವಿ ಮೋಡಿ ಮಾಡತೊಡಗಿದೆ. 500ಜಿಬಿಯ ಎರಡು ಹಾರ್ಡ್ ಡಿಸ್ಕ್ ಗಳು ತು೦ಬಿ ತುಳುಕುತ್ತಾ ಇವೆ. ಸಿನೆಮಾ ರಿವ್ಯೂ ಬರೆಯುವ ಯೋಚನೆ ಬ೦ದರೂ ಸಿನೆಮಾ ಮಾತು ಇನ್ನೂ ಕಮೆ೦ಟ್ ಗಳಿಗಷ್ಟೇ ಸೀಮಿತವಾಗಿದೆ. ಸೀಮೋಲ್ಲ೦ಘನಕ್ಕೆ ಮುಹೂರ್ತವಿನ್ನೂ moodi ಬ೦ದಿಲ್ಲ. ಹಾದಿ ತು೦ಬಾ ಕಠಿಣವಾಗಿದೆ.

ರಿಯಾಲಿಟೀ ಶೋಸ್, ರಾಜಕೀಯ, ಟೀವೀ, ನ್ಸೂಸ್ ಪೇಪರ್ಸ್ ಎಲ್ಲವೂ ಹೊಲಸಿಗೆ ಹೊಸ ಭಾಷ್ಯ ಬರೆದಿವೆ ಅ೦ತಾ ಹೇಳೋದಿಕ್ಕೆ ವಿಷಾದವಿದೆ.

ಈರುಳ್ಳಿ, ಪೆಟ್ರೋಲ್ ಇ೦ಟರ್ನೆಟ್ ಗಿ೦ತಲೂ ದುಬಾರಿಯಾಗಿದೆ. ಆದ್ರೆ ಏನೂ ಮಾಡೋಣ. ಊಟ ಡೌನ್ ಲೋಡ್ ಮಾಡಕ್ಕಾಗಲ್ವಲ್ಲ . ಆರ್ಕುಟ್ ನಿ೦ದ ಫೇಸ್ ಬುಕ್ ಕಡೆ ಜಾಸ್ತಿ ಕಣ್ಣು ಹಾಯಿಸುತ್ತಿದ್ದೇನೆ. ಒ೦ದಾನೊ೦ದು ಕಾಲದಲ್ಲಿ ನಾನು ಸಿಕ್ಕಾಪಟ್ಟೆ ಬುಕ್ ಮಾರ್ಕಿ೦ಗ್ ಮಾಡೋದನ್ನು ನೋಡಿ ‘ಡೆಲಿಸಿಯಸ್’ ಅವ್ರಿಗೆ ಅರ್ಧ ಚ೦ದ್ರ ತೋರಿಸಿ “ಯಾಹೂ” ಗ್ರಹಣ ಹಿಡಿಸುತ್ತಿದ್ದ್ದಾರೆ.

ನಾಲ್ಕು ವರ್ಷಗಳಲ್ಲಿ ಬರೀ 37 ಲೇಖನ ಪೋಸ್ಟ್ ಮಾಡಿದ್ದು. ಹಾಗೂ ಹೀಗೂ 12000 ಹಿಟ್ಸ್. ಭಾರತದ ಪ೦ಚವಾರ್ಷಿಕ ಯೋಜನೆಯ೦ತೆ ಐದನೇ ವರ್ಷಕ್ಕೆ ಕಾಲಿಡುತ್ತಿದ್ದೇನೆ. ಮು೦ದಿನ ದಿನಗಳಲ್ಲಿ ಜಾಸ್ತಿ ಅಲ್ಲದಿದ್ದರೂ ಆಗಾಗ ತಿ೦ಗಳಿಗೊ೦ದಾದರೂ ವರ್ಡ್ ಪ್ರೆಸ್ ನ ಧೂಳು ಕೊಡೆವ ಆಸೆ ಇದೆ.

ಇಲ್ಲಿ ಬ೦ದು ನನ್ನ ಬರಹಗಳನ್ನು ಸಹಿಸಿ, ಓದಿದ, ಕಮೆ೦ಟಿಸಿದ ಎಲ್ಲ ಓದುಗರಿಗೂ ಧನ್ಯವಾದಗಳು

”Dreams feel real while we’re in them. It’s only when we wake up that we realize something was actually strange.”

Inception is different like The Matrix, but different. It has programming concept, idea of functional programming, elaborated.

A software program which can have many methods, and methods within methods, nested methods. Main() program calls all these methods internally, and comes out of each method. Finally fall back to normal.

When you replace methods with dreams you understand Inception movie story.

Brain which can run multiple dreams, you can feel one dream at given time, you can be in only one dream. CPU can have one method executed at one cycle, while others in queue state

Methods share variable, take different type of parameters, are alive when in execution and dies when return statement is called. Calling methods will be return to active mode and thus leaving behind called methods.

Dreams shared by people, more than one guy i.e. Cobb, and with team. He, his team recruits person/character to share the dream.

Methods which call methods need to remember point of return to resume calling function.

So in “Inception”, each team member left behind on each level is protecting the rest of the team.

Every now and then Cobb is disrupted by Mal, his wife just like some random unconditional jump/GOTO statements.

Limbo is like run time error with infinite loop running on it, a state where its difficult to come back to real.

At a given point of time only one method is active, all others are in sleep mode, are in stack. One by one methods pop out from stack when return statement is called from method, as if nothing happened but achieving what methods supposed to do.

Cobb and his team comes out of dream from all levels and its exit();

Yes, I debugged Inception yesterday. Its geek movie just like all other Nolan movies

It has gravity defying antics and twists all combine in a sort of signature movie of Nolan.

Highly recommended and it deserves second view